THQ / DHQ News release atanga lak chhawn
As on 04 May, 2013
UK (LONDON) ATANGA ZIN HAWNG
Lt.Col.Lalramhluna, Chief Secretary leh Major Lalliankunga, Training Principal te chu Ni 23-28, April, 2013 chhung khan ‘Call and Commissioned - An International Conference on the Training of Cadets’ hun pawimawh tak hmangin UK (London)-ah an zin hnu-in, tluang takin an lo thleng leh ta. He hun pawimawh takah hian UK pawn lam atangin palai mi 157 leh IHQ, ITC, ICO leh Zonal Deligates te nen an vaiin mi 200 lai an kal khawm a, thupui pawimawh tak tak 14 zirna leh sawihona an nei a ni. Chung zingah chuan Lt.Col. Lalramhluna CS pawhin thupui pakhat , “Training for Ministry to the Third and Fourth Age” a sawi chuan kalkhawmte a cho phurin lawm a hlawh hle.
TERRITORIAL YOUTH SECRETARY THLAHNA NEI
Ni 28.04.2013 (Pathianni) zan Chhandamna Inkhawmah khan Territorial Youth Secretary, Major Vanlalfela chu Western Division-a Divisional Commander ni tura ruatna thar pek anih avangin thlahna Zemabawk Corps ah thlahna neih a ni a, hemi hunah hian Territorial SAY Council members te leh Division hrang hranga Officer Bearers te an kal tha hle a ni. TYS thlahna ah hian items benglut tak tak te neih a ni.
T.H.Q-AH THAWKTU THAR
India Eastern Territorial Headquarters-ah Major Lalhmingliana, Central South Division-a Divisional Commander hna chelh thin chu, Secretary for Programme atan lak luh a ni ta a, a nupui Major Lalhlimpui pawh Appointment thar pek niin, Human Resource Deparment Officer leh Assist to TPWM atan ruat a ni bawk. Tin, Major C.Laldawngliana, Divisional Commander, Southern Division, Lunglei a awm thin chu, Territorial Headquarters-ah lutin, Outreach Secretary and Evangelism Secretary atan ruat thar a ni a. A nupui Major Manthangi chu Assistant Outreach Secretary hna pek ve nghal a ni bawk.
DIVISIONAL COMMANDER THAR LAKLUHNA
Naktuk May Ni 5, 2013 (Pathianni) hian, Major S.Biakliana, Divisional Commander, Central South Division, Aizawl chu Central Corps Biak In, Kulikawn-ah Colonel Lalngaihawmi TC chuan lakluhna leh dahnghehna neiin hun a hmang ang a, he mi ni vek hian Major Vanlalfela, Divisional Commander, Western Division, Kolasib chu Lieutenant Colonel Lalramhluna, Chief Secretary chuan Kolasib-ah lakluhna leh dahnghehna neiin hun a hmang bawk ang.
BIAKIN SAK HNATLANG NEIH A NI
Ni 27.04.2013 (Inrinni) khan Dinthar Corps te chu an Corps partner Tuirial Society Biakin tur sak hnatlang neiin nilengin hun an hmang a, Tuirial Society member ten hnatlang hi an lo pui bawk a ni. Biakin hi a ban tur phun phawt a ni a, a rang thei ang bera sak zawh sak Dinthar Corps te chuan an tum a ni.
As on 27.04.2013
MEMBER THAR LAWMLUT
March thla tawp (29/3/2013) (Good Friday) khan Vathuampui Corps ah Salvation Army rawngbawlna zawmthar mi 5 an awma, heng mite hi bialtu C.O,in pawl member-ah a lawmlut a ni.
Heng pawla lawmluhte hi Salvation Army dan pangngai angin, Sipai puitling ni tura zirtirna(recruiting Class) pek an ni anga, chumi hnu-ah Pastoral Care Council-in Sipai puitling ni tlaka a ngaih hnu-ah, Sipai thuthuthlung-ah in-ziaklutin, Sipai puitlingah lawmluh an ni anga, Sipai raldona a hmantlak anlo ni dawn a ni.Tripura ah pawh,20.4.2013 (Saturday) khan member 10 lawmluh an ni; an ni hi ringthar an ni a, kumin kumbul lam pawh khan an hnena Pathian thu hrilh tura kal Sipai pawl rawngbawltute pawh an khua atangin anlo hnawtchhuak tawha, tunah hian Pathian thu chuan anmahni ahneh ta zawk ani ang e; anlo lut ta a, Lalpan a rawngbawltu thatakah ala siam zel turah ngai ila, i tawngtai sak thin ang u.
ADMINISTRATIVE TRAINING NEI
Zirtawpni kalta (25th April 2013) khan, Central North Division Women Ministry chuan, Division chhunga Women Officer teleh, Local Officerte leh, Council memberte tan Administrative Leadership Training a buatsaih a; Darlawn Central Corps Northern Area –ah nghah ani a; hetah hian Central North Division chhunga Women Ministry hruaitu thahnem tak an tel a, Training hi Major Vanlalnungi Divisional Director Women Ministry (DDWM) in a kaihruaia, Divisional Headquarters atangin hmeichhe lam hruaitu mi 8 in an tawiawm bawk a ni.
TUIZEM THAR T.C IN HAWNG
Pathianni kalta (21.4.2013) khan Chaltlang Corps in tui dahkhawlna atana an siam chu Col.Lalngaihawmi Territorial Commander chuan Pathian hnenah hlanin a hawng. Rs. 410,000.00 (nuai li leh singkhat) senga siam, Tuizem hi Litres 45,000 (Litres singli leh sangnga dah theihna tura buatsaih a ni. Veng tamtakah chuan Motor tuichawi lei tur pawhin harsatna tamtak a awm thina, chuvang chuan tui dahkhawlna siam hi a finthlak hle a ngaih a ni.
THISEN PEKNA HMUN HNIHAH
# 22nd April 2013 khan Vairengte Corps C.O bial SAY te chuan athlawna thisen pek an buatsaiha, Vairengte Corps YP Hall-a buatsaih, C.O bial thisen pek-ah hian thalai 30-in a thlawnin thisen an pe a a ni.
# Mizoram Sipai pawl ni-lawmna chikhat atan Mizoram Sipai Pawl Ni (26th April 2013) khan Central North Division chuan, Bazar Corps,RM Hall Complex-ah, a mamawh tute hman atan athlawna thisen pek runpui a buatsaih leh ta a, Hei hian Aizawl khawpui chhung leh, Western Section a huap ang; Northern Area chuan 20/4/2013 khan Darlawn ah mi 58 in thisen anlo pe tawha, Mizoram Sipai pawl ni a pek hi thisen pek runpui bera ngaih a ni. mi engzatinnge thisen pe tih chu hriat ala ni rihlo a, nidang ang anih chuan, a za telin an pek leh beisei a ni.
LUNGPHUN D.C IN HAWNG
Darlawn ‘N’ Corps chuan kum 25 alo tling ve ta a, 26th April 2013 khan alawmna leh hriatrengna lungphun an siama, Jubili lungphun hi Major Zothanmawia, Divisional Commander chuan a hawnga, Jubili puala lawmthu sawi inkhawm buatsaih-ah Pathian hnena lawmthu sawina hun bakah, Pathian thuchah a sawi bawk a, Jubili lawmna ruai an theh bawk.
TUITHIANG SOCIETY HAWN A NI
Mizorama Chhandamna Sipai pawl din champha 26th April 2013 khan, Central South Division huam chhung, Tuithiang vengah Salvation Army Biakin thar hawn a ni. Tuithiang vengah hian nidangah Salvation Army ala ding lova, hemi ni hian bultan nghal a ni. Kum kalta lam atang khan Biakin nei tura hmalakna alo awm tawha, THQ lamin a hmun leina atan Rs.7,00,000.00 (Nuaih sarih) an pe a, chumi hmang chuan hmun lei anih hnu ah, Biakin hi Bethlehem C.O bial hmalaknaa sak ani a, Division Headquarters te nen tangrualin sak zawh alo ni ta a ni. Colonel Lalngaihawmi Territorial Commander chuan Biakin hi Pathian hnenah hlanin a hawnga, thlaraubo ten Krista an hmuh na atan te, hliamte tihdam an nihna tur leh, beidawng ten Krista khawngaihna tawp neilo avanga beiseina thar nen Krista an hmuhna hmun atan, TC hian Pathian hnenah a hlan a ni. T.C hian Tuithiang veng- hi Society ah a puang nghala, Flag-hmasaber tur pawh Society thar Sipaite hnenah a hlan bawk a ni.
CAMPING NEI MEK
Aizawl Temple Corps SAY te buatsaih Camping chu Aizawl Temple Complex-ah 23/4/2013 zan atang khan tan ani a, Camping ah hian mi 46 an lut. Territorial Evangelical Ministry (TEM) Speaker zinga mi Lalthanzama Hrahsel leha Team te chu Camping-ah hian rawngbawl tura rawih an ni a, boruak tha tak an neih beisei ani a, tawngtaina ah lo hria ila, hlawhtlinna duhawm tak an nei turah i ngai ang u.
BIAK IN THAR ATAN THUTTHLENG PE
Pu Robert Romawia Royte chuan Tuithiang veng Society thar Biakin sak thar thutthleng avaiin a tum vek a, Biakin tual zawl zawng zawng Cement concrete-in a siam sak vek bawk. A thutthleng pekte hi a zavaiin Teak thing tha a siam vek ani. Pu Robert Romawia Royte hi Salvation Army member ani lova, amaherawhchu Pathian tana sumte ui lova pe thin ani a, anmahni Kohhran ah pawh thahnemngai leh Pathian tana mi tangkai a ni; hetianga ‘pawl’ rilru pu lova Lalpa leh a Kohhran te tana mi thahnemngai hi Pathianin tisa leh thlarau malsawmna in vur let mawlh rawh se.
ORIENTATION BUATSAIH
Territorial Council-in alo rel tawh angin, India Eastern Territory-chhungah tangka enkawl dan fel zawk leh tha zawk a kalpui anih theih nan, Territorial Finance Management Auditors turte ruat an ni a, chumite tan chuan Orientation buatsaih ani a, 24th April 2013 Dar 11:00 a.m ah tanin, THQ Board room-ah hlawhtling taka neih a ni.
Y.P RALLY HMANG
Central South Division chuan April thla Pathianni hnuhnungber (28.04.2013) hi YP Rally atan an ruata, Division chhung khawpui leh Thingtlang lamah pawh, C.O bial tinah Rally hi an hmang anga, C.O bial khat Rally nei thamlo tepawh bial inkawpin an hmang thin a ni.Intihsiakna buatsaih ani thina, naupang ten thiamber nih tumin nasatakin an inbuatsaih thina, heng inbuatsaihna leh Rally boruak hian inpumkhatna thatak a siam thin. YP Rally hi Naupang tamtakte tan, Pathian nen an intawhna hun a ni thin a ni Naupangte leh anmahni thahnemngai taka enkawltute tan duhsakna kan hlan e.
SIKKIMAH CENTRE THAR
Namchi (Sikkim) Commanding Officer Capt. Joythang Khongsai in THQ a hrilh danin member thar an neih bakah, Society thar hawn a ni.
March ni 3, 2013 (Sunday) khan Rhenck (Aritar) hmun-ah, ringthar member 10 lawmluh an ni a, mi 5 in an rawn belh ve leh ta bawka, member 15 an nei ta a, Society thar atan puan ani ta a ni. tin, April ni 18, 2013 khan chhungkaw pahnih, member 8 awmna hmun, Dentam-ah chuan- rawngbawlna bultan ani bawka, he hmun hi Out post ti a vuah ala ni riha, Out-Post hi chu regulara inkhawmna la kalpui thei chiahlote dinhmun a ni thin a, hun reilo teah hian member tamzawk lakluh theih beisei a ni.
KANGMEI TUAR TE TANPUI
Zawlnuam khua a Pu Rochungnunga In, chhungkaw pathum: 1)Pu Chalkunga 2)Pu Lalfakawma 3)Vanlalsiama te luahlai chu, 22.4.2013 (Thawhtanni) zing khan akangral veka, Heng kangmei tuart chhungkaw 3 te leh, Inneitu Pu Rochungnungate chhungkaw hnenah hian Zawlnuam Corps chuan Rs.500.00 theuhvin tanpuina an pe a, Division Headquarters, Central North Division pawhin Rs.1000.00 theuvin a tanpui bawk a ni.
S.A.Y TE AN INHAWNG
Rilru leh taksa lama harsatna nei, tawngtaipui ngai leh Counseling mamawhte tan Salvation Army Youth te chuan englai pawhin puih an inhuam thu leh Counseling Centre siam anih tur thu THQ an hrilh; mamawhna neite chuan a hnuaia Address-ah hian hriattir theih a ni e.
CANDIDATE BOARD MEETING NEI
Central North Division chuan April ni 24, 2013 khan Division Candidate Board meeting a kova, hetah hian Officer training diltu mi 4 (mipa leh hmeichhia pahnih ve ve) te an inlana, Board hian Candidate atana pawm tha an tih chuan THQ ah recommendation nen an theh lut ang.
As on 20.04.2013
CENTENARY CORPS BIAKIN HAWN A NI
“CENTENARY CORPS” tih hming pu hi khaw dangah te pawh an awma, tuna kan han sawi hi chu Saitual khua a mi a ni, A dung ft. 48 leh avang ft. 24 leh abathlar ft. 12x24 hi May ni 2, 2011 khan sak tan ani a, Kum khat leh thla kua leh a chanve sak anih hnu aah April ni 12, 2013 khan, Col.Lalngaihawmi Territorial Commander chuan Pathian ropui na turin a hawnga, Commr Lalhlimpuii® chuan Pathian hnenah a hlan a ni. Hawnna hun hman zawh hnu a inkhawm buatsaih-ah Major Lalhmingliana DC chuan inkhawm kaihruaiin, Colonel Lalngaihawmi TC-in Pathian thuchah a sawi. Inkhawm ban hian Biakin lawmna ruai, Centenary Corps in an buatsaih chu hlim takin an kilho bawk a ni.Tin, Biakin sakna atan hian Rs.9,47,563.00 sen a ni a, an senso 30% dawn lai, (Rs.2,78,870/-) in THQ in an tanpuia, Corps mipui ten Biakin sakna atan hian hnatlang tha 300 lai an seng bawk a ni.
LONDON AH SEMINAR HMANG DAWN
Lt. Col. Lalramhluna Chief Secretary & Major Lalliankunga Principal (OTC)te chu Officer Training College chungchang-ah Seminar hmang turin London-ah an kal dawn. 22 – 30 April 2013 awh tur Seminar awm turah hian Major Lalliankunga Principal,Officers Training Collge hi palai ani anga, Chief Secretary hi Faculty pakhat ani dawna, Hetiang Programme hi a awm ngai manglova, chuvang chuan kan hotute hi tluang taka an zinkawngte an zawh theihna atan leh an Programme tepawh hlawhtling taka an kalpui theih nan I tawngtai sak ang u.
WRITER CONFERENCE AH MI PAHNIH KAL
India ram huapa Writer Conference buatsaih ah India Eastern Territory atangin mi pahnih an tel ve a, 9 – 14, April 2012 chhunga neih zawh takah hian Major R Lalbiakliana Area Officer Northern Area Darlawn, leh, Pu Hmangaihhlima Tuikual Corps te chu dam takin Aizawl anlo thleng leh ta, Confenrnce hi Seminar / Training ang deuha kalpui ani a, Faculty pawh mi sawm(10)lai an ni, India ramchhunga mithiam rual 8 te bakah, ramdang atangin Major Allen Satterlee, Editor in chief, USA leh a nupui, Esther Saterlee, Circular Manager te chuan an rawn hmanpui bawka, hei hi lehkha ziaka rawngbawlna lamah hmasawnna tha tak ani ngeiin a rinawm e.
LITERATURE SUNDAY
Tun Pathianni(21/4/2013)hi India Eastern Territory Calendar-ah Literature Sunday-atan dah Headquarters lam atangin hemi puala Programme buatsaih ani lo anih pawhin, mahni Corps theuhvah thahnemngai leh hlawk taka hman tum ila; Central South Division-Aizawl khawpui chhunga Corps thenkhat chuan chhun lamah YP Rally an hmang anga, zanah Literature Sunday an hmang dawn a ni.
THISEN PEK RUNPUI DARLAWN-AH
Central North Division Northern Area chhunga SAY-hote chuan 20th April 2013 hian Darlawn Central Corps ah thisen pek runpui an buatsaiha, chanhin ziak lai hian mi engzatnge thisen pe tih kanla hrelo; Nunna hi Pathian chauhvin a pek theih ani a, mitin hnenah pakhat chauh a pe a,ahlu em em a, NUNNA ATANA THISEN PEK HLUTNA HI SAWI THIAM A CHAKAWM MANGE.
MISUAL KUTA THITE THQ HOTUTEN AN RAL
Territorial Headquarters Officer pali :Major Lalmuansanga Emergency Secretary, Major Vanlalthanga Spiritual Life Development Secretary, Major Thanzuali League of Mercy Secretary, Major Hmunropuii Territorial Home League Secretary te chu, 15/4/2013 khan Kumber Tea Estate, Kumbha Corps, Western Division Cachar-ah, Territorial Headquarters aiawhin an kal. 13/4/2013 a misualte kut tuara thi ta, Nula Pompa Tanti (20) d/o Jagdish Tanti leh Nula Saphira Patra (17)d/o Santo Patra te pahnih, pawisawilo te thihna hian mi tamtak thin a thawnga, chuvang chuan an chhungte ral tur leh, thlamuanna thute sawi turin THQ hotute hi an kal a ni.Heng nula pahnihte hi 13/4/2013 khan an khaw daiah thing phur turin an kala, mi tu tih hriatloh ten hriamhrei hmangin anlo bei a, an nunna hial anlo laksak ta a ni. Nula Pompa leh Saphira te hi Kumbha Corps a SAY active member an ni a, Biakin zai hruaitu tangkai em em an ni bawka, an chung athil thleng hi a vanduai thlakin a rapthlaka, mitinin kan tuarpui theuhin a rinawm a; Pathian thlamuanna leh awmpuina duhawm tak chu an chhungte tan I dil sak theuh ang u.
CENTRAL SOUTH DIVISION COUNCIL
Ni 3 awh (19 – 21,April’13) Central South Division Council chu Thingsulthliah Corps ah nghah ani a,palai an kal tha khat ni a hriat a ni; Council-ah hian Council-ah hian Agenda 22 a awma, chung zingah chuan Budget 2013-2014 leh Financial report te chu sawi hlawh ber tura ngaih an ni; tin, heng a hnuaia kan han tarlan hote pawh hian hmun pawimawh tak Council ah hian an awh dawn bawk niin Council hotute chuan an hria a ni chungte chu:-
1) DHQ hlui Building & Ram (Keifang)hman tangkai dan tur.
2) Local Officer Retirement
3) Local Officerte vui dan rual khaia neih dan
4) Officers transfer chungchang.
5) Corps sum Audit
6) Financial Campaign
7) Sunday Bible School kal hunbi
8) C.O ho ngeia Corps Council neih
9) Men’sFellowship kum bithliah
10) HQ atanga Corps harsate chhawmdawl chungchang.
11) Local Officerte Commssion hlan chungchang.
Division Council hian Pathianni thleng a awh dawn avangin memberte pawh an cham dawna, Territorial Leader tepawhin Pathianni-ah hian hun an hmanpui dawna, Pathianni Thianghlimna inkhawm-ah Lt.Col Lalramhluna C.S in hun a hmanga, Chhandamna inkhawm-ah Col. Lalngaihawmi, TC in hun a hmang dawn a ni.
OFFICER THAR 14 COMMISSIONED
“Thawhlehna puangtute Session” tih hming pu a, Officer training College a zirchhuak ta mi 14 te chu 14thApril 2013 (Sunday)khan Colonel Lalngaihawmi Territorial Commander chuan nemnghehna neiin Pathian hnenah a hlana, tin, rawngbawl tura tirhchhuahna hun pawh hemi zan vek hian Aizawl Bazar Corps Biakinah TC hian a hmang a ni. Officer tharte tirhchhuah an nih dawn hian an tirhchhuahna tur hmunte ruat sak an ni a, Officer Ordain-tharte hian hotute kaltlanga an hnathawhna tur hmun ruatte puan anih lai hian hlim takin an lo dawngsawnga, lawm taka rawngbawl turin an inbuatsaih nghal a Officer chhuak tharte leh an thawhna tur hmunte:
1) Lieut. K.Malsawmtluangi - Zohmun Corps - Darlak Corps, Central North Division
2) Lieut. Ramengmawii Sailo - Vengthar Corps Kolasib - Satarai, Central N’Div - Tripura
3) Lieut. C.Lalrohlui - College Veng Corps - Sialhawk Corps,Central ‘S’ Division
4) Lieut. Lalruatpuii - Sevenphul Corps - Tlabung Corps Southern Division
5) Lieut. CVL Rindika - Tuikual Corps - Vathuampui Corps Southern Division
6) Lieut. Lalruatfela - Chaltlang Corps - Pangzawl Corps Southern Division
7) Lieut. George Lalramnghaka - Vairengte Corps - Bilat Corps Himalaya Div- Arunachal
8) Lieut. R.Lalruatdiki - Chhawrtui Corps - Bilat Corps Himalaya Division - Arunachal
9) Lieut. Laldawngliana Vengthar Corps Klb N.Vanlaiphai Corps,Central ‘S’ Division
10)Lieut. VL Hruaizeli - Central Corps - N.Vanlaiphai Corps, Central ‘S’ Division
11)Lieut. R.Zosangliana - Enna Corps - Leijangphai Corps, Eastern Division, Manipur
12)Lieut. Eva Lalfakmawii - Enna Corps - Leijangphai Corps Eastern Division, Manipur
13)Lieut. Lalpianmawia - Bazar Corps - Lunglei Damparengpui, Central ‘N’ Division.
14)Lieut. Lalengzami Sailo - Bazar Corps - Lunglei Damparengpui, Central ‘N’ Division.
Heng Officer tharte hi an thawhna tur hmun turah 28/4/2013 hma a thleng tura beisei an ni a, Ni 28.04.2013 (Pathianni) ah anmahni awmna turah Welcome meeting buatsaih a ni dawn a ni. No 4-na hi pasal nei mai tur a ni a, Lt. Lalrammawia Tlabung Corps C.O. nen an innei ang; tin, No 6-na hi Lt. Lily Ramnunpari Pangzawl Corps C.O. nen an innei a; No 7&8 te hi an innei bawk ang a, No 9&10 tepawh hi innei tur bawk an ni a, No 1,2,3&5 te hi nupui pasal hual nei lemlo, mahni a huaisen taka thawk turte an ni a, kan sawiloh adangte hi chu nupa lo ni tawhsa te an ni.
As on 13.4.2013
EXECUTIVE OFFICER THENKHAT TRANSFER
India Eastern Territory chhunga Executive Officer thenkhatte chu an hna tih danglam a ni :
1.Major Sangchhunga PRS,THQ chu, Diisional Commander ni turin Southern Division Lunglei-ah.
2 Major Vanlalfela TYS,THQ chu, Divisional Commander ni turin Western Division Kolasib-ah.
3.Major C.Dawngliana DC,Southern Division chu, Outreach Secretary ni turin THQ, Aizawl-ah.
4 Major S.Biakliana DC. Western Division chu Divisional Commander ni turin Central ‘S’ Division-ah.
5.Major Lalhmingliana DC Central ‘S’ Div, chu Secy for Programme Administration turin THQ Aizawl-ah.
Territorial Youth Secretary tur leh Western Division DYS tur te puan an la ni rihlo a ni.
TRIPURA RAMTHAR BIAKIN SA
Serhmun II khua (Tripura) a Sipai pawl dingtharte member 76 awmna Biakin sakna atana Pu J.Lalmalsawma Chawnpui Corps te chhungkaw thilpek hmangin Behliangchhip Corps chuan an hun leh tha sengin a sak an bultum ve thunga, 10/4/2013 (Nilaini) khan an sa zo ta a ni tih Area Officer Capt.K.Rohlupuia chuan report a rawn thawn. Behliangchhip Corps hian Tripura Ramthar biala dingtharte Biakin tur hi tunhma pawhin anlo sa tawh thin a, thawktu Quarters tepawh anlo sa tawh bawk thin a, Pathian tana inphal thinte hi Pathian pawh hian a hrerenga, mal a sawm thin a,chhungkua pawh, Corps pawh an lungruala, Pathian thlarauah an hlim em em thin a ni. Tin, PAWLKUA khua Tripura ah hian Member 40 vel chauh an awma, an ni pawh dingthar an ni a,ringthar an ni bawka, an Biakin sakna atan hian Chawnpui Corps chuan Sum an thawh bawka, hei hi erawhchu Agartala khaw chhunga Sipai pawl awmchhunte chuan sak ve ngei an tum tlat maia, mi 20 inkhawm tur pawh anla awm silova, amaherawhchu theihtawp chhuahin an bei a, Capt.K. Rohlupuia Area Officer chuan 13/4/2013 (Inrinni)hian zawh ngei an tum a ni tih THQ a hrilh bawk.
FINANCE CAMPAIGN IN FEH CHHUAK
Territorial Council Monitoring Group hote hmalakna in tun chawlhkar tawp Ni 14.03.2013 (Pathianni) hmang tur hian Corps 17 –ah Finance Campaign turin mi 52 an fehchhuaka, Campaigner-hote hian Aizawl khawpui Corps 4 an tlawh anga, abak khawpui pawn Corps 13 an tlawh bawk ang;Division pali an tlawh anga; Western Division-ah Corps 7 an tlawh anga, Southern Division Corps 5 an tlawh anga, Central South Division Corps pakhat an tlawh bawk ang Central North Division Corps 4 an tlawh bawk dawn a ni.
KOLASIB VENGTHAR CORPS IN INSAK SAK
Laalpani khuaa hmeithai pakhat, Pi Hahati pianphunga rual banlo, bawkvaka kal thin chuan Chenna tur In a neihloh avangin Kolasib Vengthar Corps Home League chuan In an sak sak dawna, Nilaini kalta(10/4/2013) khan Major S.Biakliana, Divisional Commander chu ahmunah kalin Insak dan turah ruahmanna a neihpuia, Laalpani hi Kolasib atang chuan ahla hle a, State dang alo ni bawk nen, anmahni chauhva thiltih a harsat dawn avangin, Laalpani Corps Sipaite chuan theih tawp chhuahin, an tih theih ang angah anlo tanpui dawn a ni.
CEILING FAN PE
Silchar Boys Home (Western Division)a an hmanlai Ceiling Fan pariat lai chu, vawi engemawzat siamthat(repair) anih hnu ah siamthat theih anih tawhloh avangin, hluihlawn alo ngai ta a, khua a lum em em mai bawk si a, Home naupang ten nitina khawlum an tuar thin chu Aizawl Temple Corps chuan angai pawimawh hle a, tanpui ngei an duha, Council member zinga mi thahnemngai (Pu F.Kapsanga CT te chhungkua) chuan hemi mamawh atan hian Rs 10,000.00(cheng singkhat)ape a ni. He thu hi Home i/c Officer Captain Emmanuel Mahapatra pawh hriattir a ni a, hemi avanga Pathian leh a petute chunga a lawmthu a sawi a ni.
ORDINATION & COMMISSIONING
Salvation Army inkhawm Programme pawimawh leh urhsun berte zinga mi, Officer tharte nemnghehna leh rawngbawl tura tirhchhuahna hun chu Naktuk Ni 14.03.2013 (Pathianni) hian Bazar Corps Aizawl, Central North Division ah neih ani dawn. Colonel Lalngaihawmi Territoprial Commander chuan he hun (Ceremony) pawimawh leh puithu takah hian hun a hmang anga, Lt.Col. Lalramhluna, Chief Secretary chuan a tawiawm ang; tin, Major Lalliankunga Principal, Officers Training College leh a thawhpui staff hote chuan Programme ah hian hmun pawimawh tak an luah bawk dawn a ni.
Tuna Officer thar turte zingah hian nupa tuak hnih an awma, mipa Single 4-leh hmeichhia single 6 an awm bawk a ni; tin, Officer atana nemngheh an nih hnu hian, nupui/pasal nei zui nghal mai tur an awm dawna, mipa pakhat chu Officer, (hmeichhia) Corps-a lo thawk tawh nen an innei anga, hmeichhia pakhat pawh Corps a lo thawk tawh Officer nen an innei bawk ang; Tin, Officer thar turte zingah mipa leh hmeichhia tuak hnihte chu, Officer atana nemngheh an nih hnu hian an innei zui bawk anga, hetia nupui/pasal an inneih hlawm dawn avang hian, Single-a thawk tur chu an kiam dawn ta a, Mipa pakhat leh hmeichhia pathumte chauh Single in an thawk dawn ta a; hemi Session a mipa 6 leh hmeichhia 8 (mi 14) atang hian Corps 8 awp thei an awm thei dawn a ni.
OUTREACH BOARD MEETING NEI
Ni 09.03.2013 (Thawhlehni) khan Territorial Outreach Mission Board meeting chuan rorelna neiin Field-a rawngbawlna kalpui lai mek leh hmuntharte an thlir a, hengte hi a tul anga bawhzui nghal theih vek a ni dawn a ni:
1) KHUMULWNG (Tripura) CHHEHVEL RAWNGBAWLNA: Helai bialah hian kum tamfe chu rawngbawlna kalpui a ni tawha, Pu F.Kapsanga C.T Temple Corps te chhungkua chuan rawngbawltu mi 10 aia tlemlo an ruai thin a, amaherawhchu hruaitu mumal an neih takloh avangin tun dinhmunah hian thawktu anga rawih mi 4 an awm a, hei hi kalpui chhun zawm zel an ni anga, Soldier of Cross tilovin, “Helper” vuah nise tih a ni. Chung hmunte chu : i) Doronto ii)Raimolsom iii)Ruhichandra iv)Samprapara outpost-ah te hian hmalak chhunzawm phawt ani anga, an lawmman pawh tihpun a ni ang.
2) SERHMUN CORPS-AH LOCAL EVANGELIST DAH: Khawthlang Serhmun Corps ah hian ringthar Nepali hnam thahnem tham tak an awm avang leh, tawng lamah harsatna tamtak anal neih avangin, anmahni kaihruaia enkawl thei tur Local Evangelist rawih nise an ti a, thawktu enkawl leh an lawmman tur erawh chu Headquarters lam tibuai lovin, Khatla Corps, Central South Division in an tum dawn a ni.
3) JAIGAON ATANGIN BHUTAN RALSAI PHAWT ANI ANG: Bhutan rama rawngbawl theihna atan Permission-neih theih anih hma chuan, Jaigoan atanga enkawl rih nise tiin Outreach Mission Board chuan a rela, chumi atan chuan Quarters neih hi hna pawimawh hmasa tur ani a, chuvang chuan tunah hian Quarters luah tur zawn mek ani a, Inluah tur peih fel anih chuan heta tang hian Bhutan ram chu enkawl phawt a ni ang.
GUWAHATI RAWNGBAWLNA I.H.Q IN TARLANG
The Salvation Army International Trust 22nd Report on Accounts for The Year ended 31st March 2012-in rawngbawlna hlawhtlingte-ho zingah India Eastern Territory rawngbawlna peng pakhat, Guwahati a rawngbawlna chu a rawn tarlang a; khawvel hriat hlawh phak rawngbawlna hlawhtling nei tura sulsutu leh vawiin thlenga rim tak leh hlim taka thawktu Major Lalthlamuani hi a fakawm hle a, A hnaah hian a nun a hlan takmeuhva, chungah lawmthu awm sela, ruahmanna siamtu kan hotute hnenah pawh lawmthu kan sawi senglo a ni. 22nd Report and Accounts for the ended 31st March 2012 chuan hetiang hian a ziak a:
North East India Guwahati a Chhandamna Sipai pawl chuan mirethei te zingah rawngbawlna a kalpui meka, Sorkar School a kal theilo Naupang 30 te tan, “Informal School” siamin, chawlhkar tin vawi 5 tuk tin zirtirna a pe thina, heng naupang chhungkuate hi unau rual tak tak, rethei tak tak, chhungkaw eizawnna harsatna avanga buai em em thinte an ni.
Salvation Army in a tum ber chu heng naupangte hi School pangngaiin anlo pawm theih tura buatsaih leh an nu leh pate pawh rilru sang zawk puttir hi a ni; chutiang avang chuan nu leh pate pawhin ziak leh chhiar thiam duhna te anlo nei ve ta a, tunah hian nitin tlai lamah nu leh pate tan ziak leh chhiar zirtirna hun “Literacy class” anlo buatsaih thei ta bawk a ni.
Tin, nitin a thlawna chaw semna buatsaih a ni a, tin, hriselna kawng inzirtirna Health awarness camp-te buatsaih thin ani a, chungah chuan natna laka inven na atan invawn thianghlim dan zirna te leh tui thianghlim in pawimawhna te an zir thin a, thlatin an hriselna athlawnin an endik bawk thin a ni.
IHQ atanga tanpuina an hmuh bakah, he rawngbawlna enkawltu hian tualchhunga sumdawng leh mi khawsa theite hnen atangin, regular taka tanpuina a dawng thin a, he rawngbawlna hi alo hlawhtlin chhoh zel avangin, atum tak a fuh tan ta hle a, tunah chuan Pathianni tin Pathian biak inkhawm an kalpui thei ta nghe nghe a ni.
BUDGET DAN THAR SIAMCHHUAK
Sum leh pai renchemna leh thiam zawka enkawl theih beiseina avangin Salvation Army chuan Budget kalphung thar siamin, kumtina Financial Budget a siam thin chu a ti tawp dawn a, Budget hi kum thum zel atan a siam thin tawh dawn a ni. Hei hian hmalam thlir lawkna thu ah, thil thui zawk ngaihtuah tur leh uluk zawka thlir thiam turin, tangka enkawltute leh Division te leh Territory hruaitute pawh a nawr deuh dawn a, chu chu kan hmasawn theihna lai tur zinga mi a ni bawk ang. Dan thar hi kumin 2013-2014 Budget atan pawh hman nghal a ni ang. Hemi atan hian kan hotute pawh hriattir na pek an ni tawh a, IHQ lam hotute nen pawh anlo zir ho tawh a, tangka lam enkawltute pawhin training an lo nei fel tawh ni a hriat a ni.
Thiltih dan thar leh ngaihtuahna tharte hian Pathian tana kan hnathawhnaah, chak zawka rawngbawl turin min pui fo thin a, tuna Budget kalhmang thlak danglamna pawh hian khawvel bung hrang hranga sipaite rawngbawlna atan malsawmna thar a thlen ngei ang tih ring ila, chumi atan chuan tangtai bawk ila a tha ang e.
As on 05 January, 2013
KUMTHARAH BHUTAN RAMTHAR FIELD
Hun engemawchen atanga hmalakna neia rawngbawlna buatsaih tum na lo awm tawh leh, Pathian hnena tawngtaina vawi tamtak neih anih tawh hnu ah, Bhutan rama rawngbawlna bultan anih theih nan, Field hawng turin, Col Lalngaihawmi Territorial Commander leh a team-te chu January ni 2, 2013 (Nilaini) khan Aizawl chhuahsanin Bhutan ram an pan a ni. Bhutan rama rawngbawlna bultan tur hian 2012 hma lam mah atang tawh khan indawrna alo awm tawha, tuna bultan pui tura mi leh sa kan lakluh thar turte hi Kristian lo ni tawhsa an ni a, Kohhhran anga lo ding tawhin, ual-au vak silovin, nghet tak siin hun reife anlo awm tawha, Bhutan ramah hian Kristianna hi a chep lutuk lemlo na a, India ram te ai chuan an zalen lemlo a ni. Member 150 vel chauh Independent kohhran a din ai chuan, zau zawka chanchintha hril theihna anih beiseiin Sipai pawl an rawn dawr tawha, Thurin te leh Sipai pawl inkaihhruaina ber Order and Regulation te ulak taka an zir hnu-ah, anmahni rorelna khawlah ulak taka ngaihtuahna an neih hnu-in, Salvation Army-a luh an duh thu tawngka in THQ-ah an thlena, thutlukna an neihte chu ziakin THQ a thlen tura thurawn an nih hnuah, Salvation Army a lut turin thurin leh dan tepawh an pawm ani tih tarlangin ziakin an thehlut ta a, tichuan Bhutan rama rawngbawlna bultan ngei hi Territorial Council pawhin tha a ti a, Territorial Commander hovin he hna bultan tur hian an fehchhuak ta a ni.Member tharte hi January ni 5, 2013 (Inrinni) ah lakluh an ni anga, hmun khata kohkhawm an remchang talo anih chuan naktuk January n i6, 2013 (Pathianni) ah athen chu an lawmlut dawn a ni.
OFFICERS’ COUNCIL NEI DAWN
January ni 9 & 10, 2013 hian India Eastern Territory huam chhunga Officer zawng zawng hhuap Officers meeting chu Booth Conference Hall, THQ Aizawl-ah buatsaih a ni, he hun hmang tur hian THQ chuan India Eastern Territory chhunga Officerte chu tel theuh turin hriattirna a chhuaha, amaherawhchu, Officer nu, nausen pawm erawhchu ngaihhnathiam an ni dawn a ni.
RETIRE DAWN
Major Biaksailovi w/o Major Hrangngura chu 4th January 2013 (Zirtawpni) khan Salvation Army Officer atanga alo Retire dawn tak avangin Booth Conference Hall-a hemi puala inkhawm buatsaih-ah Retirement Certificate hi hlan ani ta a ni. Major Biaksailovi hi “GOD SOLDIER SESSION” ah telin, Kum 1979-ah Training College-ah lutin, kum 1981 January ni 11 –ah Officer atan nemngheh an ni.
RETIRE DAWN
Kumin chu Officer Senior-thenkhat te chawlh alo hun tak avangin an chawlh then nual dawn a ni. Kumbul Ni 04.01.2013 (Zirtawpni) khan Major Biaksailovi a lo chawl ta a, Ni 17.02.2013 (Pathianni) lo awm turah khian Lt.Col.Khaizadinga, Secretary for Programme Adm leh a nupui, Lt.Col. Ramthanmawii te chu an chawl dawn bawk a ni. Tin, Ni 03.03.2013 (Pathianni) ah Major Lianthanga Secretary, Outreach and Mission leh a nupui Major Lalringliani tepawh an chawl ang.
ROPUINA AH KAISANG
LALRINSANGI - Laipuitlang Corps: Pu Lalkrosthanga & Pi Krosthangi te fanu hi kum 17 mi chauh ani na a, YP lam rawngbawlna leh thalai lam rawngbawlnaah te a tangkai em em a, Corps Cadet a zo tawh na a, Corps Cadet thiltihnaah ala bang ngailo. Krismas ni-ah khan Isua pian chanchin Drama te changing naupang ho a hruaikhawma, Krismas boruak nuam leh hlimawm tak a buatsaiha, Corps in an hlimpui hle a ni; zanah a thiannu nen an Inah an riak duna, nidangah pawh a zanmu hi a hnar bar bar thina, mas zan pawh hian a hnar leha, anu pawhin ava ena, reilote ah apangngai leh maia, mahse khua alo var chuan tho tur a awm talo;amut hlanin Lalpan ahnenah alo hruai daih alo ni reng mai.
C.T VANLALPEKA - Zemabawk Corps: Pu CT Chawngthuama CVS leh Pi Lalpianruali (Tei)te fapa hi naupang thatak ani a, Corps Cadet ani a, rawngbawlna eng chi ah pawh a tih theih zawng anih phawt chuan atuina a ni vek mai, Biakin a ngaina em em a, a hun awl chu Biakinah a hmang tamber thin; thu ziak lam thlengin Corps chhunga chanchinbu-ah te kut hnu alo nei fo thina, kum 2012 December Naupang Sipai-ah pawh khan, article tha taka lo ziaka, “Isua nen Krismas” tih chu puitling kutchhuak ang mai in alo ziaka, tin, Salvation Army Officer atana anunna hlan tawh ani bawka, tunah Pawl 12 Exam hmabak ani a, kum 17 mi chauh ani na a, hun puma rawngbawl tur hian a inpeih hle tawh a ni. Ani pawh hi athiante nen, Biakin hnuai Chokider Inah, Chokider ngenna ngai pawimawhin an riaka, a zan mut hlan bawkin Lalpan ahnenah chatuana chawl hlen turin alo hruai ta a ni. Pathianin a duhsak bikte hi hetiang hian a hruai fo tawh thin niin alanga, ala damte tan a hril hai thlak hle na a, an ni chuan nuam an ti hle ang le.
HUNPUI PAHNIH LAWMNA A TIAK TA
Kum 2012 Krismas lawman leh Kum 2013 kumthar lawman hunpui pahnih chu alo tiak ta a, tunah chuan mitin te mahni hna hmabak theuh thawk turin an inbuatsaih leh ta, heng hunpui pahnih hman chhung hian atlangpui thu ah buaina leh harsatna a awmlo a, Coprs thenkatah erawh chuan thihna te a thlen avangin Programme angin hun an hmang theilo. A tlangpui thu-ah inkhawm leh zaikhawm a tha hle a, veng tin maiah Sipai pawl zaikhawm atha asawi a ni a, ruai an theh theia, ni hnih theh pawh Corps tamtak an awm.
OFFICER TRANSFER
Officer thenkhat awmhmun sawn an awma, kumthar chawlhkar hmasa lamah hian an awmna Corps ah thlahna buatsaih ani dawna, adawt leh chawlhkar-ah chuan an hmun thar turah lawman inkhawmte neih ani leh tawh dawn a ni. Officer transfer hi thil thar a nilova, Officer ho hian an hmang thiam hle nghe nghe a ni.
update As on 15th December, 2013
ROPUINA RAMAH GENERAL JOHN GOWANS
Khawvel puma Salvation Army hruaitu nihna lo chelh tawh, General John Gowans chuan Ni 08.12.2012 (Inrinni) khan ropuinaah min lo kaisan san ta. United Kingdom mi John Gowans hi 1955 ah Salvation Army Officer ah a lut a, British Territory-ah Corps Officer niin rawngbawlna hun a hmang phawt a, chumi hnu ah Divisional Youth Secretary ah kalin, Divisional Commander-ah ruat a ni leh a. Tin, National Stewardship Secretary leh Chief Secretary hna te a chelh hnu ah, Franca leh Australia-ah te Territorial Commander a chelh leh a ni. Pathian thlarau hruaina tak taka rawngbawl thin a ni a, hla sak chi leh chham chite a phuah a, 1999 – 2002 chhung atan khawvel puma Salvation Army hruaitu lu ber atan High Council chuan a thlang ta a, chuta tang chuan dan angin kum 2002 khan a lo chawl (Retired) ta a ni. Khawvel ram tam tak in an ngai ropui hle a, Freedom of the City of London pek a ni a, Rep of Korea chuan Hon D.Litt a pe bawk a ni.
RINGTHAR 4 LAWMLUT
December Pathianni hmasa ber (Ni 02.12.2012) khan Arunachal Pradesh-a kan thawktute nupa Aux.Capt.Danial Mandal leh a nupui Aux.Capt. Sabina Smith-te chuan ringthar 2 ve ve an lawm lut a. Aux.Capt.Sabina hian anmahni thuthmun Pangin khuaah a lawm lut a, Aux.Capt Danial Mandal hian an bial Tarak ah ringthar 2 a lawmlut bawk a ni. Arunachal hi Himalaya Division huamchhung ami, Kristian tam tak awm ve tawhna nimahse, an dinhmun chu ala sang vak lova, a ram mipui za zelah sawm vel lai chu Kristian an ni ve tawh a, a thimlai erawh chu ala thim chhah hle. Kan CO te nupa in ringthar an lawmluh hnu chiah hian, sakhaw thil chhuanlamin mi pakhatin zanlaiah a bei chiam a, an kawngkhar leh an veranda bangte sat chhia in, Krismas cheina Arsi te a tichhia a, anmahni chuan kut an tuar ta lo a, mahse Pathianin a awmpui zel ang a, hnehna pawh a pe zel ang, Pangin bialah hian.kumin ah ringthar 40 an nei a ni.
PI R.LALSANGPUII A CHAWL TA
Modern English Higher Secondary School, Middle Section lama Headmistress Pi R.Lalsangpuii chuan, Ni 07.12.2012 (Zirtawpni) khan a hna a chawlhsan ta. Amah thlahna hi THQ Booth Conference Centre, Tuikual South-ah School in a buatsaih a, THQ hruaitute leh School Staff-te bakah naupang ten hun an hmang a ni. Pi R.Lalsangpuii hi kum 1978 atangin Modern School-ah hian a thawk tan a, hlawh lam thu ngaihtuah hauh lova, Pathian leh mahni mihring puite tana theih tawp chhuaha hnathawk thin a ni. A thiamna leh theihna zawng zawng hmangin, hmangaihna nen he School ah hian a thawk a, chutiang taka kum 34 lai hun a lo hman hnu ah Pension alo hun tak avangin min lo chawlhsan ta a ni. Hetiang mi thahnemngai leh thinlung leh tihtak zeta rawngbawl thin mite avang hian he School pawh hi dinhmun thatakah hlan kai a ni a, mi thiam leh hlawhtling tam tak chher chhuah an lo ni tawh a ni. Pi R.Lalsangpuii hi Hermon Corps, Central North Division-ah Home League Secretary chelh lai a ni.
WATER TANK HAWNG
Col.Lalngaihawmi Territorial Commander chuan, United Kingdom Territory sipaite thawhpuina hmanga siam, N.Serzawl khuaa Water Tank chu vawiin Ni 15.12.2012 (Inrinni) khan a hawng a, Dar 1:00 PM ah a hawnna hu hi Serzawl khuaah buatsaih a ni. Hun engemaw chen atang khan hemi atan hian inbuatsaihna a lo awm tawh a, anmahni bialtu Major R.Lalbiakliana Area Officer-in lungphumte phumin bul an lo tan tawh a, TC hian hawnna hun hmangin Pathian hnenah a hlan a ni. Serzawl khua hi Water Supply la awmlohna anih avangin ruahtui vantla dahkhawl hi tui thianghlim in tur an hmuh theihna anih dawn avangin, mi zawng zawngin chhawr theilo mahse, mi tamtak tan a tangkai hle dawn a ni.
KRISMAS PARADE
Kumin chu kumdanga la awm ngailo Krismas Parade nei turin kan inbuatsaih mek a ni tih hi ilo hrethar leh teh ang. Remruatna fel tak leh tha tak nei turin Organising Committee-te dinin an inbuatsaih mek a ni. Ni 21.12.2012 (Zirtawpni) chu Aizawl khawpui ah Christmas Programme thil ropui leh danglam tak a thleng dawn a ni. Hemi atana inbuatsaihna kalmek bakah hian mitinin tawngtaina hmanghin Pathian hnenah ilo thlen teh ang u.
RED KETTLE SERVICE
Hei pawh hi Christmas ti ropuitu leh ‘ti Christmas-tu’ a ni leh ta. Kum thum chhung vel chu Krismas vuakvet ah Aizawl khawpui leh khawpui hrang hrangah hman alo ni tawh thin a, kuminah pawh hian kalpui anih leh dawn avangin Band nei Corps phei chu an inbuatsaih nasa leh ta hle. THQ Staff-ten bul an tum dawn a, hmun pawimawhte enkualin, a mamawhna anga thil kalpui thei turin Permission te pawh an la fel tawh a ni. RED KETTLE SERVICE-ah hian mi tam takin rethei chanhai, Krismas laia thil thar leh eitur nei zo velo te tana thil an pek theihna hun siam a ni thin a, nei em em a rin lem lohte hian rin aia thahnem an pe fo mai. Kumin hian Red Kettle Service hmang a sum hmuhchhuah atangin Aizawl khawpui chhunga chhungkaw 500 hnenah thilpek hlan a ni ang.
As on 24 November, 2012
CENSUS NEI MEK
Tunlai hian Division tinah Annual Census an nei mek a, an buai thin hle mai, inchhiarna hi diktaka kalpui tur a ni a, kan member neih zat kan hriatchian chuan kan chakna kan hria tihna tluk a ni a, kohhran hruaitu mahni member neih zat hrelo chuan a kohhran chakna a hrelo tihna a ni thei ang. Kohhran member zat chauh nilovin, kan memberte hian enge an tih theih ti teh, enge an thil duhzawng tih leh engti zawng leh eng hmanraw hmanga kaihhruai tur nge an nih tih pawh hriat a pawimawh khawp ang le.
BRU HO PUAL TAN KHAWMPUI BUATSAIH
November thla Pathianni tawp ber (25/11/2012) denchhen hian, Central North Division huamchhunga Tripura State chhung TUICHONDO khuaah, Bru-ho pualin khawmpui buatsaih a ni. Bialtu Commanding Officer Capt.K.Rohlupuia hnena tanga thu dawn danin, palai 200 vel kal tura beisei an ni a, he khawmpui ah hian Col.Lalngaihawmi TC pawh sawm anih angin a kal a, DHQ lam atangin DDWM hovin hun an hmanpui ang a, hetih rual hian Free Medical Clinic pawh buatsaih tum ani a, Dr Lalduhawma Kanan Corps chuan he hun hi a hmanpui dawn a, hetianga Doctor Pathian tana inpe kan nei hi a lawmawm hle a ni. TC hian Agartala ramthar rawngbawlna hmun a tlawh nghal dawn a, DHQ Official te leh THQ staff-ten an tawiawm ang.
MEMBER THAR REPORT A NI
Territorial Council vawi 6-na ah khan, a hmaa report an lo hmuh tawh angin Territorial Headquarters chuan kum 2012 chhunga Salvation Army rawngbawlna rawn zawm tharte report a pe a, hriat theih chinah chuan kum 2012 chhung hian member thar 1231 an awm ni a hriat a ni. Report atanga a lan danin 2012 kuma member pun tamna ber chu Central North Division atangin a ni a, anni hian ringthar 303 an nei a, member thar dang 752 ten an neih belh bawk a, an vaiin 1055 an ni a, heng mite hi Sipai Thuthlungte chhiar a, zir zova, sipai puitlinga lawmluh an ni tawh a, tunah hian Division tinin kumtina an tihdan pangngai angin, chhiarpui an nei mek a, kum tawpah report chu a hriat theih dawn a ni.
MIKHUAL NEI CHHUNZAWM ZEL
Community Health Action Network (CHAN) rawngbawlna chuan tlawhtu an nei chho zel a, tunah hian India Western Territory atangin tlawhtu an nei leh ta. Anni ho pawh hi HIV/AIDS chungchanga lokal an ni a, Team member 6 an ni. India Western Territory-ah hian Corps 278 an awm a, Officer thawklai 589 an awm bawk. Tin, Division 14 leh District 1 a awm bawk a, member 52301 nei a record an ni bawk a, tuna an rawn kalna chhan Care Programme pawh hi tha takin an kalpui bawk. THQ hnuaiah THQ behchhanin, Community based Aids Programme, Confidential Aids Counselling Clinic te, Children Programme te leh Tailoring Programme te an nei bawk a ni.
CAMBODIA AH SALVATION ARMY
General Linda Bond chuan Salvation Army rawngbawlna chu Kingdom of Cambodia ah Ni 22.11.2012 (Ningani) atang khan tan anih thu a puang. Cambodia a Salvation Army rawngbawlna tan anih hian khawvel ram hrang hrang ram 126 ah Salvation Army chuan rawng a bawl ta a ni.
Cambodia a Salvation Army in rawng a bawl theih dan tur hi International Headquarters, London ah kum 2008 atang daih tawh khan ngaihtuah a ni tawh a, hemi tum hian Korea Territory chuan a ram en thlithlaina (Mission Outreach) neih an tum thu an sawi nghal a, kum 2009 khan mi tlemte in rawngbawlna lian tham lo te chu an lo tan tawh a ni. Hemi tuma kal zing ami YPMS Kim Hong-Soo chu Korea a an haw hnu atanga hun rei vaklo ah Cambodia ah hian kal lehin Phnom Penh hmuna University zirlai te hnenah rawngbawlna neiin an ni ho nen hian rawngbawlna an lo kalpui tawh bawk a ni.
Korea Territory a Seoul Division chhunga Corps pakhat Hyun Corps in an Corps kum 95 tlin lawmna an neih tumin Rawngbawlna Hmathlirna hun neih a ni a, hemi tum a an thurel pakhatah chuan Cambodia a Corps din an tum a ni.
Rawngbawlna liam tham vak lo kalpui a nih hnu ah thil chi hrang hrang buaipui a ni a, harsatna hrang hrang te pawh tawk mahse a tawpah Kingdom of Cambodia ah chuan Salvation Army te chuan hnathawh phalna an hlawh chhuak ta a ni.
Cambodia a Salvation Army rawngbawlna puanna ni ah hian Commissioners Park, Man-hee lehKim, Keum-nyeo (Territorial leaders, Korea Territory) te chuan inkhawm hruaina Phnom Penh hmunah Ni 22.12.2012 (Ningani) khan an nei a ni. Korea Territory atangin Salvation Army Officers 45 laiin an tawiawm a, Sipai thahnem tak an kalkhawm bawk a ni. He rawngbawlna hmun thar a awm tur hian Captain Shin, Jin-kyun leh Captain Lim, Hyang te chu ruat an ni nghal a ni.
He Inkhawm pawimawh tak hi ram hruaitu thenkhat te pawhin an tel pui a, chung zingah chuan Republic of Korea’s Ambassador to the Kingdom of Cambodia te pawh telin, Cambodia rama kohhran hrang hrang hruaitu leh mi challang tak tak te an tel nual a ni.
As on 17 November, 2012
THISEN PE
Facebook a The Salvation Army - Mizoram Group te chuan vawiin Ni 17.11.2012 (Inrinni) hi an group din champha kum 2-na lawmna atan mi dangte tana thiltha ti a, luanchhuah nan Aizawl Civil Hospital-a damlo thisen mamawhte tan thisen an pe a, group member leh sipai thahnem tak he thisen pekna ah hian an kal khawm a ni. Tin, he kum 2-na an tlin lawmna ni pah fawm hian Salvation Army ten kan enkawl Home te pualin Charity Concert hun remchang hmasa berah neih tum a ni bawk.
YOUTH LEADERSHIP & FINANCE SEMINAR
Finance & Youth Department tangkawp chuan thalai hruaitute tan Leadership & Finance Seminar Lungleiah a buatsaih a, hei hi Lunglei khawpui leh a chhehvel C.O Bial hrang hranga thalai hruaitute puala buatsaih a ni. Seminar hi nikhat (Ni 16.11.2012) chhung atan a ni a, hemi ni hian Seminar hi nilengin neih a ni. Territorial Headquarters atangin Maj. Vanlalfela, TYS leh Capt.Ramdinthari Varte, Financial Secretary te chuan he Seminarah hian thil tul te zirtirna an nei a, Lunglei atangin Divisional Youth Secretary leh DSAY hruaitute chuan an tawiawm bawk a ni.
CHAN RAWNGBAWLNA TLAWH
India Eastern Territory a Chhandamna Sipai Pawl rawngbawlna peng pakhat, Community Health Action Network (CHAN) hi khawvel hmun hrang hrang atang hriat a hlawh ta hle a, tunhnaiah mai pawh hian pawl hrang hrangten ram hrang hrang atangin an rawn tlawh thin a ni. Ni 12th - 16th November 2012 khan Bangladesh atangin HIV/AIDS chungchang zir turin member panga (5) awmna Group te chuan an rawn tlawh a. Tin, hetih lai tho hian India National Secretariat, Kolkata atangin Maj. Rajpaul, Health, Social and Emergency Secretary pawhin HIV/AIDS chungchangah a rawn tlawh bawk a, chawlhkar lo awm leh tur November thla chhung bawk hian India Western Territory atangin member paruk (6) awmna Team dangin CHAN hi an rawn tlawh leh ang.
MUSIC SCHOOL EXAM DAWN
The Salvation Army William Booth School of Music chuan Exam a hmachhawn leh dawn ta. Exam rawn ho tur hian Mr. Lyndon Hilling, Royal School of Music, London atangin a lo kal dawn a, naktuk Ni 18.11.2012 (Pathianni) hian lo thleng tura beisei a ni. William Booth School of Music leh Royal School of Music, London hi atir atangin School pakhat anga inzawm anih avangin exam apiangin anni hi a hmunah lo kalin exam hi an rawn ho thin a, pakhat lokal nawn lovin, Exam apiang hian mi hran hlir an lo rawn intir thin a, hei hi Exam an uluk zia leh dik tura kalpui an tumzia a lantir a ni.
Music lama tui leh tha taka thiamna nei duh chuan Session thar ah luh tum a tha a, Corps thenkhatin an thalaite a rualin an zirtir thin a, mimala zir aiin Corps rawngbawlna lamah a tangkai zawkin a rinawm.
MEN’S FELLOWSHIP RALLY
India Eastern Territory-a thil la awm ngai lo, MEN’S FELLOWSHIP RALLY chu Central South Division chuan Champhaiah an nei. Men’s Fellowship hi kan Territory ah hian a dinna ala rei lova, chuvang chuan Corps tam berah ala ding lova, tunah hian bultan lai anih avangin a dinna ah pawh hian member tam thamlo tak tak an lo ni hlawm a ni. Tuna Central South Division huap Rally avang hian member tam zawk an pun beisei a ni a, Division dangte pawhin Rally hi an kalpui ve thuai rin a ni bawk a ni. Khawvel hmun tam takah Men’s Fellowship hi din a ni a, kan ramah hian kan hmelhriat thar ni mahse Kaihhruaina (Guidelines) fel tak nei sa a din anih avangin a tir atangin rual takin kalpui theih a ni nghal dawn a ni.
MUSIC & BAND MINISTRY SUNDAY
Salvation Army ah hian ni pawimawh tam tak kan nei a, heng ni pawimawh tam tak kan nei a, heng ni pawimawhte avang hian rawngbawlna tha leh hlawhtling tam tak nei nei thin bawk. Naktuk Ni 18.11.2012 (Pathianni) hi Music & Band Ministry Sunday a ni a, Corps tinin Band leh rimawi dang te hmanga rawngbawlna hlawkzia hre thar leh ila, tun aia tangkai zawka hman dan te pawh i ngaihtuah thar zel ang u.“Tawtawrawt riin Amah chu fak ula, Perkhuang leh tingtangin Amah chu fak rawh u” tih te hi hre reng ila, kan Pathian hian Ama siam ngei rimawi hmanga fak leh chawimawi a phu zia hi hre nawn fo ang u.
As on 11 November, 2012
BIAK IN THAR HAWNG
Serchhip Corps Central South Division Biakin sak thar chu ni naktuk Ni 11.11.2012 (Pathianni) hian Pathian hnenah hlanin, Colonel Lalngaihawmi Territorial Commander-in a hawng dawn a, Biak In sakna atan hian IHQ (International Headquarters) in an thawhpui a, senso tam ber erawh chu anmahni sipaiho tangrualin an thawhchhuah a ni a, Biak In sakna tan hian an thawkrim hle a, thatak leh mawitakin an sa thei a ni. Kum 2009 May thla ah Central South Division hi alo piang a, hemi chhung hian Corps 10 te chuan Biakin puitling an sa zo tawh a, C.O. Quarters leh YP Hall 14 sak zawh ani tawh bawk a, kumin 2012 chhung hian Biakin thar leh YP Hall thar hawn hmabak an la nei nual bawk. Biakin hawn Programme bakah TC hian Central South Division Serchhip Area-ah Corps thenkhat a tlawh nghal bawk a, TC tlawhna hi sipaite tan malsawmna duhawm tak a ni thin a ni.
OPERATION NUNNA TUIKHUR
“Operation Nunna Tuikhur” beihpui thlak chu tluang taka kalpui a ni a, riahbuk a hul that loh avangin ruahsur zan apiangin an mu theilo thin a, chutah pawh chuan anmahni lam chu an hlim hle zel e. Ni 07.11.2012 (Nilaini) khan Sub Committee hote nen rawngbawlna kal mek chungchang thu thlir hona hun an hmang a, rawngbawlna dang angin hlawhtlinna hmel hmuh mai theih anih loh dante, anmahni rawn beltu Councelling an lo pek dante leh mipuite Pathian thu a an tuihal chungchangte pawh rawngbawltute hnen atangin report an pe a, tun atan chuan Pathianni lo thleng tur ni 11.11.2012 thleng la chhunzawm rih phawt nise an ti a, he rawngbawlna chhunzawmna atan hian a thawh hnihna ah chuan Camping buatsaih theih anih an beisei a ni. An tan i tawngtai chhunzawm zel ang u.
PATHIAN CHAWIMAWI
Temple Corps chuan ni 4.11.2012 (Inrinni) kha Pathian chawimawina ni atan an hmang a. Hemi ni hian thusawitu bik pawh awm lovin, Pathian thlarauvin a pawl tharna dawng apiangin, hun tawite chhunga puanchhuahna hun an hmang a, a bak chu hlim taka zaikhawmna a ni a, nilenga lamna ni a ni ber. Zanriah an kil hova, an zanriah atan hian Pu K.S.Thanga, Pu F.Kapsanga CT, Pu Lalngilneia, PFS ten Rs 20,000.00 (singhnih) theuh an thawh a ni. Pathian chawimawina ni bik hi a hlimawmin Pathian thlarau pawlna mi tamtakin an dawng a, an khamlo hle. Hetih lai hian Pu KS Thanga chuan, “ Pathian khawngaihna azarah Sawrkarin hlawh min pe a, ka lawm em em a, chuvang chuan Kohhran kaltlanga Pathian hnena hlan ve hi ka duh a, ni 04.11.2012 (Pathianni) a Corps in Pathian chawimawina ni hmannawn leh hi a tha ka ti a, Council in min lo remtih sak bawk a, Pathianni a Pathian chawimawina atana senso chu Pathian hmingin ka lo tum ve ang” a ti a. Tichuan Pathianni nilengin Pathian chawimawi a hla sa leh lamin, Pathian thlarau pawl tharna an chante puangchhuakin hun an hmang a, tlaiah zanriah tuihnai tak an buatsaih chu hlim takin an kilho leh ta bawk a ni.
U.K TERRITORY ATANGIN LO ZIN
Mrs. Samantha Godec, Programme Advisor on Anti-Human Trafficking and Gender based Violence, UK Territory leh Ms.Ruth Samuels Project Assistant, UK Territory-te chuan India Eastern Territory an rawn tlawh a, November ni 2 (Zirtawpni) khan Territory chhunga Siliguri leh Darjeeling Area hmun thenkhat an tlawh hnu ah, ni 7.11.2012 khan Aizawl lo thlengin, Protective home te, CID (crime) te leh Police Station lamte tlawh kualin, hotu hrang hrangte an titi pui a, Anti Human Trafficking chungchanga hnathawh leh hmalakna kawnga an dinhmunte an rawn en a ni. Naktuk Ni 11.11.2012 (Pathianni) hian an hna chhunzawm zel turin Kathmandu (Nepal) an pan leh ang.
TERRITORIAL COUNCIL KOHNA
Territorial Council vawi 6-na chu ni 12 & 14 November 2012 hian Booth Conference Hall THQ Temple Square, Aizawl ah koh a ni. Council member 105 an ni a, a tlangpui thu ah mi 90 vel an kal thin a, kal kim chiah a awm thei meuhlo; hei hi kum 2012 atan Council hnuhnung tura ngaih a ni. Council ah hian thu hlawm lian pali ngaihtuah a ni ang:
1. Sum lam khawih
2. Inrelbawlna lam chungchang
3. Rawngbawlna lam
4. Property lam thil.
Heng thu hlawm pali te hnuaiah hian ngaihtuah tur then hran 20 lai siam a ni a, chuvang chuan Council hian ni hnih a awh dawn a ni.
As on 4 November, 2012
CANDIDATE CONTACT PERIOD
India Eastern Territory -a Officer training tura diltu Candidate hote puala hun buatsaih, Contact Period ni hnih awh tur (30 – 31.10.2012) a buatsaih chu tluang takin zawhfel a ni ta. Contact Period hi Training College-a luh hma in vawithum an nei thin a, tun tum amite hi Group 2-na an ni a, member 22 an ni. Officer Training College-a lut tura inbuatsaihna hun pawimawh tak a ni a, Training College-a an luh hun atana thil pawimawh chi hrang hrang te hriattir an ni thin a ni.
MUANNA IN NAUPANGTE HUN HMANPUI
Mualpuikawn Corps Y.P.Corps chuan November ni 3, 2012 (Inrinni) khan intihhlimna hun an buatsaih a, anmahni chauhva hmang lovin, an bula Salvation Army enkawl naupang enkawlna In (Muanna In) a naupangte hruaiin hun an hmanpui a, hun hlimawm leh hlawk tak an nei a ni. Naupangte hi Mualpuikawn Local Officer ten an tawiawm a, tin, Muanna In Incharge Officer Major Reuben Lalnuntharan a hmanpui bawk a, Bus 2 leh lirthei chihrang hrang nen hlim takin Mosia Pinic Spot, Sihhmui ah hun an hmang a ni.
THQ BUATSAIH FINANCE SEMINAR
THQ Finance Department leh National Office tangkawpin an buatsaih Finance Seminar chu Synod Conference Hall-ah Ni 03.11.2012 (Inrinni zan) atangin tan a ni. Hemi atan hian Institution, Division leh Corps-a thawktu Officer leh Employees mi 28 koh khawm an ni a, he hun hmanpui tur hian National Office, Kolkatta atangin Lt.Colonel Davidson Varghese leh a nupui an rawn kal bawk a, he seminar atana senso, sum leh pai pawh engemaw zat an rawn tum bawk a ni. Seminar hlawk tak an neih theihna turin sipai te tawngtaipuina an ngen a ni.
OPERATION NUNNA TUIKHUR TC IN HAWNG
Territorial Evangelical Ministry in ruahmanna a lo neih tawh bawhzui tura an ruat Sub-Committee hote hmalakna kal zel avangin November ni 1, 2012 6:30PM khan, Rangvamuala beihpui thlakna Programme bul tan theih alo ni ta a, beihrual hming atan “OPERATION NUNNA TUIKHUR” tih a ni. Colonel Lalngaihawmi TC in Pathian hnenah hlanin a hawng a, THQ staff te leh Tuikual Corps sipaite leh Central North DC te nupa ten an tawiawm a, hun hlimawm tak hmangin bul an tan a ni. Rangvamualah hian Nunna tui ni silo, tui in theih, miten an in fo thin, an nun pui si loh, an buaipui leh an thihpui hial thin tui a awm ni a hriat a ni a, chuvangin a duh apiangin khawvel suma lei ngailo, a thlawna an in tur Chatuana nun theihna tuikhur hi hawn a ni ta a ni. Territorial Evangelical Ministry (TEM) Speaker ‘EBENEZER TEAM’ C.Lalnunmawia Tuikual Corps leh a thawhpui mi 11 in an riahchilh. Mimal, Corps leh CO bial thahnemngaiten sum an thawh a, chumi hmang chuan rawngbawlna hi kalpui a ni rih a ni. Mitinin an tan tawngtaina nei thin ila, A HMUN NGEIA TAWNGTAI THEI KAN AWM CHUAN A LAWMAWM LEHZUAL ANG.
YWCA KOREA HOVIN AN HAW DAWN TA
Himalayan Division Guwahati hmuna Salvation Army rawngbawlna pawimawh tak pakhat Non-formal School, Major Lalthlamuani enkawl chu October ni 8, 2012 atang khan Young Women Christian Association (YWCA) Korea atanga lo zin member 6 ten chawlhkar tin ni 4 chhung zel zirtirna pe in, thil chi hrang hrang tangkai tak tak te zirtirna pe in an thla khat chhung an tanpui ta a. November ni 2, 2012 khan chaw chhun (lunch) an ei pui a, thilpek hlu tak tak tam tham tak pe in an tin san ta. YWCA ho thilpek hi naupang lawm zawng – T-shirt, Tiffin Box, School Bag, Exercise Book, Pencil, Pencil Box, Colour Box te a ni. He School hi School dang ang a ni lova, mi rethei fa, School pangngaia kal ve phaklo an ni. Chungte anih avang chuan naupang nghet leh regular bik neih pawh thil tih harsa tak a ni a, naupang tlemte chauh enkawl tura ruahman a ni a, mahse tunah hian ruahmanna aia tam an nei a, hmasawnna tamtak an neih avangin milian leh pawl pawimawh tak takin an tlawh tawh a, mi hriat an hlawh ta hle a ni.
Visitor chi 4 an nei dawn bawk : Major Lalthlamuani rawngbawlna hi tun hnaiah pawl 4 in an tlawh dawn a, dt.5.11.2012 ah Ebenezer Corps Home League, dt.6.11.2012 ah Dinthar Corps Home League, dt.13.11.2012 ah Diakkawn Corps Missionary Board, dt.16.11.2012 ah Aizawl Temple Corps SAY ten an tlawh bawk ang. An tlawh turte leh tlawhtute tan hlawkna leh malsawmna anih ngei beisei ila.
As on 27 October, 2012
SAIKAR (TRIPURA) AH BIAKIN THAR A DING
Kumin kumbul lama Kristian a lut thar Saikar, Tripura khua amite chuan Biak In an mamawh avangin Pu John Lalmalsawma, Chawnpui Corps te chhungkua chuan Biak In an sak sak a, naktuk Ni 28.10.2012 (Pathianni) hian hawnna leh Pathian hnena hlanna hun hman a ni ang a, anmahni bialtu Behliangchhip Corps CO leh Outreach Mission Board member-te an kal ang. Tin, Aizawl atanga tawiawm tur mi pahnih khat an tel ve bawk dawn a ni. Saikar khua hi Jampui tlang thlang lama awm a ni a, a khua hi lirthei thlen theihlohna anih avangin ke in engemawchen kal a ngai a ni.
RANGVAMUAL AH BEIHPUI NEI HNAI TA
Territorial Evangelical Ministry in Aizawl City chhunga beihpui thlakna tur hmun atana hmun pawimawh bera an ngaih Rangvamuala beihpui thlak dan tur chungchanga Sub-Committee chuan tunkar Ni 25.10.2012 (Ningani) khan meeting pawimawh an nei a, hemi atana mihring leh sum mamawh turte a hun rei zawng turte leh, hnathawh dan tur ruahmanna an nei.
Ni 01.11.2012 (Ningani) atangin rawngbawlna bultan a ni ang a, chawlhkar khat chhung hun an hmang phawt ang. TEM Speaker Evan C.Lalnunmawia, Tuikual Corps leh a thawhpui (Ebenezer Team) te chu rawngbawltu tur an ni ang. Tin, Ni 27.10.2012 (Inrinni) ah a hmunhma buatsaih turin Temple Corps SAY an hnatlang ang a, Ni 29.10.2012 (Thawhtanni) ah Tuikual Corps in an chhunzawm leh ang. Rawngbawltute hian a hmunah an riahchilh ang a, Pathian thusawina hun an nei thin ang. Tin, kawtlaiah te leh mi Inah te kalin rawngbawlna an nei bawk ang. Sipai tin te he rawngbawlna atan hian nasa takin i tawngtai ang u.
ADMINISTRATIVE TRAINING NEI
Ni 18-19 October, 2012 khan Central North Division Local Officer-te chuan Administrative Training an nei a, hmun hnih ah inthenin, Ni 18.10.2012 (Ningani) khan Bazar Corps ah hun hmangin, Ni 19.10.2012 (Zirtawpni) khan Chaltlang Corps-ah hun an hmang a, ni hnih chhung hian hlawk takin hun an hmang a ni.
SAY GENERAL COUNCIL NEI
Central North Division Salvatuion Army Youth (SAY) chuan Ni 27-28 October, 2012 chhung hian Division SAY General Council Zemabawk Corps neih a ni dawn a, kumin chhunga rawngbawlna kal mek thlirletna leh kumthar lam rawngbawl dantur ruahmanna te an nei ang. Kan Corps atang pawhin Pu Robert V.L Thlamuana, Leader leh Dr.K.Lalhruaitluanga, Secretary te chu he Council ah hian an kal dawn a ni.
DIVISION COUNCIL & SOLDIERS RALLY
Central South Division chuan Division huap Programme pawimawh tak tak pahnih an nei a, hengte hi hlawhtling taka hmang zovin, Ni 21.10.2012 (Pathianni) zan Chhandamna Inkhawm khan a tiak ta a ni.
As on 20 October, 2012
C.O.I.L
Ni 8th – 12th October 2012 chhung khan Territorial Commander leh Chief Secretary India rama Territory paruk ami te National Secretary te, International Secretary hovin Coonoor, Nilgiri Hills, Tamilnadu State-ah Conference of Indian Leaders pawimawh tak an nei a, hetah hian kan TC leh CS te pawh an tel mek a ni. Ni 15.10.2012 (Thawhtanni) khan dam takin Aizawl an lo let leh a ni.
SPECIAL VISITOR
Territorial Headquarters rawn tlawh a Salvation Army rawngbawl dante leh a nihphungte rawn zir chiang turin Bhutan atangin Pastor C.M. James Chowan chu Major V.Thangzamanga nen an lo thleng a. Pastor James hi Paro khawpuia awm a ni a, Sipai Pawlah awm duhin vawi eng emaw zat Major nen hian an inbe tawh a, Chief Secretary sawmna angin Aizawl THQ an lo thleng hi kan lawm em em a ni. Ni 13.10.2012 (Inrinni) zan khan Khatla Corps-ah inkhawm in, Pathianni Thianghlimna Inkhawm chu Ebenezer Corps-ah a inkhawm a, Chhandamna Inkhawm chu Aizawl Temple-ah hun a hmang bawk a ni.
LEAGUE OF MERCY RALLY
India Airline cancelled avangin Major Thanzuali LOM Rally Manipur Eastern Division-a neih pui tur chu a lo kir leh a, a pawi hle mai. LOM Rally erawh an hmang tho dawn a, Major Lalbiaktluangi DDWM hovin Thingkangphai Corps-ah ni 13th October 2012 (Inrinni) khan an hmang a ni.
YMCA IN TANPUI
YWCA Korea aiawha a rawn kal mi 6 te chuan Ni 08.10.2012 (Thawntanni) atanga khan tanin Ni 31.10.2012 (Nilaini) thleng Guwahati a Maj.Lalthlamuani rawngbawlna peng pakhat Non-Formal School chu tlawhin an hnathawhnaah te an pui dawn a. Thawhtanni atanga Ningani thleng naupang nitin chaw chhun eitur an tum anga, intihhlimna te neihpui in Picnic te an neih pui dawn a ni. Ni 03.11.2012 (Inrinni) ah Guwahati a YWCA hmun te an tlawhpui anga, an kan kal man te tumsakin chaw chhun te eipui in senso zawng zawng YMCA Korea te hian an tumsak vek dawn a ni.
S.A.Y RALLY HLAWHTLING TAKIN NEI
Ni 13-14, October 2012 chhung khan Central North Division S.A.Y Rally chu Tuidam ah hlawhtling taka neih a ni. Tum lawk dan chuan Rally hi Ni 12.10.2012 (Zirtawpni) zan atanga tan tur a ni a, mahse Rally palai tam zawk te kawng lakah an tan avangin Welcome Meeting chu cancell a ni ta a ni. Welcome Meeting a items nei tura tih te hi meeting hrang hrangah semdar
