Bazar Corps SAY leh member ten Peom leh Poetry an phuah dah khawm


Ka Sawm Che U

    Chhingmit lenin ka hawi vel a
Siamtu ropuizia ka hmu a Lentupui hring mawi leh
    Hramthiam valeng chitin te
    Siamtu fakin zai an sa e

        Hringmi te tana khuanu thilpek
    Leilung leh a chhunga cheng te hi
    Lungrual taka len za dial dial hi
    A aia hlu a awm thei dawn em ni?
    Khuanu lung lawmna pawh a ni ngei ang le
    Khuanu’n a duh taka a duan
    Sa chitin leh lentupui hring te
    Humhalh a, an tan malsawmna n iturin
        Enge kan tih ve ang le?

         Chu!! eng thawm nge ni? tiin ka hawi chhuak a
    Lentupui hring cham duai mai chu
        Sen mei nunrawngin a lo bawm
         Aw! engtin nge ni ta ang le?
     Chu lentupui chhunga riahrun remtute
      Riakmaw iangin riahrun an vai ngei ang le?

    Khuanu thiltlawn pek kan dawn
        Zahna leh pawisakna reng nei lova
    Kan ti chereu zel anih mai zawngin
        Nipui lo thaw a, thinghnah chawr no leh
    Thereng hram ri ruai ruai takngial pawh
        Hriattur a awm loh chuan
    Hringmi nun hi awmzia a awm thei dawn em ni?

        Chhemdam thli thaw hiau hiau leh
    Hramthiam valengte thawn ri hre lo hian
    Nun hian awmzia a nei dawn em ni?
    Khuanu thilsiam hlu leh mawi tak te
    Humhalh a, an tana malsawmna ni turin
    Tunge awm ang le?
        E, Kei khuanun a duh taka a siam hi
        Ka awm alawm le
        Min pui turin leng zawngte
        Ka sawm che u.

He Poem hi SAY ten Nature Watch an neih ni a, Nl. Vanlaldiki Sailo phuah a ni a, Lawmman Pahnihna dawngtu a ni.
........................................................

Drug Addicts

- Ruth Chongthu

Things are black and white,
Though nothings ever gonna change;
Blinding my eyes, and hiding my tears,
Each and every word they say,
I cannot hear cause I'm deaf.
My soul is passing by,
I have no faith;
Not even a single faith,
There's no life, there'sno love.
No one can help me,
'Cause no one can see me;
These diseases are killing me,
What if I die,
Just gotta keep moving on;
And leave the past behind,
And trust God,
Cause God is my future.

(He poem tha tak phuahtu Ruth Chongthu hi Pu Note-a leh Pi Tantei te fanu a ni a, tunah hian kum 12 mi a ni.)
****************************

May Ni 30 khan Nature Watch neih a ni a, Hetah hian ‘On the Spot Poetry Writing Competition’ neih a ni a. Lawmman pakhatna atanga pathumna dawngtute leh an peom te kan han tarlang e. chhiartu ten in hriat reng tur chu heng poem te hi minute 20 chhunga phuah vek an ni :-

Thlir vel ila kan Zoram nuam hi
Thing lenbuang zarmawi ah
Sirva ten hlimte’n zai an lo sa e
Hawi vel ila kan tlangram hring duai
A mawi ngei e kan Zotlang ram nuam hi

Mahse duham chinlem neilo hringmi leng zawngten
Kan tlang ram nuam leh duhawm chu
Kan ti chereu zo ta a pawi ngei e
Kan ram tlang ram nuam ah chuan
Sirva hlimzai sa thin ten nun ralti in an hmang zo ta maw

Aw a va pawi em thing leh ramsa zawng te
An chereu zo ta maw
Keini thang leh thar te hian in
Kan ram ti mawitu thing leh ramsa te
Humhalh in tlahfiak leh chemsen tawn ah
Vengin humhalh zel ila
Tichuan Zoram nuam kan siam ngei ang.

He poem hi Lalrindiki, Maj Lalthansanga Brigade a mi phuah a ni. Lawmman pakhatna dawngtu a ni).
**********************

Thinglenbuang leh maurua te hi
Khuanu tuahrem, kan nun nawm nan
Ren tin daih, nunna hnar a lo ni
Daifim, siktui, nunna tuifim
Min pe, dangchar tihnawng-an
A zarmawiah sirvaten zai lo sa e
Kit mai lovin, phun zel ila
Chutin kan ram a hring nuam ang
Chunga khuanu duhdan rengin
I hmang ang u, thing leg maute
Thing leh mau phun tur chu Keimahni
Nun nuama lengtur chu Keimahni
Tu leh fa tana thawk tur chu Keimahni
Ramngaw, nungcha- thilsiam tinreng
Duatin, thingsiri par tlanin, In hal lote’n leng za ang u.

He poem hi Dr. K. Lalhruaitluanga phuah a ni a, lawmman pathumna dawngtu a ni).
*********************


Chung Pathian hmangaihna chuan
A siam khawvel luah tur atan

A duang e, hringmi, nungcha; Duhtaka a siam te zawng chu

Lungrual tea leng za in; Tumah in tina awm lovin
In hmangaih tawnna nen; Hlim zai i vawr za ang

Ram tuklo zai vawr leh; Sirva zaisa thawm te chuan
Siamtu fakna zai an rem; Ropui zual e Siamtu Pathian

Chutin keini hringfa leng; Hmangaihna a inlungrualin
Thing leh mau nungcha te; Duat ten i veng ang u

Hualhimna chang kan hriat loh chuan; Kum te a lo vei anga
Kan ram thlaler ah changin; Lungte i melh reng mai ang
Aw fimkhur rawh.

He poem lungrun zet mai hi Pu Lalthlamuana SAY Fin.Secy phuah a ni a,lawmman pathumna dawngtu a ni).