The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.

 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
Article lawrkhawm
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

Ka hla duh leh a chhan

Ka hla duh leh ka duh chhan ...............:

Salvationist-a an hla duh leh an duhchhan ziakte hetah hian dah a ni a. A duh apiang tan a ni e. Kan email editorialboard07@yahoo.com -ah emaw bazarcorps@gmail.com -ah emaw pawh hian thawn theih a ni e.
...............................................................................

* Major Lalduhsangi

    Kum 2007 May ni 14 khan ka pasal Major N. Thangan Van kohna achhan a tanga karkhatnaah he hla “Aw i bei zel ang thim lal chu” SA Hlabu No. 419 hmang  hian Pathianin min pawl nasa em em a, ‘Min lo hmuak ang Lallukhum mawi sinin’ tih hian Van lam min thlirtir a, helei a kan cham chhungin do tur tam tak leh min tibuai tu sual a awm a, chu mi hnehtu te tan Lalpan a buatsaih ram min thlir tir a ni. Chuvangin he hla hi ka duh em em a, kan hmangaih kal hmasa te nen lungngaih leh manganna awm tawh lova, Pathian angchhungah thlamuang taka kan in hmuh leh hun tur min ngaihzual tir thin a ni.
    Aw ka thlarau lungngai lo la,
    Inpeih sa la ral niah hian;
    Nitin thlemna do reng ang che,
    Thim lal ral kap chawlin an ding ngai lo;
    Zion ralmuang thlen hma loh chuan
        Min lo hmuak ang, Lallukhum mawi sinim,
        Hnehtu huai, hrang lamtu lal leh
        Angel var ten kawtthler mawiah.


*  Major Vanlalhmui, DSWM

Kan hlabu No. 194-na "Lal Isua kan thian tha berin " tih hla hi a ni. He hla hi ka. duh em em a, inkhawmna ah te kan han sak tawh hi chuan ka thinlung hi a khawih nghal dawt zel mai a, mahni a awm lai te hian ka lo sa leh thin. Ka duh chhan pawh kan Lal Isua hian manganna leh hrehawmna kan tawh lai te, hmun khawhar a kan awm lai te, natna kan tawh lai te hian min hre reng a, kan thuruk zawng zawng pawh Ama hnen ah chuan kan zep thei lo, kan thian tha leh kan rin tak ten min phatsan pawhin, Ama hnena kan tawngtai a kan thlen theih nan kan tan chatuan atan thian rinawm a ni reng a. Engkim min hriatpui vek a ni tih han hriat hi a va han thlamuan thlak em!

Kan hlabu No 516 "Isua hnenah ka him ang" tih hi a ni leh bawk a. He khawvela kan awmchhungin hrehawmna leh natna, lugngaihna leh harsatna te kan tawk thin, rilrua hnualna, beidawnna leh midangte aia chak lohna ka neih hian vanduai bik nite hian ka inhre thin a, mahse Isua hnenah chuan ka him dawn a, A angchhung nuamah ka la chawl dawn a ni tih ka hriatin he khawvela harsatna leh ka lo buai fo thinna, hrisel lohna te hi a la reh vek dawn a, Ama hnenah chuan ka him reng dawn tih hi ka thinlungah a lo ri nawn fo thin a ni. He hla hian Lalpa min ngaihzual tir thin a, chakna min pe leh thin.


* Lalremsiami CG

    SA Hlabu No.20-na, ‘Pathian Hmangaihna Ropuizia’ tih hla chang 2-na hian tunlai chu ka rilru a luah hneh hle a, thu nasa takin a sawi a ni.

    Ram ropui leh lei Lalthutthleng,
    An tlawm vek ang, hun a ral ang;
    Tupawh tawngtai duh lova ngeng
    Chuan tlang leh lung an la phen ang.
    A chuai lovang, a lang zel ang,
    Pathian hmangaihna chu;
    Adama thlah tlanna a fah,
    Angel varte hla chu.

    Pathian hma ah chuan khawvel ropuina leh lalna te zawng zawngte hi a la tlawm vek dawn a, hunbi te pawh hian awmzia reng a nei dawn lo a ni. Hawh u, thalai, nu leh pa, naupang zawng zawngte u, i ngeng lo ang u. A hnaih lai hian Lalpa hi ko ila,  kan ring i tikhawng tlat lovang u. In la ngeng lovin kan Pathian hnenah i tawngtai ang u. Ama thu chauh hi kan nunna, kan himna kulhbingsang a ni si a. Ngeng leh luhlul chhuah lova, tihnuam taka kan awm phawt chuan  Pathian Hmangaihna ropui chu kan chang dawn si a, malsawmna leh thil tha kan dawng bawk ang.

    Chatuan thleng pawh a chuai ve ngai lo tur, Angel te
pawhin an hrilhfak, Pathian Hmangaihna changtu kan nih theih nan theih tawp chhuah zawk ang u. Chutinilova, Amah hlata kan awm luih tlat a, kan inla ngeng zel anih zawngin, kan la boral ngei anga, tlang leh lung phen tur zawngin hreawm taka rumin kan la tap dawn a ni.

    Pathian hma ah chuan lei tinreng inpuangin, khup tinreng an la thingthi dawn a, chutih hunah chuan tumah inla ngeng thei an awm tawh dawn lo, hlau leh khur chunga kan awm loh nan  tunah hian Amah chu i hnaih ang u khai, hlim leh lawm taka A hmel hmutu kan nih theuh theih nan Pathian Hmangaihna chuan kan thinlung ah hna thawk theuh rawh se.

*  Ellen Lalengzuali SAY Secy.
           Ka hla duh em em, ka thinlung a nasa taka thusawi a, ka rilru a awm reng thin chu SA Hlabu No 20-na ‘Pathian Hmangaihna ropuizia’ tih hla hi a ni a . A  lo awmna chhan chu  Dt.3rd March , 2009 a Phunchawng leh Rangvamual ah Isua avanga zu zawrh bansan te hnen a thilpek kan zuk pek tum khan a ni a, kan zuk kalna hmun a mite nen hian la in hmu ngailo a, in be ngailote kan ni a, an chennna hmun ah te kan kal a, Tawngtai sakna leh thilpek hlanna te kan zuk nei a, chutah chuan ka rilru ah Pathian hmangaihna vang a ni anmahnite nen pawh kan inhmu a, chu mai bak ah tawngtaihona te pawh kan nei a, la inhre ngai hleilo te nen Thlarau hmunkhat a kan han awmte kha a va ropui em!.

        Pathian hmangaihna ropuizia
        Thu leh Hla in a hril seng lo;
        Van aia sang, aw a zau zia,
        Sual hmun thim ber pawh a thleng zo,
        Sual bawiha tang, lungngai, mangan,
        A Fapa a pe a;
        Boral fate muanna a pe
        An sual a ngaidam ta

    Khami zana kan hun hman pawh kha SAY a chanvo kan chelh avang te leh kal tur a SAY Council in min ruat avang chauh a kal pawh kan ni mai thei e.Chu aia ropui zawk chu kan zuk kalna te hi rethei ve tak tak, an in ah chuan thutna tur mumal pawh awmlo te an ni a, a then ah chuan current te pawh an hmang lo. Mahse Pathian hmangaihna hi chuan thlen zawh loh a nei lo, mirethei ber in pawh a thleng zova, mihausa ber in pawh a thleng zo a, kal duhlohna bik pawh a nei lova, kal chakna bik pawh a neilo, zu zuar in pawh a thleng zo a, Pathian hmangaihna hi chu a va han ropui tak em, kei ngei pawh hian Pathian ka hmangaih te hi chu ka ti ve thin, mahse zu zawrhna hmun ah te, mi harsa zawk in ah te, K.S awmna hmun te hi ka thleng zo thin lo. Lalpa min ngaidam ang che.
        A va thuk em, a va na em
        Pathian hmangaihna chu
        Chatuan pawhin a chuai dawn nem
        Angel var te hla chu.

    Pathian hmangaihna hi chu a ropui ti rawh u. Keini sawi a, ziah chhuah rual a nilo, Van Angelte meuh pawhin an puan sen loh A hmangaihna changtu kan han ni mai te hi a va lawmawm em.
        Tuifinriat zawng hlotui chang se,
        Ziakna atan thingzar tinreng;
        Lehkha phekan van khi chang se,
        Ziaktu atan chuan mi tinreng,
        A hmangaihna puang dawn ila,
        A kang zo ngei ang e;
        A leng dawn lo, a hlai tawk lo,
        A hril seng chuang lo’ng e.
   Min hmangaihtu Pathian hming chu fakin awm zel rawh se.


*   Maj. Sangzuala

    Hla te hi tha leh duh a tam khawp mai, ka pianthar tirh a ka hla duh hmasa ber Hla Bu No.318 chang khatna leh a thunawn hi ania.

    Ngairawh Lalpan a grep huanah,
    Rah seng turin min ko;
    Lo buh sengtu te an tlem vangin,
    Buh te a ngui zo ta.

        Lalpa hmingin lawmin kalchhuak la,
        Ngilnei leh zaidam in;
        Chhandamna thlawnpek lawmawm tak chu,
        Khawvel ah puang turin.

    He hla hi ka pianthar tirhin Pathianin min koh nan a hmang a, September ni 26, 1948 zan ah Darlawn MAV School ah Class-VI ka zirlaiin, misual chhandam ngai ka ni tih chiang takin ka inhria a, mahni a in chhandam theilo ka nih pawh ka hria. Amaherawh chu Pathian in min hmangaih avangin A fapa Isua Krista chu, ka sual tlan nan rawn tirin Kross ah khenbeh niin, A fapa Isua Krista thisen a tlan ka ni a, thisen avanga thiam chang ka ni tih chu ka hria in ka ring bawk a, lawm takin ‘Chhandam ka ni ta’ tiin ka puang a. He Pathian thu hian min rawn nemngheh sak bawk a.

    ‘Thlarau ngei chuan, keimahni thlarau nen Pathian fa te kan ni tih min hriattir thin. (Rom 8:16)

    Hetih rual hian Pathianin he hla chang leh thunawn hian full time-a A rawngbawl turin min ko nghal a, Salvation Army Officer ni turin thu titlu nghalin, Pathian hnenah ka in hlan ta a ni.

    Kum tawp ah Final Exam kan han neih chuan Pawl Ruk chu tha takin ka pass ta a. Kan Headmaster Pu Lalliana chuan min kokhawm a, hetiang hian thu min zawt hlawm a, “Sikul in chhuahsan hnu ah eng hna nge in thawh ang?” tiin. Kei chuan. “Pathian rawngbawl turin Salvation Army Officer ka ni ang” tiin ka chhang a.

*  Capt. Lalramliana Hnamte

  Kan hla bu.219 na Chhandamtu Chatuan Nun Nan tih hla, Fanny Crosby-a phuah, Pu Liangkhaia lehlin hi ka duh  em em  mai a.
  A phuahtu hi mitdel a ni a, hla tam tak lungkuai tak tak a phuah a, eng mawina leh hlutna lam hawi pawh a hla ah hian a tam hle a ni.
  A pum pui hian a thluk leh a thu hi ka duh hle a. A  chang hnihna bik phei hi tunlai khawvel danglam zel nen pawh a in hmeh khawp mai. He khawvel dang zelah hian Isua hruaina kan mamawh zia a tarlang chiang a, Lal Isua chauh ring chunga kan kal chuan kawng dik chu kan zawh zel thin dawn a ni.
    He khawvel dang zelah hian, Ka kal chhungin min hruai zel langin;
    Nang ringin ka bo lo vang, Ka kawng pawh ka hloh thei tawh lo vang.
  Chang thumna hi ka duh lehzual. Isua hmangaih zual zel tluka ka duh hi a awm lo, he damchhung reilote ah hian thlan tur leh chhuan tur dang reng reng a awm lo. Thil dang chhuanga thlangtute chu an mualpho a, thihna leh hrem hmun  an hmachhawn mai thin a lo ni.
    Nang hmangaih zual zel ila, He ka dam chhung rei lo teah hian;
    Ka nunna van eng mawia’n, Hmangaihin a chim pil hma loh chuan.
He hla hian kan zavaiin Isua hmangaih zual theuh thei turin min pui se.

*  Maj. R Lalbiakliana DS

Tunlaia ka hla duh thar em em chu SA hla bu no  hi a ni a,
    En rawh chhum zingah alo kal
    Misual tana thi hnu kha
    Mithianghlim tam takin an zui
    A hnehna ropui nen khan
    Halleluiah, rorel turin alo kal
Ka duh chhan chu Lal Isua, khati taka an tihduhdah leh hmelma ten an cheksawlh kha nakinah hnehna ropui tak nen chhum zingah, a mithianghlimte nen rorel turin alo kal leh dawn a ni tih ka hriatchian em avangin leh keini misualte tana Thi hnu ngei chuan ro min la relsak anga dawn tih ka hriat avangin he hla chang hian min hneh em em a ni.

*   Nl Lalrindiki, Electric Veng
    Ka hla duh chu SA Hlabu No. 40-na ‘ Khawvel hi bo mahse Isua ka nei’ tih hla a chang hnihna kha a ni.
   
    He khawvel ah hian hreawmna te lo tawk thin mahila, Isua chauh chu zui tur anih zia keimah ah pawh a lang chiang em em a, a chang chuan rilru hahna leh hreawmna te pawh nei mahila Isua hnen ah ka hreawmna te ka thlen thin a, ka rilru na leh hreawmna zawng zawngte chu Ani chuan min lak bo sakin, Amah chu zui a, A duh dan anga awm tur ka nih zia min hriat nawn tir thin a ni. He khawvelah ka thlarau chuan chauh chang ni leh Isua ka zuina kawngah thlemna te tawk thin mahse Isua chu zui tur ka nih zia hi keimah ah chiang em em in min hriattir thin a ni.
   
        Ka thlarau, bo lovin,
                Isua zui la;
                    A mahin chatuanin,
                 A hruai ang che.
        Hreawm a thlen pawhin,
        A thlamuan zel ang che;
        I lungngaih a bo vang,
            Isua zui la.
   
     He hla chang ‘hreawm a thlen pawhin, A thlamuan zel ang che’ tih hi Lalpa’n ka rilru ah chiang em em in min hriattir a ni. Hreawmna te pawh tawk thin mahila, Isua ka zui chuan A nin min thlamuan zel thin a ni.Lungngaihna te pawh tawk thin mahila, Isua ka zui chuan ka lungngaihnate chu a bo anga, Amah ah chuan hlimna chu ka hmu dawn a ni.Pathian ka zuina kawng ah chuan Setana’n ka hun  kal tawh a ka thil lo tihsual te hmangin min bei mahse Lalpa Pathian chuan ka sualna zawngte chu theihnghilh in min lo la pawm duh hi ka lawm em em a Lalpa hnenah lawmthu ka sawi thin a ni. He lei ah chuan chauhna te, lungngaihna te ka tawh chang pawhin Aman min hruai zel ang tih ka hriat hian ka lungngaihna leh hreawmnate pawh a lo kiang thin a ni.
       
        Ka thlarau damna chu,
        Isua hnenah a awm;
        A thisenin min lei,
            Isua ka ta.

* Pu R.Vansanga RS

 “A saw raltiang tlangah” SA Hla bu No.103-na.
Isua Krista min tlantu thih champha a lo thlen lai hun kher lo ah pawh hian, he la hi englai pawh hian tha ka tiin, ka duhna hi a chuai theilo ni mai lo in, ka nun a tan hian, vawiin thleng hian chawlh nana ka hman theih turin ka hma ah hian a la in chhawp reng reng a ni tih ka han puang ve duh a ni.
    Ka duh chhan : 1974-a ka pianthar tirh a, ka hla duh nghal em em a ni a, ka thihna leh, Nun ka lo neihna Kross hlu ber mai chu, ‘Isua Pathian Beram No, van ropuina kalsan in, kan tan, Kalvari tlang a put thlen vangin. A inngaihtlawmna ka ngaihtuah hian tlawmna nunah, chona min pe reng thin a ni.
Chang 4-na  phei hi chu ka duh leh zual a.
            “Nghet takin vuan ila,
       Hreawm leh mualpho dawn lovin;
       Nakin ah Van in ah,
    Min la hruai khawm a nga
    Chatuanin ropuina kan chang ang” tih lai ah phei hi chuan ka mittui hi a hnai reng thin a ni. Thlafam dairial ka chan hma loh chuan, thlah lovin ka vuan tlat zel a nga, Lallukhum hlu chu ka la chang dawn a ni tih ka hriatchianna hian thlamuanna tluantling min pe a ni. A hla thu khawilai mai pawh hi ka lunglai kuaitu an ni vek mai a ni.Lalpa chu fakin awm rawh se.



Comments on this page:
Comment posted by Iopafeopt( admin_1iphone-ipad-mac.xyz ), 11/15/2016 at 3:36pm (UTC):
Ugireojfe whfiwehfjwehwhfjehfwefhweh 777uiop fweh iwehf weiohf wieohf iwehf iweyu59tu328hfire iuwfodhqw934785 h3urh9wjfwgut h9wh9889wh98r h4wt93qrj29th2 rj2ghw9tfq.

Comment posted by Xewrtyuoipye( admin_3iphone-ipad-mac.xyz ), 11/14/2016 at 2:00pm (UTC):
Xighefjeo orj wokwp dkow pwk wodj d hfdgfhgf 4756 5uhtyjur urt45

Comment posted by Ahsgdfloqifg( admin_4iphone-ipad-mac.xyz ), 11/14/2016 at 12:34pm (UTC):
Pgksrjgiohi hw hweokfjeq ojfe jfweiogwo gwoj wijf gdhgtrj575 y6u75tyhgf 5yu5regr

Comment posted by ellen( ellenmaengi09gmail.com ), 04/25/2011 at 5:27am (UTC):
a va tha hlom in a va lunglen thlak hlom ve, ka hla duhzawng tih column hi siam leh ila tha ngot ang



Add comment to this page:
Your Name:
Your Email address:
Your message:


This website have 194453 visitors (571812 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
=> Do you also want a homepage for free? Then click here! <=
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================