Bazar Corps News leh Chhandamna Sipai Pawl News hrang hrang te ziahna a ni. Heng news-ah te hian comment pawh pek theih a ni e

---

Mual inkhawm neih a ni Admin on 06/17/2011 at 12:02pm (UTC)

Kumin SAY Action plan a lo dah a nih angin ni 16 Thawhtan zan khan New Market ah Mual inkhawm neih a ni.Inkhawm neih hma hian Biak in ah hming dah leh tawngtai rualna hman a ni a, chumi zawhah New Market ah hun hman a ni. Mual inkhawm hi Major Vanlalhuma, Commanding officer in a kaihruai a, David C. Lalmuanpuia’n Isua thisen thiltihtheihna tih thutawi-hriatpuina benglut tak a sawi. Aizawl Bazar Corps Band ten rimawi remin Pathian thuchah an puang a, TBC Zaithanpuia leh Vanlaldiki Sailo ten Pathian thuchah hla hmangin an puang, Commanding Officer in Pathian thuchah tawi nung takin a sawi. Heng hun hrang hrang te hman a nih chhung hian member te New Market chhunga kal kualin tawngtaiin hun an lo hmang bawk a, he mual inkhawm ah hian mi tam tak lo kal in, kal leh tura sawmna kan dawng tam hle a, Mual inkhawm tawp a nih hnu ah pawh mite lo kalin an tana tawngtaina hun hmang turin an rawn ngen a, an tan hian tawngtaina hun hman a ni. Hemi zan hian SAY member thahnem takin Biak in pawn rawngbawlna hi an hmang a, Major Lalhriatpuii, Kolkatta atanga chawlh hmanga lo haw mek pawhin min tawiawm a ni. Heng hun te kan hman theih avangin Lalpa kan fak a ni.

---

OFFICER THAR 15 NEMNGHET Admin on 05/12/2011 at 11:21am (UTC)

Ni 10.4.2011 Thianghlimna Inkhawmah Col. Lalngaihawmi TC chuan 2009-2011 ‘Ambassadors of Holiness’ Session Cadet 15 te chu Lieutenant rank pein Aizawl Temple Corps ah a nemnghet. Officer tharte leh an awmna turte- Hming Corps Awmna tur Lalchhanhimi Chanmari West Tlangmawi Laltanzuali Chanmari West Hmarkhawlien Lalhmasanga Poi Hmarkhawlien Vathuampui Vanlalruati Chawlhhmun Thingsulthliah B.Lalhmingmawia Baktawng Leizangphai Laldinmawii Baktawng Sakawrdai Lalthanpuia Ralte Baktawng Hmarkhawlien Nourem R Chanu Chairel Khunou Lunglei David Lalthazuala Vairengte Kanchancherra Lalhmingthamawii Bethlehem Kanchancherra Lalhmachhuana Temple Zohmun Timothy Lalhlimpuia Temple Saikawt K. Lalrammawia Bazar Tlabung Zorempuii Centenary,Saitual Sesawng Lallawmawmi Hrahsel Tachhip Bairabi

---

ACSAL BIENNIAL CONFERENCE 2011 Admin on 05/12/2011 at 11:20am (UTC)

Central North Division ACSAL te chuan ni 15.4.2011 khan Biennial Conference Aizawl Bazar Corps ah an neia, hetah hian kum 2011 - 2013 chhunga Central North Division ACSAL hruaitu turte thlanna an nei nghal. He hunah hian palai 96 an kal a, hruaitu tur atana an thlan chhuahte chu- President - L.Ramkinlova, CSM, Zemabawk 1st V/President - TH Vanlalreia, CS, Aizawl Bazar 2nd V/President - T. Thangkima, CSM, Darlawn Central Secretary - C.Vanlallawma, CS, Chaltlang Treasury - C.Vanramlawma, CT, Dinthar

---

Division Songster - Arunachal Rawngbawlna Report C. Ramropuii (Chacha-i) on 05/12/2011 at 11:19am (UTC)

Ni 19.4.2011 khan Division Songster member 23 te chu Arunachal panin kan chhuak a, Ni 20.4.2011 zanah Pasighat kan thlenga.Ni 21.4.2011 ah Arunachal-a Salvation Army Biakin dinna hmasa ber Oyan Society ah inkhawmna hun reilote kan neia, chumi hnuah khawlai kan fangkuala, a remchang a piangah zaihona kan nei zel a ni. Oyan Society hi Kraws Sipaiin a awmchilh. Ni 22.4.2011 (Good Friday) hi Pasighat ah Ringthar tlemte leh Kristian la nilo thenkhatte nen kan in-khawma. Inkhawm banah hian Mual inkhawm neih a ni. Songster ten hma hruaiin khuang leh kutkhuangte nen kawngzawh a ni a, Worship Dance, Skit, Zaipawl leh Solo te ruahsur hnuaiah an changa, entute pawhin kalsawn an tum chuanglo a ni. Haw lamah pawh zai chungin Biakin thleng kawngzawh leh a ni. Good Friday zan hian Pu Takum talo -Ringthar te inthar lawmna ni pahin inkhawmna neih a ni a, kan hlim tlang hle a, kan bang hlei theilo a ni ber. Anni chhung hian Rs. 500 min pe nghe nghe. Ni 23.4.2011-ah Siang Lui kan tlawh a, Hindi hla Shooting kan neih nghal a, Chaw eikhamah Bilat Society panin kan chhuaka, Bilat ah hian Kraws Sipai Nl. Lalremsangi Zotlang Corps awm a, ani hian nasa takin min lo buaipui a ni. Kan bungruate kan unload a thingpui kan infel hnu ah Ledum khua panin kan chhuak leh a, Ledumah hian Sipai Pawl an la awm lova, amaherawhchu inpe duh chhungkaw 8 vel an awma, Kristian chu tlemte chauh an awm a ni. Hetah pawh hian Mual inkhawm kan neia, Worship Dance leh Zaipawlin hun kan hman bakah tawngtai rualna te neih a ni a, kan haw lamah Kristian la nilo Sipai pawla inpe duh in thingpui inah min sawma, thingpuite kan inzawhah Bilat ah kan kir leh nghal a ni. Ni 24.4.2011 (Easter Sunday) chu Bilat Society ah hman a ni a, Zaipawlin hla 4 kan sa a, Bilat SAY ten item vawihnih an neih ve bawk. Tv. F. Zorimawia Songster Secy. hnen atangin Thuchah tawi kan ngaithla a, Sipai pawlah mi pahnih lawmluh an ni bawk(Kristian la nilo ve ve an ni a, pakhat chu Leduma kan thingpui innna kha a ni). Inkhawm ban hian Mual inkhawm kan nei leh ah, hetah pawh hian item hrang hrang Skit, Worship Dance, Zaipawl leh solo ngaihthlak a ni bawk. Major Vanlalchhuangi C.O hnen atangin thuchah tawi ngaihthlak a ni. Mual inkhawm neih zawh hian Pasighat lam panin kan haw leh a, zanah Pu James-a (Zaipawl member Samuel Ralte Pa) State Bank a thawk te inah inkhawmna kan neia, hetah hian sharing leh lawmthu sawi tawngtaihona hun kan hmanga, kan hlim tlang hle. Ni 25.4.2011 zing dar 11:00 ah Pasighat atangin kan lo chhuaka, Guwahati ah kan chawl muang hreta, ni 27.4.2011 tlai dar 4:30 velah dam takin Aizawl kan lo thleng leh a ni. Kan zinkawng hi kan tluang em ema, SAY member te mai bakah Sipai tam takin min tawngtaipuina avangin harsatna engmah kan tawklo a, rawngbawl na tha tak kan neia, Ringlo tam takin an ngaihven em em a ni tih kan haw hnu pawhin C.O. te hnen atangin report kan la dawng zel a ni. C.O. te chhungkua an inpe in an fakawm em em a, an rawngbawlna a hautakin thawh tur a tam hle, tawngtaipui an mamawh khawp mai.

---

Division Songsterte Arunachal ah Editor on 05/12/2011 at 11:18am (UTC)

Central North Division Songster te chu Arunachal Pradesh ah Good Friday leh Easter Sunday chhunga rawngbawlna nei tura sawmna an dawn angin Ni 19.4.2011 (Thawhlehni) hian Arunachal panin an chhuak dawna, he an rawngbawlna tur atan hian sum leh pai tam tak a mamawh avangin February thla atang khan Corps hrang hrangah vehbur khawnin an fehchhuak tawh a. Ni 17.4.2011(Chhandamna Inkhawm) hian Bazar Corps ah Division huapin anmahni thlahna inkhawm programme chu Division Songster Board kaihhruaina in neih a ni dawna, inkhawm programme zawng zawng pawh hi Songster Board kutah dah vek a ni. Arunachal pual hian Senior Corps leh SAY lam te chuan Sum leh pai engemawzat an pe dawna, chutih rualin section dang te leh mimal thahnemngaite pawhin ala pek theih reng bawk. Arunachal ramthimah hian nangmah ngei rawngbawlin i fehchhuak ve thei kherlo a nih pawhin Division Songsterte kaltlang hian Pathianin a ko che tih hria la, i neih ang tawk te kha tlem lua a awmlo - thlaraubo pakhat talin Pathian an hmuh nan a hlu in a tangkai em em a ni tih hria ang che.

---

Editorial Board Conference Editor on 05/12/2011 at 11:18am (UTC)

Ni 15.4.2011 (Zirtawp) Chawhnu dar 1:00 khan Major Chawnghluna, Communication Secretary, THQ kaihhruaina in Aizawl khawpui chhung Corps hrang hranga SAY Chanchinbu chhuah thinte Editorial Board Conference, Booth Mansion Conference Hall ah neih a ni. Hetah hian Bazar Corps atangin Nl. R. Lalremtluangi Lit. i/c leh Nl. C. Ramropuii Asst. Lit. i/c te an tel. Corps hrang hrang 18 atangin member 45 kal khawmin, Lt. Col. Lalramhluna, Chief Secretary leh Major Khaizadinga, HRD Secretary-ten hun hmanpuiin he hunah hian zirlai pawimawh leh tha tak tak bakah thuziak pawimawhzia leh thuziakin thil a tih theihzia te an rawn zirtira, zawm nghal chi thil tangkai leh pawimawh tak tak zirho a ni. He huna rawtna thenkhat awmte chu - 1. Corps Chanchinbu enkawl hna hi SAY te kuta awm a ni tlangpuia, a semchhuah hna hi Local Officerten an bial tlawh leh Silaimu Ip sem pahin nei thin se. 2. Chanchinbu titha Corps/Society lawmman Territory huapa siam nise. 3. Territory atanga Chanchinbu tihchhuah leh Corps hrang hrangte Chanchinbu website leh blog te hi update reng ni thei se.

---

<- Back

1  2  3  4  5  6  7  8 ... 12

Continue ->