The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.

 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
Article lawrkhawm
=> Article 2013
=> Article 2012
=> Article hlui 2011 hmalam
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

Article 2012

2012 hmalama Article - salvationist a chhuah te




IN SENGSO NGAM NUN NEIH A NGAI
(Self-Denial Pual)
- Maj. Sangzuala


Bible chhiar tur : II Samuela 24:18-25

BENNY HINN-A CHUAN “A MAN PEK A NGAI” A TI:
Detroit khuaah a farnute nupa inah tukthuan an ei laiin, Thlarau Thianghlimin tawngtai tura a hrilhna chu a hnial a, “Lalpa engtinnge ka kal theih ang, chaw kan ei mek a, chu lo rengah pawh, ka farnu ten eng angin nge min ngaih ang?” tiin a kal duh lova. Chu mi tlai lama an Crusade hun turah chuan nidang aiin mipui an lokal thahnem nasa mai a. Nimahsela rawngbawlna an han neih chuan, Thlarau Thianghlimin a tinsan ta a, a thusawi chuan awmzia a nei thei ta lova, mipuite hnenah malsawmna a thleng ta hauh lo mai a ni.
Inkhawm ban chuan a awmna Hotel-ah chuan a lumlut ta tawp mai a, a tawngtai ta a. Thlarau Thianghlim chuan zaidam takin a hrilh a, “Kal la tawngtai rawh ka ti che a, i unaute zinga awm kha i thlang zawk a. I farnu leh a pasalte kha hmun i awhtir a, i dah pawimawh zawk a tin a ni,” a ti a. Nimahsela, ani chuan, “Lalpa ka kalsan theilo a ni, ka farnuin engtinnge a ngaih reng reng ang?” a la ti leh talh a. Zaidam leh nem diaiin,”Kha kha a man pek tur chi khat chu a ni asin, Benny, Thlarau Thianghlim hriakthih dawnna tur hian a man pek hi i huam reng em?” a ti a.
Hetiang deuh hian Mahni Inphat Thawhlawm (Self-Denial) intan dan pawh hi kan eitur leh kan taksa tana tha tur chan ngam a, man pea mirethei leh kut tual leichham te tan a pekna dan a lo intan a nih kha. Keini pawh hian chutiang taka thinlung leh ngaihtuahna nen a pe tur kan ni.

LAL DAVIDA PAWHIN INSENGSO LOVIN INTHAWINA HLAN THEI MAHSELA A MAN A PE A NI:
Jebus mi Arauna hruih zawlah, inthawina hman a dil a, Arauna chuan Davida hnenah chuan, “Lal chuan awm a tih apiang chu la sela, hlan ang hmiang, thing halralna a tana hman tur mamawh zawng zawng chu a awm a, hruih zawlte nen,” tiin Lal Davida chu a pe a. Nimahsela Lal Davida chuan, “Ni love, a man pein ka lei sak ang che. Engmah insengso lovin Lalpa ka Pathian hnenah halral thilhlan ka hlan lovang,” a ti a. He mi thuah hian Lal Davida hian Pathian hnena inthawina hlan tur hian pawisa pakhat mah insengso hauh lovin hman tur a nei a. Nimahsela, mi thilneih ringawt ringa Pathian chibai buk hi a dilo a ni tih a hrechiang em em a, a man a pe ta a ni.

IN SENGSO A RAWNGBAWLIN - AMAN PEK A NGAI A NI:
He kan thupui pahnih hi an inang deuh thuak a, amaherawhchu han sawi danglam hret theih a ni. Benny Hinna’n a man a pek a ngai tia a nun nena a han sawifiah danah hian, Chawngheia tawngtai emaw HUN thuah kan hun te pawh hi mahni tana hmang lova, pathian tana inpekna a kawk deuhin a lang. Lal Davida chungchangah hian sum leh paite insengso a, mahni inphat a, Pathian tana thipek reng reng chu ui hauh lova pe tur kan ni ti ila a dik thei awm e.


FAPA TLANBO THU
- Maj. Lalthansanga


Bible : Luka 15:1-32

Bible ah hian hrilhfiah ngai lovin kan hriat lar ber pawl a nih a rinawm a, a thu rawn ziak lang kher lo mah ila, hriat lar pawl a nih a rinawm.
Fapa tlanbo kha kha inchhira a pa hnen a lo kir leh hma kha chuan a pa chuan a theih nghilh lo. A pa hnen a lo thlen khan ngaihdam a dil a, “I hnena in hlawhfa pakhat angin min siam ve rawh, i fapa a vuah tlak ka ni lo,” tiin a ngen a ni.
A pa chuan, “Ka fapa hi a thi a, a lo nung leh ta a nih hi, chuan, puan tha ber kha han la ula sin tir rawh u. A kutah zung bunte, a ke ah pheikhawk te buntir rawh u,” a ti a.

Silfen thar:
Hei hian felna puana inthuam a entir a. Pathian hmangaihna chuan min kalsan lo. Mihringte erawh chuan kan hawisan a, mahni nuam tih zawng apiang kan pan a. Min hmangaihtu Pathian chu kan hawisan thin.
Amaherawhchu sima kan pan theih hun chu min hmangaihtu Pathian chuan englai pawhin min nghak a ni. “Ka nunna hi ka Pathianah chuan lawm takin a awm ang; mo neitu tûr chu pangpâr thihruia a inchei thin ang leh, mo tûr chu a incheinatea a inchei thin ang hian, ani chuan chhandamna silhfente mi bel a, felna kawrfualin mi tuam ta si a.” (Isaia 61:10)

Zungbun:
Hei hi fa nih chhinchhiahna a ni. Chu chuan a entir a, a nemnghet a ni.

A ke ah pheikhawk:
Hei hian kal dan thar a entir a, Pathian awm ngaithla in, mihring duh dan ni lovin, Abrahama hnehah pawh a sawi.
Tin, LALPAN Abrama hnênah chuan, "I khaw lam ata leh i laichînteho zîng ata leh i pa in ata chhuak la, ram ka la entîr tûr che lamah kal rawh. (Genesis 12:1)

Rintheihna:
Hei hian chhungkua nihna a entir a ni. Heng zawng zawng hi Thlarau lam chhinchhiahna a ni. Felna te, fapa nihna te, kawngthar lam in thianna te chu Isua kan hriatna atanga a ringtute zinga tih thar lo lang chu a ni.

Felna:
Mahni felna ni lovin tunah Pathian felna chu tihlanin a awm ta. Chu chu Krista rin avanga a ring apiangte hnena thihlana awm chu a ni a, danglamna reng a awm lo.
“Nimahsela tunah Dan leh Zawlneite hriattir angin Dan lova Pathian felna chu tihlanin a awm ta.” (Rom 3:21)

Phatsanna:
Kan rinna hi mahni kan lo in ngaih mai ai hian a derthawng a, mahni inthununna kan tlachham fo. Mi sawi apiang kan ngaihven a, kan zawm thin. Thudik chanve a ni duh hle.
Thudiklo leng vel in min tihbuai loh nan leh thudik lo avanga kan buai loh nan Pathian i vuan tlat ang u.
“Tuman engmahin tihder che u suh se; tluksanna chu a lo thlen hmasak zeta Dan Bawhchhepa, boral fapa chu a lo lan loh chuan chu mi Ni chu a thleng dawn si lo va.”(I Thessalonika 2:3)



SETANA REMRUATNA
- Maj. Lalthansanga


1. Khawvel bumtu, mihring chauh ni lovin khawvel kalphungin a thawh chin chu tih danglam vek a duh. A tihchhiat theih chu pawi tih nei lova tihchhiat vek a duh. Kan Pathian thu chuan hetiang in a sawi a - “Khawvel pum hi misual thu in a awm” tiin.
Setana chuan mite chu an mit tidelin bumna thu a chhakchhuak a, hetiang hian kan hmu a -
“Nimahsela, kan Chanchin Tha hi khuhin a awm chuan boral mekahte hian a ni, khuha a awm ni.” (II Korinth 4:3) tiin.
Setana hian hetianga sawi tur hian mite a nei ve tih kan hriat a tul hle a ni. “Hmana kan sawi ang khan tunah ka sawi leh dawn a ni, “Chanchin Tha in pawma lo kha chu, Chanchin Tha dang tupawhin hrilh che u sela, anchhe dawngin awm rawh se,” tiin Galatia 1:9 ah a inziak a ni.
Hruai bona Thlarau lo awm tur thu hi kan hria a, kan in venthat a tul em em a ni. Chung thu chu II Timothea 4:1 ah “Nimahsela, nakin hunah chuan mi thenkhatte chu, mi dawtheite vervekna avangin hruaibona thlaraute leh ramhuaite zirtirna thu ngaihsakin rinna chu an la bansan ang tih Thlarau chuan chiang takin a sawi a. Chung mi dawtheite chu anmahni chhia leh tha hriatna ngeia thir linga deh ang an ni a,” tia inziak kan hmu a. Thlarau mi inti zingah hian ziktluaklo chu an awm ngei dawn tih chu kan Pathian thu in min hrilh a, keimah ngei pawhin ka hre tawh a ni.
2. Hnungtawlhna: Hei hi tlukna thlentu a ni. “Nimahsela, mite zingah chuan zawlnei derte pawh an lo chhuah kha, chutiangin in zingah pawh zirtirtu derte an la awm ang...” tiin II Peter 2:1 ah a inziak a ni.
Setana chu ringtute hmelma a ni a, thil tha leh thalo indo na chu Genesis atanga Thupuan thlengin tihlan a ni. Adama leh Evi chungah te leh Kaina leh Abela te unau karah pawh inthah duhna thlentu chu Setana remruatna a ni.
Tunlai hunah pawh hian mimal tin hnenah pawh a thawh dan chu a in ang lovang tih te pawh kan ngaihtuah a ngai hle a. Kohhran leh Kohhran inkarah pawh a thawk a, nupa karah te, thian inkarah te, ram roreltute karah pawh a thawk nasa hle a ni.
Setana hian remchang zawngin a hun a hmang nasa em em a. Kan pi leh pute hun lai aiin tunah hian nun dan kan vawng thianghlim ta lo zawk niin a lang a ni. In thah mai mai te, tun hma a kan hriat ngai loh ruang chhar tih te, Kristian ramah hian a tam ta hle mai.
Chuvangin kan taksa Pathian chenna in hi i vawng thianghlim theuh ang u.
“Nunna hmangaih duh leh Ni thate hmuh duh chuan Sual lakah a lei veng tha sela, A hmui pawh ngamthlemna thu sawi lo turin Veng tha rawh se.”(I Petera 3:10)
Pathian thu chu boral mekte tan chuan atna a ni si a, Krista zuitu dik tak tan chuan nunna a ni.
“Kraws thu chu boral mekte tan chuan atna a ni si a; keini chhandam mekte tan erawh chuan Pathian thiltihtheihna a ni zawk e.” tiin I Korinth 1:18 chuan a sawi a ni.



ENG ENG EMAW..

- Dr. K.Lalhruaitluanga,

Secretary, SAY


 

Missionary  Convention ni 12 August, 2012 khan kan Biak inah Territorial Songsters ten Lt.Col. Kawlkhuma hla lehlin, Kartar Singh hla phuah ‘Ka sum leh pai, ka nunnate-min hawhtu hnenah vek ka pe’ tih kan sa a, he hla hi inphatna/inpumpekna hla tha tak a ni a, hla kan zir lai pawhin kan duh hle a ni.
Inkhawm banah chuan Officer pakhat (a hming sawi kher lo ila) hian kan hnung lamah, kan hriat phak ngei turin “kan Songster te pawh hian Sipai hlate hi sa ve tawh se la”  a ti a, a eng hi nge sipai hla chu ni ang aw? ti a a thusawi chu ngun taka ka ngaihtuah hnu ah he thu hi ka ziak ta a ni.

A THLUKAH VAL I BUAI EM NI? 
Khawi khawiah emaw Zaipawl rawngbawlna neiin kan chhuak ta fo a, hengah hian mi thenkhat (tlemte phei chu an ni a) hian ‘thlarau lam hlate hi sa ve ula’, hi an ti teh chawk a, a eng ber hi nge thlarau lam hla kan tih ni ang le? Sak dual dual theih leh ‘Tlawng dung, tlawng dung beat- khuang hnih hla’ hi Zaipawl te sa turin min beisei emaw ni chu aw! ka ti thin.
Pathianin A mite hla a pe a, hla tha tak tak, tuarna leh harsatna kara chhel tura mi fuih thei hla te, sual dona hla te, thianghlimna hla te, inphatna hlate, a dang tam tak pawh a la awm ang. Kum 1919 chho-a Sap (Western) hla thluk hrula siam Mizo lengkhawm zai, khuang hnih hla chang lo pawh hi Pathianin a siam leh Thlarau Thianghlim in hriak a thih a ni ve tho si a.
Sam-ah chuan ‘mi tinreng ten thiam takin Lalpa chu fak rawh u’ tih ziak kan hmu a, Pathian fakna hla chu eng beat leh eng anga thluk ing-euh pawh ni se, fakna thinlung atanga chhuak, Siamtu chawimawina a nih dawna Pathian a ropui dawn phawt chuan a pawi reng reng lo. Chuti a nih si chuan kan hla mawi leh ropui zawng zawng te, hlathluk fan deuh te, hla thluk tang leh rang deuh te hmang pawha fak leh chawimawi hi kan Pathian hian a phal em em a, a nemnghet ngei bawk a ni tih kan hmu. Thlahdah tak leh pawlawh taka heng hla te sak erawh min Siamtu duhdan a ni hauh lo ang.
Pathian Biak inkhawma  zai a nawma, lam chhuak leh phar chhuak an thathnem chuan ‘thlarau a tla tha’ kan ti thin, a ni reng lah taka, kan hlimna leh kan lungngaihna te hi kan chetzia in  kan lantir  fo reng a .
Khuang hnih  zai kan tih mai-lengkhawm hlate a hman ang tho hian solfa/staff notation hla leh music te pawh hi Pathianin a hmang vek tho a ni. A solfa/staff notation thluka zai/ham/tumrik kan tih tak avanga ‘Thlarau ta lo viau’ anga kan hmu a nih chuan mi kan thlir dan/ngaihdan kan sawhsawn a tul mai thei e.
Hmasawn tur chuan nasa taka kan beih a tul a, hla kan sa emaw, rimawi kan rem emaw pawh ni se, thiam tak,nal tak leh mawi taka ti thei tur chuan kan theihtawp chhuaha tih a ngai a ni. Khawvel hnam hrang hrang Music a inanglo, amaherawhchu hnam hrang hrang ten an pawmtlan rimawi mawi zawk, zai mawi zawk hi chu a awm a ni.
Hnam dangte mithmuha mawi leh zahpuiawm lo ni mai lo, Pathian –ropuiber chawimawi nana kan zai leh rimawi te kan sak/tum phawt chuan a thluka lo buai vak hi a tha ber lo ang.
Kan Pathian ropui ber hian Mizo zai-tlarthum zai, chawngchen zai leh thluk dangte hmanga Amah fak leh chawimawi hi a phal a, chutih rualin hla mawi ropui ber te hmanga Amah fak pawh hi a phal em em a ni.
Hma sawn tur chuan hla mawi chi hrang hrang te kan zir zel anga, kan rem/sa zel dawn a ni.
‘...Mi tinrengte u, Lalpa chu fak ula.......Hla sa chungin A hmaah chuan kun rawh u.’

 

 

AMAH LEH NANGMAHAH A LANG

- Maj. Lalthansanga


 

1. Thupek hlui chu Pathianin a lo ziak vek tawh. Chung thupek chu;
“Dan thu emaw, zawlneite thu emaw tiboral tura lo kal ka nih ring suh u; tiboral tura lo kal ni lo va, tifamkim tura lo kal ka ni zawk.” (Mathaia 5:17)

2. Amah leh nangmah a lang tih thu hi ringtute famkimna a ni. Kan hnena cheng Thlarau Thianghlim chuan amah leh keini chu pumkhatah min siam a, chu chu mihringte hnena Pathian thil pek a tum chu a ni.
Kan Thurin ah chuan, “Chenpuitu” tiin a sawi. Ringtute chu Pathian Thlarau Thianghlim chuan a chenchilh in a veng reng a, a thlamuan reng bawk.


3. Tisa chakna:
He thu hi kawng tam tak in kan sawi thei ang. Amaherawhchu, Pathian Thlarau keimahnia lo awm chuan Pathian fa kan nih min hriattir a, inzawmna Thuthlung min tihnghehsak a ni. Chu chuan hna a thawk a, Pathian nen kan inzawmna te then turin sual hnathawh chu  alo lang ve thin a, chung te chu:
i) Lal leh thuneihna hmangin
ii) Ropui leh chawimawi duhna te
iii) Chapona leh hmingthan chakna
iv) Thuawih loh, mahni ngaihdan tundin duhna

Heng kan tarlan tak te hi rawngbawltute leh kohhran zingah a lo awm thin a. Chu chu mihring hmasa Evi leh Adama pawh khan thuawih lohna chu an tluk phah a ni.


3. Mit chakna:
Mit chakna chu Evi chungah pawh a lang. Ei phal loh chu a en reng a, mit la tak, ei mi tak a ni tih a hria a, a ei ta a ni. Mit chakna chuan awhna a siam a, awhna chuan beiseina a thlen a, beiseina chuan thil thalo tihah a hruai lut a ni. Chu chuan inpumpekna a siam a, chumai a ni lo, mit la thei ang ber a in buatsaih pawh a keng tel asin, i han en teh ang.
“Tin, nang, rawka i awm hun chuan engtin nge i tih ang? Puan sen lâra intuamin, Incheina rangkachaka incheiin, I mitte hnawih dûr mah la, I intimawi thlawn mai mai a ni, I tlangvâlte chuan an hmusit tho chia, I nun lâk an tum a ni.” (Jeremia 4:30)
Heng thu atang hian Pathian mit a an tlun loh zia a lang. Kan thil hmuh leh hriat chu khawvel atanga chhuak vek an ni a. Johana chuan hetiang in a sawi -
“Khawvel hi hmangaih su ula, khawvela thil awmte pawh hi hmangaih hek suh u.... Khawvel hi a chaknate chawpin a boral mek a ni, Pathian duhzawng titu erawh chu kumkhuain a awm reng ang.” (I Johana 2:15, 17)
“Thupek chu amah leh nangmah ah tihlan in a awm tawh em?”

 

 

 

 

 

OUTREACH MISSION

- Maj. S.T Dula

 

Bible chang innghahna :

Matthaia 28:18-20, Marka 16:15-18, Sam 2:8, Thufingte 24:11-12

Tunah hian khawvel pumah mihring 6.9 Billions (Tluklehdingawn ruk chuang) zet kan cheng mek a, mihring heng zozai zinga 67.4% (Za a sawmsarih pariat dawn) hi chanchintha la hrelo leh la thlen lohna an ni. 24.8% hi Kristian kan ni in, 7.5% hi chanchintha puandarhna a thahnemngai (Evangelicals) an ni. Tunah hian khawvel pumah hian sakhua (religions) 18 lai a awm a, tawng hrang hrang 13,511 leh tawng tenau belhkhawm 30,000 hmang kan awm mek a ni.

Khawvel mihring zawng zawng 51% hi khawpui ah kan cheng mek a, nitin nausen piangthar hi 2,00,000 (nuai hnih) chuang an awm ziah a ni. Tin, nitin an tana Isua Krista tlanna hre lo hi mi 1,52,000 (nuai khat singnga leh sanghnih) vel chatuan boralna ah a liam thin nia chhut a ni bawk. Bible la hmu miah lo hnam 2,252 (sanghnih zahnih sawmnga leh pahnih) an la awm mek a ni. Tin, khawvel pumah hian Kohhran hrang hrang 38,000 vel awm ang a chhut a ni bawk.

Missionary Ram pawn leh chhunga tirchhuak tam ram te -

1. China - 1,00,000
2. USA - 93,500
3. India - 82,950
4. South Korea - 19,950
5. Nigeria - 6,644
6. UK - 6,405
7. Canada - 5,200
8. Phillipines - 4,500
9. Australia - 3,193
10. Germany - 3,144

  Ringtu leh ringlotu sakhaw hrang hrang zingah members pung nasa ber chu Evangelical ho leh Charismatic kalpui tu te hi an ni. Kristian ten tihduhna nasa tak an tawrhna ram China ah hian nitin ringthar mi 1000-3000 awm reng ang an ni a, tin, Kristianna luh hleih theihloh na nia ngaih Mongolia ah pawh ringthar 40,000 zet an awm thawh a ni.

 

CHANCHINTHA HRIL TURA KOH KAN NI:

1. Mahni ngei a kalin: Zirtir 12 te angin Thlarau Thianghlim hruai ang zelin fehchhuak ve tur kan ni. (Matthaia 28:18-20, Johana 20:21)
2. Social Work hmangin: Mi harsa zawk leh rethei te tanpuina atangin hlawk takin kan thawk thei a ni. (Mathaia 25:34-46)
3. Tawngtaina: Mission hna hrang hrang a thawk mek te tan tawngtaina in hna nasa tak kan awmna atang theuhin kan thawk thei a ni. (Jeremia 33:3, Tirhkohte 10:3-4)
4. Thilpek hmangin: Thawktute mamawh atan kan sum leh pai te hlanin hna nasa takin kan thawk thei a ni. (Luka 6:36-38, Philipi 4:17, Rom 11:35)

Thufingte 24:11 - “Thi tûra hruaite chu chhan chhuak la. Thah mai tûrte chu chhan chhuak thuai rawh.”
Isaia 62:7 - “Nangni LALPA hriatpuitua awmte u, awm hle hle hlek suh ula, amah pawh chu awm hle hletir hlek suh u.”
Sam 2:8 - “Mi dil rawh, tichuan i rochan atân hnam tin ka pe ang chia, Kawlkil tawp thlengin i ro atân ka pe bawk ang che.”

OUTREACH MISSION SUNDAY LALPA’N MALSAWM RAWH SE.

 


INNGAIHSAK TAWNNA
- Candidate Joseph Lalremmawia


Mihringte hi mahni chauha nunga khawsa tura siam kan ni lova, midangte nena nunga cheng ho tura ruat leh siam kan ni. Tin, hei hi keini Mizote zingah hian a dik lehzual bik awm e. Achhan chu hmanlai kan pi leh pute hunlai atang tawhin a huhoa cheng thin, thiltih tur awm reng reng a huhoa ti ho dial dial thin hnam kan ni.

Mihring hohoa nunga cheng tur chuan thil pawimawh tak pakhat a awm a, chu chu inngaihsakna hi a ni. Inngaihsak tawnna tello chuan mihring tan chenho a harsa thin. Tin, kan inngaihsak tawn loh chuan mihring mahni chauha nung thei kan awmlo ang bawkin kan mihring mihrinna pawhin a tuar phah viau thei a ni.
Mihring mizia kan inanglo em em hlawm a, chutah chuan ngaihsak ngai bik hi an awm thin a. Chung mite ngaihsaka kawm tlangnel tur hian mi tupawh kan pawimawh vek a ni.
Kristianna nunah hian inngaihsak tawnna hi a pawimawh lehzual em em a, kan inngaihsak tawnna hian kan rinna kawngah pawh nasa takin min pui thei a ni.
Kohhran anga rawngbawlna kawngah chuan hotute, upate leh hruaitute an awm tehmeuh mai. Mahse mihring inngaihsak tawnnaah erawh chuan hotu, hruaitu leh upa bik tumah kan awm lova, tupawh mai hian Pathian rawng kan bawlna kawngah inngaihsak tawnna hi kan tihtur vek a ni.
Kan Corps chhunga hotu leh upate chuan an theih ang tawkin Corps mipuite kan kualin an ngaihsak thin a, chutah chuan keini Corps mipuite hian inngaihsakna nun kan nei em tih hi kan in enfiah a ngai takzet a ni.
Mihring tupawh mi ngaihsak thin chuan ngaihsaktu a ngah nge nge thin. Mi kan hmelhriat kher hi kan ngaihsak tur a ni lova, kan hmelhriat miah loh pawh puih an ngai anih chuan ngaihsaka puih hi kan tihtur Isua pawhin min zirtir a ni. Tin, Mizo thufing chuan ‘Lam hlaah mikhual an be chhe ngailo’ a ti. Hei hi a awmzia takah chuan mikhual kherlo mi tupawh nise, be chhe mai lova ngaihsak hi a tha ngai e, a tihna pawh a ni thei awm e.
Lal Isua Krista pawh khan a mite a ngaihsak em em a, a theih angin a tlawh fo thin reng a ni. Tin, Salvation Army-a kan hruaitu hmasate pawh khan inngaihsak tawnna pawimawhzia an hrechiang em em a, an mi leh sa pawh an ngaihsak hle reng thin a ni.
Mihring mize inanglo tak tak karah hian sualin a phuar beh mek tam tak an awm a, chung mite chhanchhuak tur chuan Pathianin mitin te hi min ko a, chu hna ropui thawka misualte Pathian ke bula hruai thleng tak tak tur chuan hmangaihna nena kan ngaihsak hi a pawimawh em em a ni. Mi tu hnenah pawh kan ngaihsakna kan lantir chuan an thinlungah Pathianin thu nasa takin a sawi thei a ni.
Kan Corps chhungah a bikin hemi inngaihsak tawnna hi kan mamawh lehzual hlein a hriat a. Kan Corps mi leh sa kan inngaihsak thiam chuan Corps chhunga Sipai te kan lo inpawh tlang lehzual ang a, kan Corps chhungah pawh Pathianin nasa takin hna a thawk thei dawn a ni. Midang kan va hre ve kherlo a ni pawhin kan Corps chhung ami hi chu inhrechiang tawn thei turin inngaihsak tawn thiam ila, tin, kan Corps-a lo lut thar reng reng te pawh hi lo ngaihsak hi kan tih makmawh a ni.
Khawlaia kan chhuahvah changte hian kan hmelhriat kan hmuh chuan han biak te hi a tha a, kan inngaihsakna tilangtu a ni thei a ni. Tin, Chutianga kan tih fo chuan keimahni pawh kan in ngainat phah ang a, Pathian rawng kan bawl hona kawngah pawh thawhhona tha tak kan neih phah thei bawk a ni.
Salvation Army chu chhungkua kan ni kan ti thin. Amaherawhchu tun kan dinhmun en hian chhungkua anga thawkho kan ang tawh lo viau em tih hi kan in enchian a hun tawh takzet a ni. Chhungkua reng reng inngaihsak tawnna an neih loh chuan an kehchhe mai thin ang hian keini pawh kan inngaihsak tawn thiam hi a pawimawh hle mai. Lawmte lawmpui a, tapte tahpui tur kan ni si a.


PATHIAN A IN NGHAH
  
    Sam 20:7 “Thenkhatin tawlailirte an ring a, Thenkhatin sakawrte an ring.  Keini erawh  chuan Lalpa kan  Pathian hming chu kan lam zawk ang”

Chhungkuaah : Chhungkua kan in din chho a, In nghahna tur nu leh pa Pathian in min pe a. Kan lei Pathian hmuhtheih an nih avangin an mahni ah hian rinna leh beiseina kan nei lian hle thin. Kan nu leh Pa te chu thil engkim ti thei leh kan duh ang apiang min pe thei turin kan ngai thin a. Kan mamawh leh duhte an hnen a kan thlen apiang hmu thei leh pe thei tur a kan ngaih tlat avangin an ropui hle in kan hre thin.  Lehkha ka zir laiin kan hotuten min ko a, Kan chhungkaw dinhmun vel min zawh teuh hnuah ka Pa thih thu min han hrilh chiah mai chu…………Ka in nghahna ber, ka lei Pathian, kawng dik leh tha min kawhhmuhtu, ka harsatna zawng zawng ka thlenna ber chuan ni 9th March, 1983 khan vankohna min chhan sanin, ropuina ramah min kaisan san ta tih kan hria chu ka khawvel hi a tawp ta ni ber hian ka hre thin. Chumi a nih lai chuan a ruang pawh hmu lovin kar khat hnuah a thih thu ka hre chauh leh nghal a, a mi den dan chu  na duh khawp mai. Ka hun kal tawhte kan thlir let hian mihringah hian in nghahna tur kan lo neih loh zia min hriatchhuah tir fo thin. Kan mihring mihrin naah chuan beisei a bovin, innghahna tlak hi a lo awm hauh lo a ni tih ka hre chhuak fo thin. Mihringah hian in nghat tur kan ni lo a ni tih hi Pathian hian min hriat tir a tum ber a lo ni fo mai. Sam 4:8 ah chuan “ Lalpa nangmah ngei hi a ni, mahni chauh pawh a him taka mi awm tir thin hi ni” tih kan hmuh ang in kan mangan lai leh mal ngawih ngawih a kan in hriat lai pawh in a hmangaihna chuan min humhim fo thin a lo ni.

Mimal nunah : kan mimal nun theuhte han in bih chiang ta ila, lungkham kan ngahluat avang hian kan nun hi hlim loh chang kan ngah hle in ka ring. Kan rualawhna khan duhamnaah mi tam tak chu a hruai lut thin. Kan nitin eizawn na kawngah pawh dikna hian mual a liam tan mek niin a lang. Keimahni hamthatna ringawt kan um ta deuh em mi chu aw a tih theih. Keimahni mimal hlawkna um hian Sipai te hi kan tlan ang tih hi a hlauhawm hle in ka hria. Kan hnathawh leh kan eizawnna theuhah te rinawmna nen a kan thawh a ngai ta. Dik lo tak a sum lakluh kan tum emaw, eirukna a kan tluk luh vaih chuan, a pawi ang. Mihring chu kan in bum thei ang, mahse Pathian a ruk a min hmu reng tu chu kan bum thei dawn chuang lo. Luka 12:22- ah chuan “chuvangin ka hrilh a che u, enge ka ei ang aw ……….tih kan hmuh angin, lungkhamna hian kan thinlung hi a luah fo thin. kan Pathian chuan kan mamawh chu a hria, a duh ang a kan awm chuan tlakchham reng reng kan nei chuang lovang. Kan nihna leh dinhmunah hian kan lungawi mai tur a ni. Kan duh ang ang a kan dinhmun hi chawisang thei kan nih chuang loh hi. Harsatna leh buaina kan tawh pawhin, kan manganna lak a ta min chhanchhuak thei Pathian nung neitu kan ni miau a, kan vannei hle a ni. Mathaia 6:33 “ A ram leh a felna zawng hmasa zawk rawh u, tichuan chung zawng zawng chu a pek belhchhah dawn che u nia. Chutichuan a tuk atan lungkham suh u, a tuk chuan ama tan a lungkham chawp dawn si a. nikhat atan nikhat hreawm chu a tawk a ni”. Tih kan hmu. Aram leh a felna zawngtute tan chuan tlakchhamna reng reng kan tawh a phal chuang dawn lo. Nitin kan eikhawpin chaw min pe ang che kan ti a, chatuan daih neih tumin kan hmanhlel si a nih hi. Kan nunna hi chhum reilote lo lang ral leh mai tur angin tehkhin thu kan hmu a. Kan thawhrimna pawh kan thih rual rual in a tawp ve leh mai dawn tho. Chuvangin kan damchhung tawite ah hian Lalpa lam i pan hram hram ang u.

Corps rawngbawlnaah: Isua Krista zuitu, Amah ringtute chu a chibai buk turin a biakbukah te kan kal khawm thin. Amah ringtute inzawmkhawm in Corps hi kan din a ni tih kan hriat chian a ngai. Chumi awm zia chu a mimal tin theuhte kan pawimawh dan a in ang vek tihna a ni. Mimal in Corps kan din thei lo a, a huho, Isua Krista zuituten kan din a ni. Kan Corps ah hian Thlarau thianghlim hnathawh  a lanchhuah theihna tur chuan mawh kan phur vek, kan pawimawhna a in ang vek bawk a, Thlarau Thianghlim hnathawh a lan theih loh chuan keimah vang a ni tih kan pawm tlan a ngai ang. Lungrualna nen Pathian chibai kan buk tur a ni. Isua Krista ringtute inkar ah hian setana hian hemthlak hi  tum ber a ni a. kan Corps pawh hi ringtu awmkhawm kan nih angin, in lungrualna tha kan neih a ngai. Jakoba 4:7 “Chutichuan Pathian thu thuin awm rawh u; amaherawh chu Diabola dodal rawh u. tichuan a tlanbo san ang che u. Pathian hnaih rawh tichuan anin a hnaih ang che u” a ti a ni.  Pathian kan hnaih a kan auh reng a pawimawh a ni. Setana hian fing takin Sipai, Amah ringtute  inkarah hian in remlohna tuh hi a tum ber a nih avangin Pathian hnenah kan in kawltir nasat a pawimawh. Luka 12 :31 “ Ama ram zawng zawk rawh u, tichuan chung thil pawh chu a pek belhchhah dawn che u nia. Pawl tlem te u , hlau suh u; ram pek che u hi in Pa lawmzawng tak a ni”. tiin ringtu te min fuih a ni.

    Ringtute chu Pathian ah kan in nghah ngam a pawimawh khawp mai. Chhungkuaahte, Kan mimal nunahte leh Corps rawngbawlnate thahnemngaihna nen Lalpa rawngbawl a, amaha in nghat tlat thei turin kan thawh a ngai a ni. Kan thupui a kan hmuh ang in thenkhatte chuan tawlailirte, Sakawrte an ring  thin a. Kei ni Amah ringtu leh zuitute chuan Lalpa kan Pathian chu kan ring ngam tur a ni. Kan engkima engkim, kan mamawh chhanna, kan mangan lai a tanpui  vartu hnai reng neitu kan ni. Chuvangin Lalpa chu kan chakna, kan in nghahna lungpui a nih zia Sipai ten i hre thar leh theuh ang u.

    “Pathian Thlarau hruaia awm apiangte chu Pathian fate an ni si a” (Rom 8 : 14)



JEHOVA RAPHA - PATHIAN CHU KAN DAMNA
    - Dr. K.Lalhruaitluanga, Secretary

    Mi thenkhat ten an lo sawi tawh thin angin kan dam thu kan sawi dawn chuan kan nat thu kan sawi tel a ngai ve leh thin.

    Dam tha tak leh hrisel taka awm hi na tuar ngai lo leh mi hrisel tha pangngai tan chuan ‘ngaia neih’ mai a awl viau mai thei. Medical science lama hna thawk ni mah ila kan duhthusam a mi hrisel nih ngawt te hi a lo har viau mai. Dam tha tak leh hrisela kan awm avanga Pathian hnena lawmthu  kan sawi pawhin ‘a hming maia’ lawmthu Pathian  hnena sawi pawh a awl mai thei.

    Enghelh em em pawh nei loa hrisel tha viaua ka inngaih laiin luhai reh thei lo in min tlakbuak ve mauh mai a, a reh leh mai dawn emaw ka tih lai in ngaih ti thalo tawkin a reh ta mai lo a. Heng thil thalo lam ni a kan ngaih-hrisel lohna te, thihna te, chhiatna dang dang te pawh hi kan la thatlai, kan vanglai ngei pawh hian a lo thleng thei a ni tih hi hre tho mah ila ka chunga thleng turah ka lo ruat ngai lo.

    Pathian hnathawh hi kawng hrang hrangin hmuh tur a awm fo thin. Harsatna hrang hrang kan tawh chang te, hun khirh leh dam that loh lai te hian Pathian laka vui mai ching an awm thin.

    Ka natna-ka luhai chhan hriat a nih hnu, zai ka tawh hma khan Pathian hnenah vawi tam tak damna ka dil a, Pathian chu thilmak titu, a duh phawt chuan ni li phum bo tawh mitthi pawh kaitho theitu a ni tih ka hria, Pathian chuan heng luhai te, beng kiu reh thei lo te pawh hi a ti reh thei tih ka hria, ka taksa a ‘A thiltih mak’ lo thleng mai dawn dawn te pawhin ka hria, a rawn thleng mai si lo.

    Ka duhdan ang hian Pathian a che kher lo a ni tih chu heng natna a lo thlen hun pawh hian a lang chiang ta hle, Surgeon te kaltlangin A mite min tawngtaisakna chu Pathianin a chhang a, ka dam ta, tihdam ka ni ta, Jehova Rapha-Pathian min tidamtu a ni.

    Chu mai chu a la ni lo, heng hun harsa leh hrehawm ah pawh hian Amah-kan Pathian aia dah hmasak ka neih loh nan a ropuina puanchhuah a lo duh a ni.

    Bible ah ngei pawh hian Pathian tihdamna dilin tirhkoh Paula chu vawi thum a tawngtai tih kan hmu a, a dil ang hian phalsak a ni lo. (II Kor. 12:10) Kan thatna tur zawk hian Pathianin thil kan dil ang zawng zawng hi min chhang nghal kher lo. A chang chuan kan chapo lohna turin fiahna min siam thin zawk a lo ni.

    Exodus 15:26 ah chuan Pathian chu tidamtu- ‘Jehova Rapha’ a ni tih kan hmu a, mihring tana tih rual loh hi Pathian nen chuan tih theih a ni (Luka 18:27) Pathian chuan phar te, mitdel te, kebai te, thiput te pawh a tidam thei. Kan thatna turin kawng tinrengin Pathianin hna min thawhsak a, Amah kan hmangaiha, a rawng kan bawl zel theihna turin kan duh loh zawng thil te kan chungah a lo thleng fo thin.

    Hmana phar te, damlo te, kebai, mitdel te tidam theitu kha a la pangngai reng a, a nung a,thil a la ti thei reng a, tidamtu Pathian - Jehova Rapha - kan rilru, kan thlarau, kan taksa dam nan a tawk e.



TLANG CHUNGA ISUA THUSAWI
(Mount of Beatitudes)
    Robert V.L Thlamuana, OSCS


    Tlang chunga Isua thusawina hmun mhian rilru leh thinlung a khawih em em a. Bible chang han chhiar phei hi chuan ringtute tan hei aia pawimawh hi a awm lovang tih theih hial in Kristiante tan hian a pawimawh a ni. Mathaia bung 5 han chhiar phei hi chuan Isua thusawina hmun ngei zuk kal phei chuan thinlung ah hian a thar leh thin a ni.

    April 2012 thla a ka zuk kal khan Isua pianna hmun te, a seilenna hmun, a chettlatna hmun leh thilmak a tih na hmun hrang hrang te kan kan zuk tlawh a. Isua thusawina tlang (Mount of Beatitudes) hian hmun a luah tam ber a ni.

    Tunah hian London ah Olympic, The Greatest Show on Earth an tih hial khawpa Infiamna ropui leh khawvel mipuiin an ngaihhlut neih mek a ni a. TV ah te han en in a ropui in a ram te pawh a lianin a ropui em em a. Amaherawhchu ‘Ramthianghlim’ han kal kual a, a hmun hring dup leh mawi em em, Mizoram tiat lek si khu khawi hmun mah hian a tluk zo dawn chuang lo. Pathian hnam thlan an ni tih khu hai rual a ni lo. An khawpui Tel Aviv te khu ava han ropui tak em! Lalpa hriat ram an ni khu an vannei em em a ni. An sumdawnna hmun ‘JAFFA’ Jope khua te khu khawvel hmun hrang hrangin an tlawh mup mup mai anih khu.

    Tichuan Bus in kan tlan zel a, tlang ah chuan kan lawn chho tan dawn a. Hmun hring dup mual ah chuan kan tlan chho zel a. A sirah thlai rah leh thingkung awm khup karah kan tlan chho zel a. Thlifim a rawn tleh chho heuh heuh bawk a, a hmun mawi zia leh nawm zia hian thinlung leh rilru a ti hlim veng veng a ni. Isua ke a a rah vel na leh thilmak a tih na hmun chu kan zawh chho zel a, Isua thusawina tlang (Mount of Beatitudes) chu kan thleng ta a. A hmun a faiin Biak In lianpui pahnih hi an lo sa a. Pathian hnenah lawmthu sawina tawngtai rualna te neiin Mathaia bung 5:1-10 kha kan chhiar chhuak a. Chumi zawhah kan han hawi kual a, thlang lamah Galilee Dil a lo lang put mai a. A thlang lawkah Isua khua ‘KAPERNAUM’ (The Town of Jesus) kha a awm bawk a. Rilru ava han thar tak em!

    Isua hun lai khan he tlangah hian khawvel hmun hrang hrang leh a chhehvel Judai, Jordan, Ture, Jerusalem, Bethlehem atang te in mipui an kal khawm a. Heta Isua thusawi hi ringtu te awm dan tur, Kristian nuna thil pawimawh zawng zawng a sawichhuak anih kha. Isua thusawi hi a mal te te hian han chhiar ila, a pawimawh em em vek a ni.

    ‘Rilru a rethei te chu an eng a thawl e, Vanram an ta a ni si a’ tiin a han sawi a. Chumi zawhah ‘ Thuhnuairawlh leh inngaihtlawm’ pawimawh zia a sawi leh a. ‘Felna’ duh tur kan nihzia te, Mi khawngaih thei tak te engthawl tur zia te, hmelma te hmangaih tur kan nih zia te a sawi chamchi a. Hei hi Sipai te hian kan nitin nunah vawng reng thei ila chu - Chhungkua ah, Corps ah, Kohhranah leh khawtlangah ‘REMNA’ a awm reng mai dawn a ni.

    Sawitur tam tak awm mahse, duh tawk rih phawt ila. Sipai te hian khawi hmunah pawh Lal Isua in min hnutchhiah ‘REMNA’ siamtu nih i tum vek ang u.


FATHER’S DAY

John L.T Sanga

    Father’s Day hi ni pawimawh tak Pa te an hlut zia, kan hmangaihzia kan duhsakzia, kan Pa te kan chawimawi na ni a ni. Hmasang atang tawh in Pa te pawimawh na hi chu mihringte hian kan hre tlang awm e. Mahse Pa te tana ni bik hman tan na hi chu a la rei lo a ni.

    Historian te chuan Father’s Day hi kum sang li (4) tawh ah khan hman tan a ni tawh an ti ve bawk a. Tah chuan Babulawn ah naupang pakhat Elmesu an hlum ah hian a pa hriselna leh rei tak dam turin thu a ziak a mahse chumi hnu ah an pafa chanchin hriatzui a ni lem lo mahse ram hrang hrang ah tih dan hrangin hman a ni an ti.

    Official taka a lo in tan chhoh dan tak chu kum zabi liam ta khan nu pakhat Ms Sonora Louise Smart Dodd vang a ni. A ni hi America rama Washington State, Spokane khua a cheng a ni. A mah hi Father’s Day hmuchhuak tu tih a ni.

    Pi Sonora hi kum 27 mi a nih in 1909 khan Biak inah Nute ni sermon a ngaihthlak laiin a rilru ah chuan Pa te ni hman duhna a lo langta a. Sonora hi unau paruk zinga upaber niin a nu Pi Ellen Smart in an unau zinga naupang ber a hrin zawh hnu lawk hian a thih san a tah chuan a mah pawh kum 16 lek a la ni a ni. A Pa William Jackson Smart in an unau paruk chhang chhe tak chu harsa takin a enkawl chho a a Pa lah chu hna lian thawk pawh ni lo sipai bang ve mai a ni. Buaina leh rokhawlhna karah a Pa chuan Sonora i te unau chu a enkawl chho ta. A Pa hmangaihna hlutzia a hmuh khan a rilruah Nute ni kan hmang thei a nih chuan ngatinge Pa te ni kan hman theih loh bik ang tih kha a rilru ah a lian ta hle a ni.

    A tirah chuan Pi Sonora i hmalakna chu mite chuan an nuihzat in fiamthu te pawh an thawh khum thin a ni. Mahse a thil tumah chuan a beidawng duh lo. Spokane Ministerial Association leh veng chhung Young Men’s Christian Association (YMCA) puihna in a vawikhat na atan Spokane khua chuan June 19, 1910 chuan Father’s Day chu an lo hmang ta a. Pi Sonorai chuan a pa piancham (birthday) June ni 5 ah Father’s day chu hman a duh hle a mahse in buatsaihna hun a tlem avangin June thla chawlhni vawi thum naah hman a lo ni ta zawk a ni.

    Chanchinbuah te Father’s day hman a nih thu chu an chhuah a America khawpui hrang hrang ah chuan a lar chho tan ta a miin an lo hre chho zel ta a ni. Politician pakhat William Jennings Bryan a chuan Pi Sonorai hmalakna chu a thlawp tlat a ni. Tichuan kum 1916 khan President Woodrow Wilson chuan Pa te ni hman phalna a pe ta a, 1924 ah President Calvin Coolige a pawn “Pafa inkarah in kungkaihna thuk zawk leh Pa in fate ah an tih tur hlen chhuak ngei turin” tiin National Father’s Day hman chu a thlawp thu a sawi a ni. President Lyndon Johnson an kum 1966 ah chuan June thla chawlhni vawi thum na a Pate ni hman a nih theih nan President pawmpuina hming a ziah hnan a. Kum 1972 ah President Richard Nixon a chuan ram puma hmang turin thu a chhuah ta bawk a ni.

    Pi Sonora avang chuan Father’s Day chu America ram mai ni lovin ram hrang hrang ah hman a lo ni ta chho zel a ni. Tunah hian ram 50 chuang zetah Father’s Day hi hman ziah a lo ni ta a ni. Pi Sonora hi 1974 ah Spokane khua mipui te chuan World’s Fair ah chawimawina an hlan a ni. Kum 1978 ah kum 96 mi niin a boral a ni.

    Ephesi 6:2-4 ah chuan, “Naupangte u Lalpa ah chuan in Nu leh in Pate thu zawm rawh u, chu chu thil dik a ni si a I nu leh I pa chawimawi rawh chu chu thupek tiam neih hmasa ber a ni. Chutichuan I tan a tha a nga lei ah hian I dam rei bawk ang” tih in ziak kan hmu a. Kan Pa te hi kan chawimawi tur a ni.

    Pa te hi kan chakna bulpui ber niin naupang te hian Pa te hi thil engkim ti thei, engkim hria leh mi pawimawh berah an ngai thin a ni. Fanu tan chuan Pate chu Mipa an ngaihsan ber leh an hmangaih ber an ni a Fapa tan chuan Pate chu mi thil ti thei ber engtik lai mah a an tluk theih loh turah an ngai thin. Kan Pate hi nihna sang tak te chelh lo in thiamna sangtak nei lo mahse an thu tha min hrilh te hi kan vawng tlat thin tur a ni. Kan hmusit tur a ni lo. Thufingte 30:17 ah chuan “A pa hmusit tu leh anu thusawi ngai neptu mit chu phai choak in an kherchhuak anga, mupui noten an ei ang”. Tin, Leviticus 20:9 ah chuan “A nu emaw, a pa emaw anchhe lawh apiang chu tihhlum ngei tur a ni” “

    Pa min hmangaihtu kan neih avang hian Pathian hnenah lawmthu kan sawi thin tur a ni. Nileng in hah takin kan tan hna an thawk a tlai ah te an lo haw hian duat takin kan lo dawngsawng thin tur a ni. Kan Pa te hian thil min tihsak theih loh tur pawh an hnenah kan dil chuan tihsak hram an tum thin an ti thei lo a nih pawh “Aih” ti in min chhang ngai lo a ni. Hmangaihna aw a min zilhna te leh thahnem  ngaihna a vanga kan pa ten min hrem thin hian kan pa te chungah thinrim lovin lawm thu kan sawi zawk tur a ni.

    Thufingte 1:8 ah chuan, “Ka fapa, I pa zirtirna che chu ngai thla la, I nu zirtirna che chu hawisan suh” a ti. Kan Pa te zirtir  na te kan ngaipawimawh tur a ni. Inkhawm rawh, School/College kal tha rawh, zan meng rei lovin zing tho hma rawh, lehkha zir tha rawh an ti thin, thil te ber atang hian Pa te thu kan awih tur a ni. Absaloma pawh a Pa Lal Davida thu a awih loh avangin Israel Lal thuthleng a luah thei lo mai bakah a pa sipaiten an that a ni. Pa te thuawih zawk Solomon kum lamah naupang zawk hle mah se a Lal ta zawk a nih kha.

    Pa te ni kan lo hman hian an duh loh zawng kan tihte avang in ngaihdam kan dil tur a ni. Kan nu leh pa te min hmangaihna hi a hlutna hre lovin a turah kan dah a mahse a ni lo a ni. Kan hmangaih let tur a ni. Lei a kan hmuhtheih Pathian te an ni a kan hmangaihna leh duhsakna chhungril ber hi an luah tur a ni. Pathian malsawmna kan Pa te kal tlanga kan dawn hi kan zah thiam tur a ni.



CHHANDAMNA SIPAI PAWL CHU A KAL ZEL E
(Founders Day Pual)

    Kum 2012 alo ni a, karleh Thawhtanni July Ni 2 ah hian Salvation Army (Chhandam Sipai Pawl) chuan kum 147 khawvel pum a rawng a bawlna champha alo thleng leh dawn ta reng mai a.  Kum 1865 a Pathian rawngbawltu tlawm tak mai William Booth-an tlawm taka rawngbawlna alo tan chu tunah chuan khawvel puma Kohhran mi hriat hlawh tak a lo ni ta reng mai a ni.

    Chhandamna Sipai Pawl lo indin tan dan leh a bul tan dan te chu Sipai tam zawk chuan kan hre theuhin a rinawm a, amaherawhchu he Founders Day alo thlen dawn hian sawi thar leh a, infuih tawnnan a hman hi a duhawm hle a ni.

    Kan hriat theuh angin Chhandamna Sipai Pawl chu kum 1865 ah London chhak kil ah Methodist Pastor ni thin William Booth leh a nupui Catherine Booth te chuan an tan a. A tirah chuan ‘The Christian Mission’ tia bul tanin kum 1878 ah chuan ‘The Salvation Army’ tiin thlak a lo ni ta a ni.

    Chhandamna Sipai Pawl rawngbawlna William Booth-a te chhungkua in an han tan chhoh tirh chuan mi hnuaihnung te te bul atangin an tan chho a. An thusawi leh an rawngbawlna tawiawm tu hmasa ber ber te chu misual tak tak te, zu in mi leh nawhchizuar te an ni a. Chung ho zingah chuan William Booth chuan beidawng hauh lovin thu a hril zel a, chung ho chu Pathian hnena hruai chu a tum bur mai a ni.

    Kum 1900 chho alo ni a, Chhandamna Sipai Pawl chu khawvel hmun hrang hrangah a darh chak ta hle mai a. Chutih lai chuan ram hrang hrang 36 laiah Chhandamna Sipai Pawl chu a lo ding ta a. Kum 1900 a Galveston Hurricane ah te leh kum 1906-a San Francisco a lirnghing ah te chuan Chhandamna Sipai Pawl chuan tanpuina hna chu ngawrh takin a thawk a, chuta chuan chuan Chhandamna Sipai Pawl chu khawvel pumah, a bik takin America ah chuan hriat an hlawh  in mi tam tak in an hnuai a ‘volunteer’ anga thawkin an pui nasa ta hle a ni.

    Kum 1994 ah khan America khawmualpuia tanpuina hna thawk nasa Chronicle of Philanthropy in a buatsaih ah chuan Chhandamna Sipai Pawl chu a 4-na (Palina) ah a thlang a. Chuta 47% (Za-a sawmli pasarih) kum 12 chunglam te chuan an rama tanpuina hna thawk ah Chhandamna Sipai Pawl chu an duh ber a ni.

    Pathian tan leh a mite tana nasa taka rawngbawlna Chhandamna Sipai Pawl in a kalpui avang hian Pathian pawhin mal a sawmin a chawimawi hle a. Tunah hian ram hrang hrang ram 124 ah Sipai Pawl Puanzar chu phun alo ni ta a, khawvel pumah Sipai mi maktaduai 2 dawn lai mai kan lo awm ta a ni.

    Chhandamna Sipai Pawl rawngbawlna kum 147 alo tlin dawn takah hian Pathian hnenah lawmthu sawi ila. Khawvel pumah rawngbawlna nasa tak, mamawh tak tak tute hnena tisa a rawngbawlna te, tin, thlarau lam rawngbawlna te tun aia nasa zawka kan kalpui theihna turin Pathian hnenah pawh tawngtaiin i dil thin ang u. Kum 150 tlinna turin kum 3 chiah kan bak tawh a, hei hi remchangah la in hmelmapa Setana chuan nasa takin min bei a, he kan Territory ah ngei pawh thil chi hrang hrang hmangin min bei buai a. Mahse heng thil hrang hrang te hian kan inhnehtir tur a ni lova, Chhandamna Sipai Pawl tan leh Pathian tan kan dingnghet tlat tur a ni. CHHANDAMNA SIPAI PAWL CHU A KAL ZEL E.


CHHANDAMNA A BO LEH THEI EM?
- Elizabeth-i Pu


CHHANDAMNA A BO LEH THEI LO TI PAWL TAN FUNG:
1)    Johana 6:39 - “Anin (ka pa in) mi pek zawng zawng engmah (tumah) hloh lo ila.”
2)    Johana 10:28- “Tuman ka kut ata mi chhuhsak hek lo vang.”
3)    Rom 8:39 - “Pathian hmangaihna ata chu mi then thei lovang.”
4)    Philipi 1:6 - “Nangmahnia thil tha ti tantu khan Isua Krista ni thlengin a tifamkim zel dawn.”
5)    II Timothea 1:12- “A hnena ka kawltir chu, chu mi ni atan chuan a vawng tha thei tih dik takin ka hre bawk a.”
6)    Hebrai 7:25 - “Pathian hnena lo kalte chu a tawpkhawk thlengin a chhandam thei bawk a ni.”

Sawifiahna:
1)    Johana 6:39 , 10:28 - A pek zing ami Juda Iskariota a hloh a, boral fapa a ni ta (Johana 17:12). Keini pawh kan bo thei a ni tih a chiang.
2)    Rom 8:39, Philipi 1:6, II Timothea 1:12 - Thih thlenga rinawm zel ringtu a sawina a ni.
3)    Hebrai 7:25 - Eng anga sual pawh a chhandam thei tihna a ni zawk. Sual zui zel pawh a chhandam tihna a ni lo.

CHHANDAMNA A BO LEH THEI TI PAWL TAN FUNG:
1)    Luka 8:11-15 - Buh chi tehkhin thu hian ringtu tlu leh, hnungtawlh leh, da leh a entir a, da leh lova kal zel a entir bawk.
2)    Johana 15:2 - Ringtu da leh palh a entir.
3)    Rom 11:22 - Tlu tawh te tan Pathian hi a tihbaiawm.
4)    Galatia 3:3 - Thlarau ah an tan a, tisa ah an let kual leh.
5)    Galatia 5:1-4 - Serhtan danah an let leh a, khawngaihna an tluksan ta.
6)    I Timothea 4:1 - Mi thenkhatte chu hruai bova awmin, rinna chu an la bansan ang tih thlarau chuan chiang takin a sawi.
    Timothea Lehkhathawnah hian -
    a) Rinna kehchhia - I Timothea 1:19
    b) Rinna phatsan - I Timothea 5:8
    c) Setana lama pakai - I Timothea 5:15
    d) Rinna kalbosan - I Timothea 6:10
    e) Rinna kalkawisan - I Timothea 6:21
    f) Rinna tibo - II Timothea 2:18 te kan hmu.
7)    Hebrai 6:4-6 - Rinna tluksan tute hruaikir leh theih loh te tan hremhmun a sawi hmuh.
8)    Hebrai 10:26-29 - Ringtu nisi thil tisual zel si te tan hremhmun mei a ni ang (Ezekiela 18:21-24)
9)    I Petea 2:20-22 - Ringtu khawvel lama let leh te chu ui leh vawk ang chauhva bawlhhlawh an ni tih min hrilh.
10)    Hebrai 10:2 - “Kan tawlh bo hlen dah ang e” tih hi bo thei te/tan thuchah W




Comments on this page:
Comment posted by Kat6fgnhyBex( kat6fgnhyhamgmail.com ), 07/13/2017 at 6:02am (UTC):
payday loans <a href=http://payday100loans3000online.com/>payday loans online</a>
online loans <a href="http://payday100loans3000online.com/"> payday loans</a>

Comment posted by Kat6fgnhyBex( kat6fgnhyhamgmail.com ), 07/12/2017 at 11:41pm (UTC):
payday loans <a href=http://payday100loans3000online.com/>loans online</a>
loans online <a href="http://payday100loans3000online.com/"> online loans</a>

Comment posted by Kat6fgnhyBex( kat6fgnhyhamgmail.com ), 07/12/2017 at 2:38pm (UTC):
payday loan <a href=http://payday100loans3000online.com/>payday loans online</a>
loans online <a href="http://payday100loans3000online.com/"> payday loans online</a>

Comment posted by Kat6fgnhyBex( kat6fgnhyhamgmail.com ), 07/12/2017 at 1:23pm (UTC):
online loans <a href=http://payday100loans3000online.com/>payday loans</a>
online loans <a href="http://payday100loans3000online.com/"> online loans</a>



Add comment to this page:
Your Name:
Your Email address:
Your message:


This website have 202530 visitors (601408 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
=> Do you also want a homepage for free? Then click here! <=
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================