The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.

 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
=> Editorial 2013
=> Editorial 2012 hmalam
=> Editorial hlui 2010 hmalam
Article lawrkhawm
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

Editorial hlui 2010 hmalam

BIAL COUNCIL

Hun rei tak chhûng Bazar CO Bial chu thiah a nih hnuah dinthar a lo ni leh ta a, a lawmawm hle mai. Tunhma atanga CO Bial sawi apianga bial chak leh rawngbawlna kawnga entawntlak ni thin chuan bul a tan thar leh dawn chu a ni a, ngaihtuahna a ti thuiin Bazar CO Bial lo kal tawh dânte, a thil lo tih tawhte thlîrlet chuan a lunglen thlak riau te pawhin a hriat theih a ni.

Hetah hian thil chiang tak lo lang chu, Pathian rawng kan bawlna kawngah hian ringtute kan kal fimkhur a ngai a ni. Setana hian hmanraw hrang hrang hmangin Pathian ram zau zel tur hi dan chah a tum thin tih leh, chu a hmanrua atan chuan tupawh a hmang thei a, a hmanruaah leh a tuartuah kan tang thei ve ve a ni tih hi kan hriat a kan invên fimkhur a ngai a ni. Kan inlungrualna leh thawh-honate tihchhiat a nih a, Corps leh Corps inkara harsatna lo thleng zawng zawng ahte khan a mawhphurtu nia kan ngaih huat rawn a thiam loh chantir mai ai chuan, thil tha lo kal tawhte theihnghilha Corps leh bial tana a hma aia thahnemngai zawka thawhhona tha zawk siam tura hmalak chu Sipai tinte mawhphurhna a ni tih i hre zawk ang u. Keini tih ngai lovin Amah dotute chungah chuan kan Pathian hian a kut a lek ngei dawn si a.

Tunah hian bial ding thar ni lovin, rawngbawlna kal dan phung hre sa, a chhia a tha pawh thiam taka thliar hranga, lungrual tak a rawngbawlho thin kan nihna kha hre thar leh zawk ila, kan lo kal tawh dâna tha lote paiha siam thain, Pathian rawng-bawlna leh Salvation Army kan nihna kawnga thil tha zawk hmuhchhuah phah nan, hun tha lo kal tawhte chu hman tum ila, tichuan kan tawrhna zawng zawngte chu malsawmnaah a chang dawn a ni.

Hun rei tak chhûng Bazar CO Bial chu thiah a nih hnuah dinthar a lo ni leh ta a, a lawmawm hle mai. Tunhma atanga CO Bial sawi apianga bial chak leh rawngbawlna kawnga entawntlak ni thin chuan bul a tan thar leh dawn chu a ni a, ngaihtuahna a ti thuiin Bazar CO Bial lo kal tawh dânte, a thil lo tih tawhte thlîrlet chuan a lunglen thlak riau te pawhin a hriat theih a ni.

Hetah hian thil chiang tak lo lang chu, Pathian rawng kan bawlna kawngah hian ringtute kan kal fimkhur a ngai a ni. Setana hian hmanraw hrang hrang hmangin Pathian ram zau zel tur hi dan chah a tum thin tih leh, chu a hmanrua atan chuan tupawh a hmang thei a, a hmanruaah leh a tuartuah kan tang thei ve ve a ni tih hi kan hriat a kan invên fimkhur a ngai a ni. Kan inlungrualna leh thawh-honate tihchhiat a nih a, Corps leh Corps inkara harsatna lo thleng zawng zawng ahte khan a mawhphurtu nia kan ngaih huat rawn a thiam loh chantir mai ai chuan, thil tha lo kal tawhte theihnghilha Corps leh bial tana a hma aia thahnemngai zawka thawhhona tha zawk siam tura hmalak chu Sipai tinte mawhphurhna a ni tih i hre zawk ang u. Keini tih ngai lovin Amah dotute chungah chuan kan Pathian hian a kut a lek ngei dawn si a.

Tunah hian bial ding thar ni lovin, rawngbawlna kal dan phung hre sa, a chhia a tha pawh thiam taka thliar hranga, lungrual tak a rawngbawlho thin kan nihna kha hre thar leh zawk ila, kan lo kal tawh dâna tha lote paiha siam thain, Pathian rawng-bawlna leh Salvation Army kan nihna kawnga thil tha zawk hmuhchhuah phah nan, hun tha lo kal tawhte chu hman tum ila, tichuan kan tawrhna zawng zawngte chu malsawmnaah a chang dawn a ni.






HUN HMANTHAT

 

Mi hrang hrangte hi kan hun hmandan a inang lo hle a, thenkhat hun hmang thiam tak an awm laiin, thenkhat chu hun hmangthiam lo tak, buai reng mai kan awm thin. Hun hi pathuma then a ni a - hun kal tawh, tun hun leh hun lo la awm tur.

Tun hun hi a pawimawh ber, hun kal tawh pawh kan hmanlai chuan tun hun a ni tho a, hun lo la awm tur pawh a lo thlen chuan tun hun tho a la ni a. Hun kal tawh leh hun lo la awm tur chu Tun hun awm lo chuan a hman theih loh. Hun chu a lo kal a, kan hmang zova, a liam mai thin, hun kal tawh chu a kohkir theih loh.

Chuvangin kan hun hman mek hi kan fimkhur em em tur a ni. Kan hmandan a tha em tih ngaihtuahin kan fimkhur em em tur a ni. Kan hman dan a tha emaw tha lo emaw kan hman liam tawh chuan a kohkir theih tawh loh. Hun kan hman that chuan keimahni kan lawm a, kan nun a hlim thin. Kan hun kal tawha kan hun hman that lohte hian kan nun min vaw letin hrehawm kan tuar thin.

Kan nitin hun hmandan ah hian Lal Isua tel loin hun kan hmang hnem thin em? Kan mamawh leh kan duh chang chauh hian Pathian hi kan au a. A tel lo hian kan nitin nun hi kan hmang nasa leh thin hle si. Kan TUN HUN hi engtinnge kan hman that ang? Pathian rawn chungin, Amah bel tlatin kan tun hun hi hmang ila, inchhirna leh lung-ngaihnate nei lovin, kan hun kan hmang thei dawn a ni.

Lal Isua nena hun hman tluka hlu leh nuam a awm si lo, Amah nen chuan thil engkim hi a lo nuamin a awlsam thin.¶
Hun hmandan hian mihring nun a kaihruai hle a. Kan duh emaw duh lo emaw, mitinin hun kan hmang theuh a. Kan hun neih pawh a inang vek a ni.






Nunze nghet leh tlo

Mizo te hi kan hnam a la naupan vang nge ni, kan nunzia ve hrim hrim hrim zawk? tih turin kan nunzia hi a nghet lovin a ziktluak lo hle thin hian a hriat a.

Khawpuia inchei dan chu kar lovah thingtlang khua, motor thlen that hleih theih lohna hmunah pawh kan ching ve thuai thuai zel mai. Mi tihdan zir chhawn kan chak hle a, rei lo te ah a ngai ningin a thar kan bawh leh thuai thin a ni. Kan nunzia a ngheh loh ang bawkin Krista hnung kan zuina kawngah pawh hian kan nghet lo viauin a hriat bawk. Pathian thu kan uar em em a, Pianthar kan uar a, piangthar te nundan tur leh awm dan tur Bible in a zirtir dan te chu kan nunah hmuh tur a awm lawi si lo. Mi tam takte piantharna chuan kum khat chu sawi loh thla khat em pawh a daih thin silo. Kan piantharna hi Chawlhni inkhawmah a zo a. A tuk lawkah piangthar lo te nen nundan in ang khat rengin kan hnathawhna ah te, Sikul ah te, Office ah te kan nung leh si. A khawi lai berah hian nge piangthar nun tak chu kan hmuh ang? tih rum rum a awl fo.

Kan tunlai huna reilo te a da leh nghal ang chi ho hi chuan piangthar lo a ni hrim hrim ang. Mi thenkhat chuan pianthar-na leh Thlarau par tlanna hi thil thuhmun emaw kan ti fo thin a ni. Piangthar chu nun in thlakthleng, thinlung thar, rilru thar nei an nih avangin Pathian fa, Pathian nena inzawm, setana leh a hmanrua te hawtu, nundan sual leh tlaktlailo te bansan te hi an ni zawk si.

Pianthar kan awlsam ang bawk hian tluk leh pawh kan awlsam niin a hriat. Piangthar lo thenkhat ten

Pathian faka zai te, lam te pawh hi a tha e, kan nunah hian mite hmuh theiha Pathian ringtu kan nih hi a lan chuan siloh chuan kalsual pawh awl hle reng a ni. Thlarau Thianghlim hnathawh hi nu phet phut emaw, buai nuaih lam emaw a ni ber lo tih hi hriat a tha hle ang. Sual te sima tihtakzeta Pathian hnena intuluta, simna tel Piantharna/ Piannawnna chu kan mamawh takzet mai. Piangthar nun chu nunze nghet leh tlo a ni ngei ang.
Chawlhni Kristian chauh in ni e

 
Kan awmdan tinreng hi Krista chanchintha nen inmawi zel rawh se.tiin min sawi ta sela, a diklo tiin kan tang ngam ang em? A khawilai ah emaw tak hi chuan thil fel chiahlo chu a awm a ni awm mange!



VANGLAI HUN

 Kum tina kan lo hman thin SAY sunday chu hman a lo ni leh dawn ta a. He hun hi kumtinin kan hmang thin a, dan pangngai ang maia ngaiin kan hmang ang tih a hlauhawm hle. Bible-ah chuan ‘thalaite u in thatlai chen ula, in la naupang viau lai hian hlim rawh u’ tih kan hmu a, kan thatlai hlim takin kan chen tur a ni a, amaherawhchu Pathian hrereng chung leh a rawngbawl chungin kan thatlait hunte  hi kan chen tur a ni.

 He khawvel thil a hlimna chi hrang hrangte tello hian Pathian nen hian hlim takin kan hun a hman theih a, Pathian nena lendun a Amah nena hun hman tam tluka hlimawm leh nuam a awm lo.

 Thalai tam takte hian hlim leh lawmna zawngin he khawvel lamah an tlan thin a, hlimna leh lawmna emaw an tih laiin a tawp ah chuan nun beidawnna khurah an tlu lut leh thin a, mahni intih hlum duhna hial a  thlen thin a ni.

 Kan thatlai hun kan hmandan hian kan hmalam (future) a hril a, thatlai huna thil sual kan tih hian kan upat hnuah mi a vaw let nasa em em a. A thente phei chuan natna khirh tak tak an tuar a, an thih phah fo thin a ni.

 Mi tam tak upat hnu a piangthar te hian an thatlai huna Pathian tana an hun leh tha an lo pe lo hi an inchhir leh fo thin. Kan thatlai hun hian kan theih tawpin Pathian rawngbawl ila, kan thatlai hunte a rei dawn si lova.

 Pathian hrereng chungin hlim takin kan vanglai i chen ang u.





Malsawmna hnar

Bazar Corps SAY te hi Pathianin malsawm-na min va han vur nasa tak em ti rawh u. Kumin chhunga malsawmna min pek zozai te hi a va han ropui tak em!

A chang chuan Pathian malsawmna kan dawn te hi keimahni theihna avang emaw tih mai a awl ve bawk thin. Pathian hian A miten an dil chuan a pe thin tih Bible ah kan hmu. Pathian malsawmna hi chhiar thiam a va han tul tak em! Bazar Corps a rawngbawl theia min siam ringawt pawh hi malsawmna a ni e. Chhungkua te, Thiante, thenawm khawveng tha tak tak kan nei te hi A malsawmna avang a ni e. Chu mai bakah ei leh in tur te, ni eng leh ruah sur te, fur leh thal te a awm hi mal-sawmna vek a ni. Hun lo awm zel turah pawh kan Pathian rinawmna te, A malsawmna te hi A duh anga kan awm phawt chuan kan dawng zel ang.

Kan Pathian hnenah hian nasa taka kan tawngtaia, simna thin-lung pu a kan dil chuan A malsawmna in min vur zel ang. Mahse, Pathian mal-sawm tlak loh a kan nun hi a hlauhawm takzet a ni.

Mi thenkhat chuan Pathian hnenah kan dila, mahse dil dan dikin kan dil thin lo a ni. Kan awmdan a dik phawt chuan hun harsa te, hrehawm te tuar thin mah ila Malsawmna kan la chang ngei ang.






Pathian ram a lo zau zel nan

Tualte Corps-a rawngbawlnaa kalte tawrhna leh naupang zawkte chhelzia te, member kalte inpekna sanzia te hriat a nuamin a ropui hle mai.

A ni tak a, Pathian rawngbawlna reng reng chu tawrhnain a intan thin tih dikzia kan hriatchian lehzualna te pawh a ni awm e. Tualte khaw mipuite sawi tam ber chu kan thalaite rawngbawl tura an inpekna sanzia te leh mikhual thlen nuam tak an nih thu te a ni hi a lawmawm lehzual.

He rawngbawlna hi a bul tanna ni sela, Pathian a lo ropui lehzualna atan te, mamawhtute hnena Chanchin Tha hril zel thei tura inbuatsaihna atan te hmang thei ila, a ropui lehzual ang.

Tin, sipai tinte tawngtaina avanga he rawngbawlna hi hlawhtling zui zel thei a ni tih hriain nasa lehzualin Tualte Corps tan i tawngtai ang u.

Pathianin A ram zauh zel nana Bazar Corps-a sipaite A rawngbawl min la phalsak ve hi kan vannei hle a ni.






Inkaihhruaina Dan

Chhandamna Sipai Pawl hian Inkaihhruaina Dan mumal tak, chi hrang hrang a nei a. Sipaite tana thupek leh thunun dan te, local officer te, Corps Officer te leh Headquarters-a officer te kaihhruaina turin Dan chi hrang hrang siam a ni a. Mizo te hian Dan leh thupek hi kan ngai pawimawh tawk lo viauin a hriat a. Ram dan zawm kawngah te leh Pawlho inkaihhruaina dan zawm kawngah te kan hniam hlein a hriat.

 

Khawtlang thila inkaihhruaina dan kan zawm peih lo ang bawk hian Kristian Kohhran huang chhungah pawh inthununna lekkawh a harsa fo thin a ni. Kohhran pawl thenkhatah chuan mi nei nung leh mi challang thenkhat te chungah kohhran inthununna an lek ngam lo fo an ti a. Hetiang ang dinhmun hi Bazar Corps ah hian a thleng ve mai ang tih a hlauhawm hlel love.

 

Mi rethei leh hausa kar a zau zel a, khawvel thila inthliarna ang boruak hi Kristian rawngbawlnaah hi chuan thleng lo hram se a va duhawm em! Hmu-chhuaktu William Booth-a khan tuna kan awmdan hi min rawn hmu ta sela, pawl thar dang a din leh duh mai lovang maw? tiin inenfiah thin ang u.

 

Mizorama Salvation Army tanchhuaktu Pu Kawlkhuma te hunlai kha chuan uire chhinchhiahna bik siam an rawt hial a ni a. Tunlai kan dinhmunah hian hetiang hian inchhinchhiah dawn ta ang ila, chhinchhiahna hi kan pu fur em lo’ng chu maw?!

 

A lang thei chinah chuan kan felfai viau mai thei. Uniform mawi tak leh Bible zakzeh a Biak In pana han kal tham tham te hi a mawi hle mai! A Lang thei china fai pur si hian kan chhungril nun hi a lo bawlhhlawh fu mai thei a ni.

 

Kan dopuite hmuh phak lohah hian nun bawraw tak leh entawntlak loh tak hian kan lo awm palh hlauh ang e. Thinlung hmutu PATHIAN a awm a, mitin kan thiltih angin relsakin kan la awm dawn si a. Rawngbawltu, commissioned kan nihna te, kan lo fehchhuah tawh thinna te hian rorelna niah chuan min chhan dawn teuh si lo. Mihring bum mah ila, LALPA kan bum dawn chuang lo.

 

Kan inkaihhruaina bulpui ber atan Isua Krista hi hmang ila, engkim a fel vek ang.





I vanglai hian i siam tu hre reng rawh

Kum tin a kan hman thin Corps Cadet Sunday kan lo thleng leh dawn ta reng mai a. Kohhran dangin an neih ve loh Corps Cadet, sipai Pawl tena kan nei hi a vanneih thlak in, kan nihlawh hle a ni. Kan hriat theuh ang in kum 10 atangin Sipai Pawl naupangte chu Corps cadet a nih theih a. Corps cadet te chuan Pathian thu zirin, tleirawl lai hun tha chu Pathian thu zir nan hun hmang in, hei hian kawng tam tak ah thil sual lakah a veng a ni.Corps Cadet zir hun kum ruk chhunga rinawm tak a zir a, Merit Badge dawngte hi chu Corps ah leh Sipai Pawl tan mi tangkai leh thahnemngai tak an ni tlangpui thin.

Hemi atang pawh hian tleirawl lai atanga Pathian hnaih that zia a lang thei a ni. Kan Pathian thu chuan "I vanglai hian i siamtu hre reng rawh" a ti a. Kan vanglai leh kan thatlai huna Pathian hre reng tu leh amah hnaih tlat tu kan nih chuan Pathian hian min ensan dawn lo a, kan tana tha tur hlir in kawng min ruatsak thin dawn a ni.

Tunlai ah khawvel thiamna a sang tawh in, khawvel lam a tlanna tur thil tamtak a awm tawh a. Mahse, Corps cadet nih chuan heng thil sual tih te hhi a inhmeh lovin, tilo tura inzirtirna avang in heng lakah te hian fihlim a awl bik a ni. Tleirawl that lai hun tak a, Pathian thu zira, ama lam hnaih tu Corps Cadet nih hi a vanneih thlak hle a ni. Corps cadet Course kum ruk chhung zirzo te hi inchhir an awm ka ring lo.

Kan thatlai tak leh kan vanglai huna Pathian thu zir lah ama tana inserh hrang mite hi Pathian pawh in mal a sawm ngei ang. Chuvang in he thu hi hre reng ila, " I vanglai hian i siam tu hre reng rawh" tih hi. Tuna Corps Cadet ni lai mek te hi Corps Cadet Sunday a lo thlen leh hian kan nun leh keimahni theuh Pathian hnen ah i inhlan thar leh ang u.




Sacrament

Bible a awm lo "Kalvari’ hian ringtute thinlung a luahkhat ang hian, sacrament hi Bible a awm anga ngaih a awl hle. Latin tawng sacramentum atanga lak sacrament hi chhhinchiahna, thutiam, intiamkam, chhechham,entir tihna te a ni a. Roman Catholic ten sacrament chi sarih an neih laiin Protestant Kohhran zinga kohhran thenkhat te chuan tui baptisma leh Lalpa zanriah chauh an nei thung.

 

Oxford Dictionary chuan sacrament chu Christian symbolic ceremony a ti a, Captain John Coutts chuan entirna hlang (Purely symbolic) tiin a sawi.

 

Lalpa zanriah : Lalpa zanriah hi kalhlen kut ruai atanga intan a ni. (Mat 26:17-30) Kohhran hmasa te khan Eucharist te, Holy Communion te, Love feast ti tein an lo hmang tawh thin.

 

Hmangaihna ruai Love feast) hi hun rei tak atang tawh khan Kohhran hmasa te chuan an lo hmang tawh thin a, Khawvel thil nena chawhpawlh a nih tak avangin Tirhkoh Paula pawhin a sawisel nghe nghe.(I Kor 11:2,10)

 

Lalpa zanriah hi Lalchaw ti a sawi a ni thin bawk a, Lalpa zanriah hi chhandamna atana thil tangkai a nih lohzia chu Juda Iskariota chanchin ah hian kan hre thei a (Marka 14:23, Johana 13:27) Kan thurin chuan Chhang leh Uain hian an zirtir ber chu Chhandamtu khenbeh a chu – chatuana nunna bulpui ber a ni, tih a ni . Chuvangin hriatrengna atan chauha hman tur a ni. Luka 22:17-19 ah hian he thu hi a chuang a, heta thin tih hi tawng dang Bible ah a awm ve lo.

 

Kan thurin te, kan in kaihhhruaina dan te hi zir chiang thin ila. Chuvangin, hetiang serh leh sang chi hrang hrang te hi inhnialna atan hmang mai mai lovin ngun takin i ngaihtuah thin ang u.




Add comment to this page:
Your Name:
Your Email address:
Your message:


This website have 194453 visitors (571799 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
=> Do you also want a homepage for free? Then click here! <=
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================