Editorial Board

Website :
http://bazarcorps.page.tl
http://salvationist-bazarcorps.blogspot.com/
http://www.facebook.com/azlbazarcorps


e-mail:
bazarcorps@yahoo.com
editorialboard07@yahoo.com
bazarcorps@gmail.com


Published by :
Salvation Army Youth,
Aizawl Bazar Corps,
Jail Veng: Dawrpui: 796001
===================================


SALVATIONIST A MAWHPHURHNA NEITU DANGTE

SALVATIONIST A MAWHPHURHNA NEITU DANGTE
A man khawntu tur    - SAY Bial neitu te
Saron Veng -    Lalrinchhana s/o Lalawmpuia
    Lalmuanpuia s/o Hmingchhuanga
Dawrpui West - Lalhmangaihzuala c/o Pazawna
Dinthar I -    Lalrinhlui d/o Lalfamkima
Jail Veng -     Lalrinpuia d/o Lalzamlova
Zarkawt -    Lalruattluanga s/o PC Lalhruaitluanga
Electric -    Lalrindiki d/o Hmingthanchama
Chhinga Veng & N.Market - Reuben C. Zochamliana s/o Thangzeli
Dawrpui ‘S’ -     F. Lalrampari c/o Sangkhumi
AWH Building & Tuikual - Lalrinchhana s/o Lalsawmliana

    Salvationist chungchanga thurawn pe duh leh dawnglo kan awm anih chuan Editorial Board Member te hnenah engtik lai pawhin a hriattir theih a ni.

===========================================

Bazar Corps hi

Aizawl Bazar hi kum 1931 ah Society a ni a. Kum 1938 ah Corps ah dah ngheh a ni. Tin, Bazar Society a kan awm chhutin kumin hi a kum 80-na a lo ni ta. Corps a nih kum1938 a ni a, kumin hi a kum 73 na a ni.   [Source: K.Vanlaltlana, CVS]

SAY Rising Day
   
    Salvation Army rawngbawlna chu April 26 1917 atangin Mizoramah tan a ni a, hmasawn zelin, Kohhran dangte leh sawrkar hruaituten dodal thin mahse Lt. Kawlkhuma leh a sipai ten harsatna tam tak karah pawh Pathian an tih tlat a, A rawng an bawl tlat a, anmahni kaltlanga Thlarau Thianghlim hnathawh chu dan zawh rual a ni ta lo.  Mei kang ang maiin Thu leh Thlarauah, Pathian ah harhtharna chu a thleng ta zel a ni.   
    Thalai rawngbawlna Salvation Army-a alo intan dan hi  hriat theih tawh lo mahse thalai bila thiltih leh inkhawmna te chu kalpui a nih ngei a rinawm. Sipai Tlangau 1955 Jan a chhuakah ‘ Zoram Thalai Inkhawmpui Hmasa Ber’ tih hmanga Ni 8-11 Oct 1954-a Youth Congress Report chipchiar taka tarlan a nih avangin. Hetih lai hian eng hming nge Salvation Army thalaiten kan put hrethei lo mahila, Headquarters hriatpuina a inkhawmpui hmasa ber Corps 54 atanga palai 500 chuang kalkhawmna ni hi India Eastern Territory a Salvation Army thalai pawl din chhuah ni atan Territorial SAY General Council, Ni 24-25 Nov 2007-a Tuikual Corps a neih ah, ngun taka ngaihtuah a nih hnu ah ziaka chhinchiah felfai taka kan hmuh theih hlui ber anih avangin 8-Oct-1954 hi SAY Rising Day atan nemngheh a, pawm alo ni ta a ni. THQ pawhin Calendar of Events ah Ni Pawimawh bik te zingah min tarlan sak ta a ni.
===========================

Chhandamna Sipai Pawl chu enge ni?

Chhandamna Sipai Pawl chu
A tir tak chuan ‘Chrisian Mission’ tih a ni a, Thlarau Thianghlim in Methodist New Connexion Pastor, William Booth hmanga 1865 a a din kha a ni a, chutih lai chuan Rev. William Booth chu ‘Christian Mission Superintendent’ tih a ni. Bootha chuan ngun taka a ngaihtuahin “‘Volunteer’ kan ni ringawt lo, enge kan tihtur kan hre chianga, kan thawk reng bawk a” tiin ‘Volunteer’ aiah ‘Salvation’ tih a ziak ta a, May 1878 atang chuan ‘Salvation Army’ tih hming a lo pu hlen ta a ni.

    Hetih hun lai vel hi Railtona chuan a chanchinbu ‘Heathen of England’ ah chuan heti hian a ziaka, 1877 leh 1888 ah chuan “Krista tana mahni duhna ngeia thawk sipai rual kan ni e (We are a Corps of Volunteers for Christ)” tiin. 1879 ah chuan chu chu tidanglamin “Krista Sipaite kan ni (We are an Army of Christ)” tiin a ziak leh a. 1878 ah chuan “Kristian Mission chu piangthar taima rual, mahni duhna ngeia sipaia inpete” tiin a report bawk. Christian Mission chu “Piangtha taima rual (Converted Working People)” tia hriat a nih mek laiin “Chhandamna Sipai” tia dah a lo ni ta a ni.
    Chhandamna Sipai chuan a nihna dik tak chu a kawrnghawngah a tarlang a, ‘S’ pahnih ‘Saved to save’ - ‘Chhandam tawh, midangte chhandam tur ka ni e’ tiin. Chu chu Sipai Pawl member tinte nihna chu a ni.
    Chhandamna Sipai Pawl chu mite an thlarau lam leh tisa lam harsatna tanpuitu chu a ni. Churchilla chuan “Tanpui ngai an awmna apiangah Chhandamna Sipai Pawl an awm” a ti a. Billy Grahama chuan, “Sipai Pawlte chuan an kut dinglamin Bible an kenga, vei lamin tuisik no an keng” tiin a sawi. Japan lal pakhat chuan “Salvation Army te hi Kristian hmel an ni e” tiin a sawi bawk. William Bootha chuan “Riltam chungin an thlarau lam chaw kan pe thei lovang” a ti a.
“Tun anga hmeichhiate an tah chhung chuan KA DO ANG
Tun anga naupang riltam an awm chhung chuan KA DO ANG
Tun anga Lunginah tang lut leh chhuak an awm chhung chuan KA DO ANG
Kawtthlerah hmeichhe naupang vakvai an awm renga, Pathiang eng tellova Thlarau pakhat pawh an awm reng chhung chuan KA DO ANG a
A tawp thlengin KA DO ANG” tiin
    Sipai Pawl chuan ‘Chhandamna Chanchin Tha’ Thlarau bote hnena hril chunga retheihna umbo hi a tum dan pawimawh ber pakhat chu a ni. William Bootha thuvawn chiah hi America President ropui tak John F. Kennedy khan a rawn man fuh chiah maia, a ram mipuite hnen, ‘Ramthar lak tur kan nei, hma thar bawh tur kan nei” a tih fo thin pawh kha, mirethei leh ram rethei zawkte chhawmdawl leh tanpui kha a ni.
    Salvation Army hi William Bootha siamchhuah nilovin, Pathianin a hmuhchhuah tir a ni zawk.
    William Booth chu Pathian tana thawk reng mai, zawi muanga che ngailo a ni a, darkar 24 chhungin darkar 48 hnathawhna hun neia sawi a ni.
    A nupui Catherine Booth thu tihtluk pawh hi a ropui hle. “Zurui mite leh misualte an inah leh kawtthlerah thu ka hrilh tur a ni” tih a ni.
    Heng mi pahnih Atana inpe zote hmang hian Pathian chuan “Chhandamna Sipai” chu a lo din ta a ni.
==========================

CHHANDAMNA SIPAI PAWL PUANZAR

Sipai Pawl chuan khawvel rilru tak leh chapona thinlung takin ‘Puanzar’ hi a siam lova, Pathian tihtu, Thutak hmanga raldotu a nih avangin, leh Bible thu a nih avangin he ‘Mei leh Thisen kai puanzar’ hi ram tinah zar tumin a bei tawh a, a bei zel dawn a ni. "Nangmah tihtute hnenah chuan puanzar i pe ta a, Thutak avanga zar a nih theih nan" (Sam 60:4).
 
Sipai Pawl puanzar hmasaber lo lanna chu William Booth-a nupuiin Coventry Corps tana a pek kha a ni. Chutihlai chuan a rawng chu a senduk, Isua Krista thisen entirna, a dumpawl - Thianghlimna entirna leh a laiah Ni (Sun) lem leh eng aiawhtu te leh Mei leh Thisen thuziak chuan ‘Beramna thisen leh Thlarau Thianghlim mei’ entirnate chu an ni.
 
Tuna kan hman mek ‘Hnehna Puanzar’ hi 1874 kumtir lam khan General leh a fapa Bramwell Bootha chuan flag rawng leh a pian phung tur an sawi dun a, 1876 May thla khan chu mi t hu chu General chuan Billups-a nupui hnenah, "Puanzar neih dan kan ngaihtuah a puansen duk, dumpawl hualin, eng nge i ngaih ve dan? A senduk chuan - tlanna, a dumpawl chuan thianghlimna a entir ang a," tiin a thawn ta a.

Tuna kan puanzar hman mek hi 1882 vela siam a ni a, a laia Ni chu ‘Arsi’ in an thlak ta a, General chuan 1882 June thla khan Penzence Corps Biak In thar lungphum a phum laiin, a pe ta nghe nghe a, William Booth-a leh a nupui chuan a rawng awmzaite an sawifiah a, an tihdanglam chhan erawh chu a sawi lo thung. General chuan Corps tinte chu puanzar nei theuh turin a hrilh bawk a ni.

Puanzar a laia Ni (Sun), Arsi (Star) a an thlakna chhan chu, mi thenkhat Ni betute an awm avangin, chung mite tan chuan ngaihthiam loh tur a awm theih avang leh, anmahni chu Sipai Pawla lut tura harsatna a siam hlauhna avang a ni.

(Source - Kan danglamnate)


HRIATPUINA

    Hriatpuina awmzia chu nemnghehna emaw, puanchhuahna emaw, tihna a ni. Tin, hetiang hian sawi ila a chiang leh zual awm e. Hriatpuina awmzia leh dik tak chu, miin Krista a nun an lo neih veleh, Krista nena an intawh dan sawichhuah an chak thin a. Isua hi Krista (Chhandamtu) ani ngei tih thuhretu an lo ni a. Chutiang Krista nena intawh dan thusawitute thusawi chu “HRIATPUINA” kan ti thin a ni. Tun hma chuan RILRU SAWINA tih a ni thin a, tunah erawh chuan hriatpuina tih hi hriat dan leh hman dan tlangpui a lo ni ta zawk.

    Hriatpuina hi Sipai Pawl chuan a tirte atanga a lo kalpui tawh thin a ni a, Kohhran dangten an tih ve hma daih atang pawha lo ti tawh a nih avangin Sipai Pawl hi hriatpuina dinchhuaktu/tichhuaktu ani a tih theih hial awm e.

    William Booth-an Sipai Pawl a din tirh vel lai pawh khan, an inkhawmna apiangah Hriatpuina sawina hun an siam ziah thin a, chu chuan midangte tan malsawmna a thlen zel bawk. Mrs. Collingridge hriatpuina sawi atangin Mr. John Gore-a a piangthar a. A pianthar atang chuan Mr. R.Sounders nen kum 1881-ah Australia ah Sipai Pawl dinchhuaktu ropui tak a lo ni ta nghe nghe a ni. Tin, mi pakhat chhiahhlawh rethei tak hriatpuina sawi atangin Richard Slater chu a piangthar bawk a. Ani pawh  a pianthar hnuah meuh chuan Sipai Pawl Music hmuchhuaktu ropui tak “Father of Army Music” (Sipai Pawl Rimawite Pa) kan tih tak hi a lo ni ta hial reng a ni. Hla leh a thluk 500-600 lai a siam a ni.

    Hriatpuina sawi hi Kohhran dang chuan an tih vek ngailoh a ni a. Tunah erawh chuan a that zia an lo hre ve ta a, an ti ve ta zauh zawuh mai. Camping leh Crusade ah phei chuan an uar ta hle a ni. Hriatpuina hi Sipai Pawl chuan a ngai pawimawh hle. Hriatpuina sawi atang hian Inkhawmna nung leh nung lote, Corps nung leh nung lote a hriat thin. Hun indaihlo khawpa hriatpuina sawitu awmna Corps chu Corps nung tak a ni tih loh theih a ni lo.
(Source - Kan danglamnate)


CHHANDAMNA SIPAI IN LALPA ZANRIAH CHUNGCHANGA A NGAIHDAN
    Chhandamna Sipai chuan Lalpa zanriah (Sacrament) hmangtute hi a sawisel lova, thlarau lam malsawmna dawn nana an hman phei chuan a lawmpui em em a ni. Hmuhtheih Sacrament (Lalpa zanriah) zinga ropui ber, Isua Krista, Beram No, kan kalhlen kut nana talh a kha, hmuh theih loh thlarau lam a kan Sacrament (Lalpa zanriah) ropui tak, kan thlarau lam inpawl hlimna ruai (Holy Communion) chu a ni a, van atanga chhang nung lo chhuk, Israel thar te tana pek aia, chhang hlawm dang lo siam chu tul leh mamawh berah a ngai lo a ni.
(Source - Kan danglamnate)
 


==================================