LEAGUE OF MERCY RAWNGBAWLNA

    February thla chhunga kan Corps League of Mercy report tlangpui -

1)    Ni 11.02.2013 (Thawhtanni) khan LOM te chuan Nl. Laltlanliani Sailo, Aizawl Hospitala awm chu tlawhna an nei a, tawngtai sakna te neiin thilpek hlanna te an nei a ni.

2)    Ni 03.02.2013 (Pathianni) khan Pu Lalthakima, Pi Hruaii fapa chuan LOM rawngbawlna atan Rs.1,000.00 a pe a, a chungah LOM te an lawm hle a ni. Pathian in malsawm zel rawh se.



LEAGUE OF MERCY RAWNGBAWLNA

Bazar Corps League Mercy te chuan heng a hnuai ami te hi an tanpui:
1. Lalzira, Teirei Forest ami Damdawiina awm chu Rs.1,000/- a tanpui a ni.

2. Lalramengi, Missionary, Rangvamual Society chu a fanu thisen cancer a ni a, an in enkawlna atan Rs.1,500/- pek an ni.

3. Lalrinzuali, Saron Veng chu Rs.1,000/- a tanpui a ni.

4. Chanmari Corps LOM te chu an rawngbawlna atan Rs.5,000/- pek an ni.

Ni 20.11.2012 (Thawhlehni) zan khan Bazar Corps League of Mercy te chuan Council pawimawh tak mai an nei a, hemi zanah hian kum 2013 atana Action Plan siam a ni. Hemi council a an thurel thenkhat te chu:
1. Pi Lalrinzuali, Saron Veng chu thlatin Rs. 1,000/- a tanpui thin nise, a ni hi hmeithai a ni a, fa 3 a nei a, an khawsak a harsa hle a ni.

2. LOM ten an enkawl lai, Pu Vanlalruata te nupa leh Pu Lalthlamuana, ruh tliak Damdawiina awm te chu an in enkawlna a hautak hle a, Council chuan puih ngei tha a ti a, an hmingin sangha zawrh nise tih a ni. A hun atan Ni 29.11.2012 (Ningani) ruat a ni.

Heng mi chi hrang hrang tanpui an nih theih nachhan chu LOM Member te inpekna vang liau liau a ni a, LOM Member te hi kan awm mai mai lo a ni tih a chiang hle a ni. Awmhmuna thilpek hmanga lo tang te avangin mi tam tak tanpuina pek an ni a, mite tanpui thei a LOM Member te kan awm hi a ropui hle a, Pathian hnenah lawmthu i sawi ang u. Kan Lal Isua’n, “Heng mi te ber te zinga mi pakhat chunga in tih chu ka chunga ti in ni e,” a tih kha i hre reng ang u.
- LOM Secretary


League Of Mercy Rawngbawlna


1.    Dt. 30.06.2012 (Inrinni) khan Bazar Corps League of Mercy te chuan Lalnuntluanga, Sihphir ami chu damlo in Bawngkawnah a pa te hnenah an rawn awm a, an ni hi a hmunah te kalin tanpuina Rs. 2,000/- leh mutbu, chawhmeh leh thildang te pek an ni.

2.    Dt. 09.07.2012 (Thawhtanni) khan Lalrinzuala, Lunglei Bazar Corps ami chu damlo in Aizawlah a lo phei a, a ni hi Rs. 1,000/- a tanpui a ni.

3.    Dt. 15.07.2012 (Pathianni) khan K.Lallawmawma, Thuampui chu Hospitalah tlawh in Rs. 500/- a tanpui a ni.

L.O.M Council Thuchhuak

    Ni 22.06.2012 (Zirtawpni) zan khan LOM te chuan Council an nei a, an thurel tlangpui te chu:-

1.    Council hmasa a thu dah sa te bawhzui ani a, tar chaklo deuh biakin thleng  thei tawhlo te tlawh chhuah chungchang chu bawhzui ani a, bial hrang hrangah te zawng chhuak in, Kohhran bik pawh awm lovin mi 7 zawnchhuah anni a, heng mite hi Ni 08.07.2012, Pathianni chawhnu dar 2:00-ah tlawh chhuahna neih nise.

2.    LOM Sunday hman dan turte rel ani a, a remchan dan a items te pawh neih nise, hemi ni hian luanchhuah ngei nise, chumi atan chuan New Serchhip a (Old Age Home) amite tan Bed Sheet leh Pillow pek nise, luanchhuahna dang tur chu rel leh nise an ti.

    LOM member te  hriattur :
    Ni 06.07.2012 (Zirtawpni) zanah LOM Member te a thei thei hnatlang turin hriattir kan ni e. A hmun atan CO Quarters ani a, Bed sheet leh Pillow te siam tur ani a, zing dar 10:00 AM atanga tan tur ani ang. Tlawmngai taka thawkchhuak turin Member te kan han in hriattir ani e.


League of Mercy Rally Report
                   Rozuali, Secretary, LOM
    Kan ngahhhlelh em em League of Mercy Rally chu tluang tak leh dam takin kan lo hmang zo leh ta reng mai.  Pathian min hruaina te a ropui tak zet a ni.
    Dt.29.10.2010(Friday) 12:30pm ah Aizawl atangin Sawleng panin  kan chhuaka, kan chhuah dawnin CO
Maj. Rochhungi’n tawngtaina te a nei a, tluang taka kalin Sawleng chu tlai dar 5:30 ah kan thleng a, motor rui thinte pawh tumah rui an awmlo a ni.  Hemi zan hi palai lawm zante a ni a, palai zawng zawng hi 250 vel kan ni a, Bazar Corps atang pawhin member 9 kan kal.  Hemi zan hian activities report na neih ani a, Corps hrang hrang atangin report ngaihnawm leh benglut tak tak ngaihthlak a ni.
    Dt.30.10.2010(Saturday) chawhma sermon inkhawm a ni a, chawhnu lamah Pu Chalchhuna te thlanah (Holy Land) kan kal a, hetah hian Maj. Lallawmpuii, DSWM in kaihruaiin tawngtairualna te kan nei a ni.  Zanriah tui tak thlengtu Corps ten min buatsaih saka kan puar hle.  Zanah sermon inkhawm neih leh ani a, item hrang hrang neih leh ani a, inkhawm apiang hian Division Songster ten thiam takin zaiin min awi reng a, anni hian minti phuisui hle.
    Ni 31.10.2010(Sunday) zing kar hian mi harsa zual 5(panga) kan tlawh a, Rs.500/- theuhin tanpuina pek anni a, an mahni hmuh hian rilru a khawih duh khawp mai.  Midangte tanpui theitu zawka kan tang hi ava lawmawm em. Mittui tla zawih zawih chunga tanpuina an dawng han hmuh chuan LOM lo hlut zia a lang a ni! Tawngtaina te kan nei zel bawk a. Tanpuingaite tanpui duhna thinlung nei LOM member nih hi alo hlu hle mai. Kan Lal Isua pawh khan ‘Heng mite berte zinga mi pakhat chunga in tih chu ka chunga ti in ni’ a tih kha i hrereng ang u.
    Chawhnu Sermon inkhawm kan nei leh a, boruak a nuamin a tha khawp mai a Bazar Corps atang pawhin Pi J. Lalrinmawii’n recitation thiam tak maiin a sawi a, ngaithlatu te thinlung pawh a hneh hle a ni..  Inkhawm banah chhangban ruaite min buatsaih sak leh a a tui khawp mai.
    Thlengtu Corps te in pekna ropui in palai kalte pawh in nuam kan ti hle a, mikhual chunga an awmdan a entawn tlak hle, mikhual thenkhat phei chu a neitu te aia  thu zawk pawh kan awm a ni.
    Chhandamna Inkhawm hi final meeting alo ni tawh a, hetah hian DDWM in thusawina a nei a, thu benglut tak mai kan ngaithla a, boriuak pawh a thain zai pawh a nuamin a tha hle.  Maj Sangchhunga, DC in hun tawp siamin inhlanna hunte a buatsaiha, inkhawm zawng zawngin inhlanna kan nei a ni.
    LOM Rally hi a hlawhtling hle mai a, inkhawm boruak a tha a, kham lo takin kan Rally chu kan hmang zo a ni.  Hlim tak maia Rally kan hmang thei hi corps sipaite tawngtaina rah a ni tih a chiang hle.  Member, Rally-a kal theilo te pawhin thahnem ngai taka kan thawhrah avanga Rally hi hlawhtling a ni a, tawngtaina nen rawng i bawl zel ang u.