Sialhawk SAY te Chungchang Division Council-in ngaihtuah
Central North Division Council (ni 5/10/09, Dar 2:00PM) chuan Sialhawk Corps SAY te chetsual avanga Ropuina a kaisang ta te leh hliam tuarte tanpui dan tur a rel a, Corps leh Society hrang hrangten lainatna thinlung nena an thilpek tling khawm chu tangkai thei ang bera hman a nih theih nan hliam tuarte hnenah an hliam tawrh dan Hospital mithiamten an endikna report dungzuiin an phu tawk theuhva tanpui tha an ti.
Tin, ropuina a kaisang ta chhungte hnen ah in ang tlanga ralna pek theuh nise tiin an rel bawk.

Damlo lo thleng leh
Sialhawk Corps SAY member hliam tuar Champhai damdawiin a ni 8 lai a awm hnu a Doctor-ten an chhuah, la che thei miah lo, Nl Lalrinfeli(Afeli) chu ni 06-10-09 tlai khan Aizawl rawn thlen pui leh a ni.
A lo thlen veleh Hospital ah hruai nghal niin Doctor-ten an lo khawngaih em em a, X-ray tihsak nghalin, Dr Thangchungnunga chuan a lo enkawl nghal vat vat a, saisira a pang dinghlam chauh ni 8 chhung a delh hnuah hemi zan hian mut dan pangngaiin a mu thei ta a ni.

Corps-in Tanpui
Sialhawk SAY lirthei chetsualna a tel te tanpui nan hetiang hian Corps chhunga section hrang hrang ten tanpuina an pe. Senior Corps- Rs. 3000.00, YP Corps - Rs. 2000.00, Home League - Rs. 500.00, LOM - Rs. 500.00. Hemi bakah hian Evangelical Nurses Fellowship ten Rs. 2610.00 kan corps kaltlangin an rawn pe bawk. Tanpuina pe duh tan Corps Secretary emaw Treasurer hnenah naktuk thleng a pek theih bawk e.


IET Relief Team  
     
Tunhnai mai khan Cyclone Aila in West Bengal a nuai a. Darjeeling Area ah In tam tak leiminin a hnawl a, mi 26 lai an thi bawk. Thi zingah hian Miss Alisha D/o Asim a tel ve a, A testimony a Dairy-a a lo ziah chu chanchinbuah an chhuah nasa hle a ni.
India Eastern Territory a Territorial Leaders ten Relief Team siam tha an ti a. THQ atangin Maj.Lianhlira, Social Secretary chu a hmuna tanpuina hna thawk turin tirh thlak a ni a. Buhfai, Sipaulin, Dal, Bawnghnute, Chi leh Tel te, Rs. 200000.00 chuang man chhungkaw 80 hnenah sem a ni. Relief Team members te chu heng mite hi an ni:-
1. Maj.K.Lalbiaktluanga          -        Working Chairman.
2. Lieut. Simon Rai               -    Secretary
3. Capt.Vanlaltluanga        -    Purchase Treasurer.
4. Capt.Rebek Lalrohnuni    -    Member
5. Capt.Joythang        -    Member
6. Capt.Lalthanliani        -    Member
7. Capt.Emmanuel Mahapatra    -    Member
8. Capt.Sunita Mahapatra    -    Member.
Observer:-
1.    Maj.Lianhlira
2.    Maj.Dr.ST.Dula
3.    Lieut.Isaak Lalremruatkima.
Relief semnaah hian Mrs.Asha Gurung (Darjeeling Gurkha Hill Council Chairman nupui) Darjeeling a Nepali ten Pathian-nu ang maia an ngaih chuan Relief sem hi nilengin a tanpui bawk a ni.


Bazar Corps LOM Thuthar

Report by - Secretary, League of Mercy,   Bazar Corps.

    Aizawl Bazar Corps League of Mercy chuan Ni 28.May, 2009(Ningani) zan khan CO Quarter-ah mi tanpui ngaite tanpui dan tur leh damlo tlawh dan tur an rel a, an thurelte chu :-

1. Civil Hospital-a Poor Fund atan pawisa Rs.1000.00 pek a ni ang. Damlo Hospital-a awm harsa zualte zawn chhuah a, a tul anga tanpui tum a ni bawk.
2. Pi Runkailovi, Phunchawng Corps a mi, hmeithai chu thlatin Rs.300.00  tanpuina pek a ni ang.
3. Damlo te tlawh a, tawngtaina neihpui thin a ni ang.

    Hemi zan hian Special Fund chhiar a ni a, sum lut zawng zawng chu Rs.8700.00 a ni. Thilpek lut te hi Maj. Vanlalhuma’n Pathian hnen a hlanna a nei a, ui lova midangte tanpui nana thilpek petu member zawng zawngte chungah lawmthu kan sawi a, Envelope la pe remchanglo te tan pawh la pek theih zel a ni a, thilpek petu zawng zawng Lalpan malsawm che u rawh se.   

Enna In Thuthar

Ni 10.06.08 thleng khan Buhfai 1674Qtls, Dal 199.92Qtls leh Tel 4998 Litres Mizoram hmun hrang hrangah thawn-chhuah a ni tawh. Heng ei leh bar thingtlanga sem tur te hi Fair Deal Centre Project Motor 3 in a thiar char char a ni. Ni 10.06.08 zan khan Fair Deal Project hnathawh dan hrang hrang thlirhona (Review) Territorial Fair Deal Managing Board in an nei a, chutah chuan hmalak tawh dan te thlirho bakah, tha zawka kalpui a nih theih nan Chief Secretary kaihhruai-na in Expenditure Board din a ni a, Asst.Manager atan Pu K.Lalluaia ruat a ni. Motor hman dan tur chunghanga Policy siam tur Sub Committee din a ni bawk a Major Khaiza dinga, PRS chu Convener atan ruat a ni bawk.
 
He Fair Deal Project atan hian IHQ atangin Project Rs.1,24,33,914.00 min pe a ni.
----------------------------------------
Fair Deal Project a hman turin motor 3- TATA 207, 407 leh 709 te lei a ni a, a enkawl tur hian Driver 3 leh Handyman 2 lak an ni a, Office Assistant turin mi 1 lak a ni bawk.  Driver te chu Malsawm-sanga, Lallawmzuala, Lalhruaitluanga. Handyman turin TC Vanlalmalsawma leh Vanlalpeka te lak an ni.
Office Asistant turin Richard Lalrinhlua lak a ni bawk.

Hlimna In Thuthar
    Pu F.Lalengliana te chhung Zotlang Corps, Aizawl chuan  Nihliap 50 (Sawmnga) an pe. Chhawrtui Corps SAY ten Rs.1000/- an pe. Pi Chhandami, Thak-thing, Aizawl in Rs.1000/- an pe. Pu Lianzuala te chhung Saitual Corps te chuan an Sumo Service hmasaber a an pawisa hmuh zawng zawng Home tanpui nan an pe.

Fear Deal Centre Project (news update)
Mizorama Mautam tam tuar te tana Sipai Pawlin Fair Deal Project a kalpui mek chu a hlawhtlinna hmuh mek zel a ni a, Fair Deal Card Holder chhungkaw 5000 ten May – Sept. 2008 thleng khian ei leh bar a man chanve in an dawng dawn a ni.