The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.

 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
Article lawrkhawm
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

Corps news


 CORPS NEWS LAWRKHAWM:

 

As on 04.05.2013  

Zirna a hlawhtling

    Kan Corps atangin heng mite:

1) K. Lalhmangaihzuali II Div. C/o Dr. K.Lalhruaitluanga, Jail Veng.

2) Laltanpuia Chhangte II Div. C/o Zoramsangi Electric Veng.  (HSLC)

3) Reuben C.Zochamliana II Div. S/o Thangzeli Chhinga Veng.

    Heng mite hi kan Corps atanga HSSLC a hlawhtling report kan dawn te an ni a, tih hmaih palh an awm chuan ngaihdam kan dil nghal nise, hlawhtlinna chang tharte  Editorial Board chuan kan lawmpui takzet a, an zir leh zelna turah duhsakna kan hlan bawk e.



Tawngtai pui ngai


    Kan SAY Member Nl. Lalthianghlimi (Nutei), Saron Veng pawh dam lohna avangin in lamah ala inenkawl mek a, alo dam thuai theih nan Sipai ten kan tawngtainaah i hre reng ang u.

    Tin, Pi Lalhmingmawii (Tei) w/o Pu Vanlalzarzokima (Mazara), Dawrpui South chu Ni 01.05.2013 khan hlawhtling taka zai a nih hnuin Ni 03.05.2013 (Zirtawpni) khan in lama inenkawl turin damdawi in an chhuahsan ta. Sipai ten i tawngtai pui zel ang u.



Lo haw

    Nl. Flora Lalrinfeli Jail Veng, Nl. K. Lalrizuali Jail Veng leh Nl. Janice Lalchungnungi Dinthar, Valentino Lalhmingsanga Dawrpui West te chu chawlh hmangin an lo haw.
    Tin, Pu John LT Sanga pawh hna tul avanga Guwahati a a zin chu vawiin khan dam takin alo haw leh bawk.


City Area SAY Meet ah Zaipawl


    June 9, 2013 (Pathianni) khian Bethlehem Corps-ah Aizawl City Area S.A.Y Meet neih a ni dawn a, Thianghlimna Inkhawmah kan Corps SAY te chu Zaipawl nei tura ruat kan ni a, member te hla zir turin kan lo inring dawn nia.




 

As on 27.04.2013



Thisen Pekna Runpui

    Nimin Ni 26.04.2013 (Zirtawpni) khan Zoram Sipai Pawl Ni denchhenin Central North Division a Salvation Army Youth te chuan kan Biak In, R.M Hall ah thisen pekna runpui an nei a, thisen pe zawng zawng hi mi 123 an ni a, kan Corps atangin mi eng emaw zatin an pe a ni.


In entir

    Dr. K. Lalhruaitluanga, Secretary, SAY chu hlawhtling tak a a mit zai a nih hnuin Ni 21.04.3013 khan tluang takin Aizawl a lo thleng leh a ni.

    Nl. Zulvelin VL. Rosangi, Treasurer, SAY pawh a mit hlawhtling taka zai a ni a, tluang taka an lo haw thleng  theih nan leh an lo dam chhoh zel theih nan sipai ten i tawngtai pui ang u.


Member Ralna Neih Tur

    Kan member Nl. Laltlanliani Sailo (PG) ralna hun naktuk Ni 28.04.2013 chawhnu dar 2:00 ah neih tur a ni a, SAY Member te kim taka kal kan tum dawn nia.



As on 20.04.2013


HLSC Pass thar te

    Heng mite hian kan Corps atangin HSLC tha takin an pass a ni -
1)    Ruth Vanlalringi d/o C.Chawngthangtluanga, Aizawl Watch House - 1st Division, S.S ah Letter a hmu a ni.
2)    V.Lalrinkima s/o Vanlalzarzokima, Dawrpui South - 1st Division.
3)    Jennifer Lalnunpuii d/o Lalzamlova, Thana Tlang - 2nd Division.
4)    Lalnuntluanga Varte s/o Lalawmpuia Varte, Medical Quarters - 2nd Division.

    Hlawhtlinna chang thar te kan lawmpui hle a, an kal lehzelna tur duhsakna kan hlan a. Chutihrualin hlawhtling ve ta lo te kan tuarpui hle a ni.





As on 13.4.2013


Cadet Commission

    Naktuk Pathianni hian Cadet Commissioning & Ordination Service neih a ni dawn a, Thianghlimna Inkhawmah Cadet Commissioning & Ordination leh Order of the Silver Star te hlanna neih a ni ang a, Chhandamna Inkhawmah Appointment Service neih a ni ang.



Appeal Letter

    Sound System puala Appeal letter chu naktuk Ni 14.4.2013 Thianghlimna Inkhawm hi a lakkhawm hun alo ni leh ta a, sipai chhungkaw tin ten thahnemngai takin i thawh leh ang u. He Sound System tha tak man hi kan rulh zawh vat theih nan Corps chhunga Sipai ten tan i han la leh sauh sauh ang u.


Bawm Inleng

    Tuipuibari School sakna puala SAY hmalakna a Bawm Inleng siam chu Ni 8.4.2013 (Thawhtanni) khan lakkhawm a ni a, heta thawhlawm tlingkhawm hi Rs. 7450.00 lai a ni a, phal taka petute zawng zawng chungah SAY chuan lawmthu a sawi tak meuh meuh a, Pathianin a let tam takin malsawm che u rawh se.


Ruatna thar

#    Pu Robert V.L Thlamuana, OSCS chu Territorial Headquarters in kum 2013-14 chhung atan Territorial Auditor turin an rawn ruat a, tin, General Visist Organising Committee 2014 ah Member atan an rawn ruat bawk.
#    Pu John L.T Sanga chu Modern English H.S School Managing Board member atan ruat thar a ni bawk.
#    Tv. Malsawmdawngzuala pawh Territorial Music Board member thar atan ruat a ni.
    Hetiang ang sipai tha leh tangkai tak tak kan Corps in kan nei hi kan chhuang hle a, anmahni kaltlangin midangten malsawmna tam tak an dawn ngei theih nan Corps chhunga sipai ten i tawngtaipui ang u.


Officer Training turin tling

Bazar Corps atanga Candidate mi pali te zing atangin Candidate Lalhruaitluanga Tlau, Candidate Vanlaldiki Sailo leh Candidate Lalmalsawmi te chu Officers Training College a lut turin an tling a, kan lawmpui hle a ni. Candidate Joseph Lalremmawia erawh chu nakuma lut tur (Panel list) zingah a tel a ni.


As on 05 January, 2013

YP leh HL Annual
 Naktuk Pathianni Ni 06.01.2013 Thianghlimna Inkhawmah YP Corps leh Home-League te chuan Annual an hmang dawn a, YP Corps a naupang zawng zawng leh zirtirtu te leh Home-League member zawng zawngte a kim thei ang bera inkhawm kan tum dawn nia.
 
Charge inhlanna nei
 Vawiin tlai dar 4:00PM khan kum 2012 leh 2013 a SAY Council Members te 2012 Annual Closing leh Charge-inhlanna hun pawimawh tak mai SAY Office ah an nei a, zanriah an kil ho nghal a ni.
 
SAY Inkhawm
 Ni 07.01.2013 (Thawhtanni) zanah hian tun kum chhunga SAY Inkhawmna hmasaber neih tur a ni a, Pu Robert V.L Thlamuana, Leader in Inkhawm a kaihruai ang. Hemi zanah hian SAY member ni tur zawng zawng te chu a kim thei ang ber inkhawm tum ila, tun kum chhunga SAY kal tura kan duhdan te sawihona leh ziahna te neih tur a ni dawn a, pen ken theuh bawk tur a ni.

Corps Cadet thar hlanna
 Naktuk zan Chhandamna Inkhawmah hian kumin atanga Corps Cadet zir tan tur Headquarters in a pawm thar te hlanna neih a ni dawn a, Corps Cadet pawm thar te leh an chhung te kim taka inkhawm kan tum dawn nia.
 
Prayer Ministry
 Kan Corps-a Prayer Ministry  hruaitu Co-ordinator bakah heng mite hi ruat thar an ni -
Secretary - Nl. Ellen Lalengzuali
Treasurer - Pu C.Lalbiakmawia,        Col. Srgt.


Naute Thar Nei
 Pu Johny Lalhmunmawia, Saron Veng te nupa chuan Ni 03.12.2012 (Thawhtanni) khan fapa duhawm tak Jonathan Lalnunhlua an nei a, kan lawmpuiin hriselna tha tak nen a thanlen zel theih Sipai te pawhin kan tawngtainaah i hriatpui ang u.


 
CANDLE LIGHT SERVICE (22.12.2012)
Ni 22.12.2012 (Inrinni) zanah Candle Light Service Corps pum huapin neih tur a ni a, programme tlangpui tur te chu -
Hruaitu : Pu Robert V.L Thlamuana, OSCS
Thusawitu : Maj. Lalhruaikima, C.O
Trio : C.C Lalrinnungi,
C.C Flora Lalrinfeli &
K.Lalrinmawii
(Carry Your Candle)
Band : Bazar Corps Band
Solo : C.C Angela Ramdinsangi
Duet : Tv. Lallawmzuala & Nl. Lalrempuii
Quiz : Tv. Nelson Lalthanpuia Sailo &
Candidate Vanlaldiki Sailo

 
update As on 15th December, 2013


Sunday School Exam
 
Naktuk Ni 16.12.2012 (Pathianni) hian Puitling Sunday School Exam neih tur a ni a, hming ziak zawng zawng te chu exam vek kan tum dawn nia. Tin, Y.P Corps lamah pawh Y.P Sunday School Exam hi Department tin ten an nei dawn bawk a ni.
 
 
Advance Christmas
 
Ni 17.12.2012 (Thawhtanni) zan SAY Inkhawm lo awm tur hi Bial SAY Advance Christmas hman tur a ni dawn a, items hrang hrang benglut tak tak te en leh ngaihthlak tur a awm dawn a, Refreshment tui tak a awm bawk ang.
Tin, vawiin khan nilengin Bazar Y.P Corps te chuan Advance Christmas cum Spiritual Day an hmang a, hun hlawkthlak tak leh hlimawm tak an hmang bawk a ni.
 
 
Special Fund leh Carol
 
Ni 09.12.2012 (Pathianni) a YP Corps in mi harsa te puala thawhlawm ip a siam Special Fund a lakkhawmah Ip 131 lutin Rs.25,310/- lai a tlingkhawm a, tin, Y.P Corps in carol an neihah In pariat (8) tlawhin heng atang hian Rs.7,100/- a lut bawk a, mi harsa tanpuina tura lutkhawm zawng zawng hi Rs.32,410/- lai a tling a ni. A petu te zawng zawng Pathianin a let tam takin malsawm rawh se.
 
 
Member Chhuanawm
 
Kan SAY Active Member Tv. Lalsangbera chu All India Police Meet neih mekah tunah hian Biharah Mizoram Police aiawhin infiamna hrang hrang-a tel turin a thang mek a, hriat theih chinah 200 meter sprint ah Gold Medal la in 23.56 seconds ah a thleng a ni. Tin, hriat theih chinah Mizoram Police Football Team in Chhatisgarh an hneh tumin goal hnih (2) lai a khung bawk a ni. Hetiang ang member kan nei hi kan chhuang hle a, hlawhtling taka a kalna hmun atanga a rawn haw theih nan Pathianin mal a sawm ngei ang tih hi kan beiseina leh kan tawngtaina a ni.
 
 
S.A.Y. Christmas Carol
 
SAY Council in alo rel tawh angin Ni 19.12.2012 (Nilaini) leh Ni 21.12.2012 (Zirtawpni) zanah te neih tur a ni a, hemi atan hian SAY Member zawng zawngte kal ngei thei turin kan lo in buatsaih theuh dawn nia. Heng carol-na a sum rawn lut te hi Nau Hnuchham tanpui nan hman a ni dawn a ni. Carol neihna tur chhungkua te chu-
1) Major PC Thansanga
2) Dr. K. Lalhruaitluanga
3) F. Lalrinliana, CLS
4) R. Vansanga, RS
5) Vanlalrova
6) John LT Sanga
7) Hmangaihsanga Hrahsel
8) C.Lalhruaitluanga, VS
9) K. Thangmawia
10) HS Laltanliana, VS
11) Zothani, HLVS
12) Pazawna, WS
13) C. Lalawmpuia
14) Robert VL Thlamuana, OSCS
15) Major Sangzuala
 
 
Tawngtaipui Ngai
 
Pu David Lawmzuala, Corps Council Secretary chu tunah hian New Life Hospital ah in enkawlin a awm mek a, dam taka a lo chhuah theih nan Sipai ten tihtakzetin Pathian hnenah i dilpui ang u.
 
BIBLE SOCIETY REPORT 2012
Certificate te hi Sunday zanah sem a ni ang.
 
Life members (Rs.500/-)
1. Lalchhingpuii kum 51 tlinna
2. Rosangzuala s/o C.Lalrinsangi
3. Bazar Corps Home League
4. Samuel Lalmuanpuia s/o Linda Zoremsangi
5. Vanlalrinchhana s/o Chawngthanzami
6. Lalawmpuia s/o Zoramthangi
7. Lalrokima s/o Vanlalvuani
8. Vanlalvuani d/o Lalbiakzuala Hnamte
9. Lalthangliani d/o Lalbiakzuala Hnamte
10. Altar Lalngaihsaka s/o John L.T Sanga
11. Naom Lalhmangaihtluangi d/o Rothangpuii
12. Malsawmkima s/o F. Lalhruaitluangi
13. Philip Variety Store, Jail Veng
14. MZ 01 H - 7095
15. MZ 01 F - 0028 Bike - Lalthantluanga
16. MZ 01 H - 7729 Alto 800 R.Vansanga, RS
17. Vanlalchhuanga
18. Jobida V.L Hmachhuana
19. MZ 01 G - 3134- K. Thangkhuma
20. MZ 01 F - 2269 Lalramthianghlima
21. MZ 01 G - 0490 Lalramthianghlima
 
Direct Patron (Rs. 1000/-)
1. Chawngthanzami d/o Lalbiakzuala Hnamte
 
Life to Patron
1. MZ 01 F-5655 F. Lalrinliana CLS
2. Vanlalmuansangi d/o Vanlalrinmawia
3. Major Sangzuala
 
Patron to Chief Patron (Rs.4000/-)
1. H.S Laltanliana VS
2. Chalthanchhungi
3. Lalzamliana(Zamtea)
4. Rozuali LOMS
5. J. Lalrinmawii HLVS
 
Wedding Anniversary (Rs.250/-)
1. HS Laltanliana
2. Chalthanchhungi
 
Birthday Anniversary (Rs.250/-)
Lalthangi Sailo
 
Golden Pillar (Rs.1000/-)
Dr. K. Lalhruaitluanga
 
Memorial Gift (Rs.250/-)
1. C. Thangkima OF CSM petu Rodingliani HLT
2. R. Lianbanglova petu Dr. R. Lalthankhumi
3. K. Thanghleia petu K. Vanlaltlana VS
 
Bible Sunday Collection - Rs. 2790/-
BSI Campaign Thawhlawm - Rs. 1885/-
Grand Total - Rs. 40225/-
 
 
 
 
update As on 8th December, 2013


Pre-Christmas Hmang
 
Ni 03.12.2012 (Thawhtanni) zan khan SAY, Corps Cadet leh Y.P te chuan Pre-Christmas Celebration hun hlimawm tak mai an hmang hova, hemi zanah hian Gift keng lovin a aia mi harsa te pualin Bawm hun a ni a, bawmah hian Rs. 7,105/- lai mai a tla a, a thlak tute zawng zawng chungah SAY chuan lawmthu a sawi a, hemi bakah hian Maj. Lalthansanga Brigade te chuan Rs.500/- SAY hnenah an hlan bawk a, SAY chuan an lawmthu a sawi a ni. Tin, hemi zana Quiz neiha lawmman rawn tumtu Pu Vanlalrova te chhungkua, Zarkawt chungah SAY chuan lawmman tur thahnem tak mai an rawn thawh avangin lawmthu a sawi a ni.
 
 
Y.P Special Fund
 
Kar kalte Pathianni Ni 02.12.2012 khan Y.P Corps chuan mi harsa te tanpuina tur ip Y.P Special Fund chu naupangte hnenah a pe a, Corps chhunga Nu leh Pa ten kan lo hmu in a rinawm a, khami ip ah khan nu leh pa ten in phal ang tawk mi harsa tak tak te tanpuina turin lo thunsak turin YP Corps chuan a ngen che u a ni.
 
He Special Fund lo lutkhawm atang hian mi harsa tak tak chhungkua tanpuina pek an ni dawn a, chung zingah chuan Real Life Magazine-a an lo chhuah tawh te pawh tanpuina pek tum an ni bawk a ni.
 
Tin, he Special Fund a lo lut a zir hian Y.P Corps te chuan Carol Ni 11.12.2012 (Thawhlehni) leh Ni 13.12.2012 (Ningani) zanah te neih an tum bawk a, heta Carol neihna tur in te hi thlanchhuah an ni tawh a ni. Tin, Maj. Lalthansanga Brigade te chuan YP Corps in mi harsa te an tanpuina tur hian Rs. 1,000/- an pe bawk a, YP Corps chuan an chungah lawmthu a sawi bawk a ni.
 
 
S.A.Y. Christmas Carol
 
SAY Council in alo rel tawh angin Ni 19.12.2012 (Nilaini) leh Ni 21.12.2012 (Zirtawpni) zanah te neih tur a ni a, hemi atan hian SAY Member zawng zawngte kal ngei thei turin kan lo in buatsaih theuh dawn nia.
 
 
Hunpui Hmang Turin Lo Haw
 
Christmas hmang turin tunlai hian kan Corps chhunga Sipai hmun hrang hrang a awm te an lo haw mek zel a, hriat theih chinah chuan SAY member zingah Tv. Isaac Lalhlimpui pawh Delhi atangin Ni 05.12.2012 (Nilaini) khan dam takin Aizawl a rawn thleng a, chutiang bawkin Tv. Larry Lalrinsanga, Kolkata a awm pawhin dam takin Ni 06.12.2012 (Ningani) khan Aizawl a lo thleng bawk.


Update As on 1st December, 2013
 
 
World AIDS Day
 
Vawiin kha World AIDS Day a ni a, hemi ni pual hian Central North Division SAY te chuan chawhnu dar 1:00PM ah Millenium Centre tualzawl ah hun an hmang a, Items chi hrang hrang a awmin, Bazar Corps SAY te pawhin Creative Arts hmangin Pathian fak leh chawimawina hun tha tak an hmang a ni.
 
 
 
Pre-Christmas
 
Ni 03.12.2012 (Thawhtanni) lo awm turah hian Pre Christmas Celebration hun hman a ni dawn a, hemi hunah hian Civil Hospital a damlo mi harsa te pualin bawm hun a ni leh dawn a, Gift lei ai thlak tur a ni dawn a ni. He Pre-Christmas Celebration atana inbuatsaihna hian zanin Tawngtai Inkhawm banah SAY hnatlang koh a ni a, member te a tam thei ang ber kal kan tum dawn nia.
 
 
Pathian Chawmawi
 
Ni 28.11.2012 (Nilaini) khan nileng leh zan thlengin kan Biak In R.M Hall ah Pathian Chawimawina neih a ni a, Speaker ah Evan. Lalnghakliana, TEM Speaker chu hman a ni a, hun tha tak leh hlawkthlak tak hman a ni a, tlaiah ruai theh a ni bawk a ni.
 
Hemi ni a eirawng min bawl saktu Festival Committee chungah Corps chuan lawmthu a sawi a, tin, Pi Vanlalsangi, New Market chuan buhfai bag 1 a rawn thawh a, Nl. Judy Lalfakzuali, Drama i/c, SAY chuan Gas bur 2 a rawn tum bawk a, an chungah Corps chuan lawmthu a sawi a, Pathian in a let tam takin mal a sawm ngei ang tih kan ring a ni.
 
 
Mizoram Aiawha Kal Dam Takin Lo haw
 
Lalremtluanga s/o Lalzamlova, Police Quarter, Thana Tlang chu Under-12 a Mizoram aiawha Kolkata-a a kal hnu in tluang takin Ni 28.11.2012 (Nilaini) khan alo thleng a, tha taka zuk khelin goal te pawh a khung nghe nghe a ni. Hetiang ang naupang chhuanawm kan Corps in kan nei hi kan chhuangin a kal lehzelna turah duhsakna sang ber kan hlan bawk a ni.
 
 
SOUND SYSTEM REPORT
 
Kan Corps in Sound System tha tak mai kan nei a, heng kan Sound System kan neih theihna tur hian Corps chhunga Sipai te kan inpe in Appeal Letter SAY in an siam ah pawh thahnemngai takin kan thawh thin a, sum leh pai thawh thin zawng zawng te chungah Corps chuan lawmthu a sawi tak meuh meuh a ni.
 
Kan Sound System tha tak mai hi a man zawng zawng belhkhawmin Rs. 8,22,200/- man a ni a. Kan hriat theuh angin a tirin a ba in Delta Sound chuan min laktir a, Senior Corps leh Section hrang hrang te tangkawpin tunah hian rulh mek zel a ni.
 
Report tlangpui -
Invoice Amount - Rs. 8,22,200.00
Repairing Charge - Rs. 25,000.00
Shure Microphone - Rs. 21,548.00
Total Bill Amount - Rs. 8,68,748.00
Pek tawh zat - Rs. 4,69,000.00
La bat zat (as on 27.11.2012) - Rs. 3,99,748.00
 
Sound System kan lak tirh ruala kan lak tel loh Shure Microphone SVX 14E/PG185 - Rs. 21,548.00 man chu Ni 27.11.2012 (Thawhlehni) khan lak a ni a, hei hi FM Mic kan tih ang chi kha niin a tangkaizia chu nimin Inneihna Inkhawma kal te chuan kan hre vek awm e.
 
A man zatve aia tam mah kan rul tawh a, heng kan rulh theih nana mi inphal tak tak ten ui lova sum leh pai an thawh thin avangin kan leiba la neih pawh hi rulh zawh vat kan in beisei a ni. A bik takin Pu Vanlalrova te chhungkua, Zarkawt chungah lawmthu kan sawi duh a, anni chhungkua hian he Sound System kan neih theihna tur atan hian Rs. 1,00,000.00 (Nuai khat) Corps hnenah an hlan a ni.
 
Sound System tha neih that zia chu Camping kan neih zawh takah leh Sipai khawmpui kan neih zawh takah khan kan hre vekin a rinawm a, a man kan la pek tlak loh te kan pek tlak vat theih nan Corps chhunga Sipai ten tun aia nasa hian tan i han la leh teh ang u.
 
 
As on 24 November, 2012


Pre-Christmas

Ni 03.12.2012 (Thawhtanni) lo awm turah hian Pre Christmas Celebration hun hman a ni dawn a, hemi hunah hian Civil Hospital a damlo mi harsa te pualin bawm hun a ni leh dawn a, Gift lei ai thlak tur a ni dawn a ni. He Pre-Christmas Celebration atana inbuatsaihna hian Ni 01.12.2012 (Inrinni) zan Tawngtai inkhawm banah SAY hnatlang koh a ni a, member te a tam thei ang ber kal kan tum dawn nia.


PATHIAN CHAWIMAWINA NEIH A NI DAWN

Ni 28.11.2012 (Nilaini) ah hian Corps pum huapin Pathian Chawimawina Ni neih a ni dawn a, hemi ni a thil tul tih ngai te hi SAY in a bultum vek dawn a ni. Hemi ni ah hian chawhma dar 11:00AM ah Inkhawm tan a ni dawn a, tlaiah ruai siam a ni anga, zan Inkhawm tlang nghal tur a ni bawk a ni. Hemi ni hi Evan.Lalnghakliana (Nghaktea), TEM Speaker chuan min rawn hmanpui dawn a ni. Hemi ni a eirawng min bawl sak turin Festival Committee chu ruat an ni. Hemi pual hian Thianghlimna Inkhawmah Bawm hun a ni leh dawn a, thahnemngai takin Sipai ten Pathian Chawimawina tur a ni tih hriain kan thlak theuh dawn nia. Tin, Pathian Chawimawina neihna tur atan hian Nl. Judy Lalfakzuali, Drama i/c, SAY chuan gas bur hnih a thawh a ni. Corps chhunga Sipai zawng zawng te kal vek kan tum dawn nia.


Sipai ah mi 4 lawmlut

Ni 21.11.2012 (Nilaini) zan Sipai Inkhawmah Maj. Lalhruaikima, Commanding Officer chuan Sipai ah mi 4 (pali) a lawmlut a, hemi zan hian 3 (pathum) an rawn inkhawm a ni. Sipai thar kan neih belh avang hian Pathian hnenah lawmthu i sawi ang u.



Naute Thar Nei

Pu Lalchhanhima leh Pi Lalhlimpuii (Kimkimi), (c/o Pu Ramchhana) Saron Veng te nupa chuan Ni 23.10.2012 (Thawhlehni) khan Seventh Day Adventist Hospital, Seventh Day Tlang ah fanu duhawm tak Malsawmdawngzeli an nei a, kan lawmpui hle a ni.


World AIDS Day

Ni 01.12.2012 (Inrinni) lo awm tur hi World AIDS Day a ni a, hemi ni pual hian Central North Division SAY te chuan chawhnu dar 1:00PM ah Millenium Centre tualzawl ah hun an hmang dawn a, Items chi hrang hrang a awm dawn a, Bazar Corps SAY te pawhin Creative Arts an entir dawn a ni. Hemi ni ah hian Bazar Corps SAY te chu kim taka kal turin min beisei a ni.


CAROL NEI DAWN

Central North Division SAY Council thuchhuak angin Ni 19.12.2012 (Nilaini) leh Ni 21.12.2012 (Zirtawpni) zanah Bazar Corps SAY te chuan Christmas Carol in hrang hrangah kan nei dawn a, Corps chhunga Sipai chhungkaw tin te he Carol kan neih zan tur hi min lo hriatsak turin kan in ngen a ni.


INNEI DAWN

Ni 30.11.2012 (Zirtawpni) lo awm turah hian Tv. Andrew Dokima s/o Neihi Dokima leh Nl. Zohmingliani Bualhrang d/o Vanlalchhuana te chu R.M Hall ah Sipai Pawl Dan Thianghlimin an innei dawn, Sipai ten tawiawm theuh i tum ang u. Inneih hun hi chawhnu Dar 1:00PM a ni.



SIPAI KHAWMPUI VAWI 11-NA
Bazar C.O Bial Sipai inkhawmpui Vawi 11-na chu ni 24th - 25th November, 2012 chhung hian kan Corps, R.M Hall ah nghah a ni. Inrinni chhun atangin hun hman a ni dawn a, dar 11:00AM ah Rorel Inkhawm leh Hruaitu thar te hlanna neih a ni dawn a ni. He Rorel Inkhawm a Recording Secretary atan Pu F.Lalrinliana, CLS leh Pu Lalruatdika, CCG te chu ruat an ni.

Sipai Khawmpui ah hian Palai Lawmna Inkhawm zanin a neih turah kan Corps SAY Zaipawl neih tur a ni dawn a, ‘Aw Ropui Ber’ tih hla bu no.1na chu Band nen sak tur a ni a, SAY Member te a tam thei ang ber he zaipawl ah hian tel tur a ni. Tin, Bazar Corps Band te chuan naktuk chawhnu Fakna Inkhawm ah item an nei bawk ang.

Sipai Khawmpui lo awm tur atan heng mi te hi Ushers tura ruat an ni:
1. K. Lalhmangaihzuali
2. Lalchhuanawmi
3. K. Lalnunmawii
3. Lalrinzami
4. K. Lalrinkimi
5. Lalnunsangi
6. K. Lalnunsanga
7. K. Lalrinfela
8. Abel Lalbiakhlua

Heng Ushers tura ruat te hi a hma thei ang bera kal tura ngen kan ni a, dar hmasa rik hma a Biak Ina kim theuh kan tum dawn nia.

Bial Sipai Khawmpui chhung hian Musician turin Tv. Philip V.L Rinpuia, Tv. Freddy Lalramnghaka leh Tv. Erick V.L Ngaihsaka te ruat an ni a, zai hruaitu atan Candidate Vanlaldiki Sailo leh Tv. Lallawmzuala te ruat an ni a, Khuangpu atan Pu C.Lalbiakmawia, Col. Srgt. leh Pu Ngursailova te chu ngen an ni.

He Sipai Khawmpui ah hian Pathianni tlaiah Senior Corps chuan palai te tan ruai a buatsaih sak dawn a ni.


As on 17 November, 2012


Lawmpui

Kan SAY Member Nl. Vanlalmuansangi d/o Pu Vanlalrinmawia, Dawrpui South chu M.Sc (Agri) Distinction a a pass hnuin Agriculture Department hnuaia 'Subject Matter Specialist' in Agri Chemistry & Soil Science hna a hmu thar a, tin, kan SAY Member Tv. Ricky Lalrintluanga s/o Pu Lalzamliana, Dinthar-I pawhin Aizawl Civil Hospital ah hna tha tak mai a hmu bawk a, hetiang ang thalai kan Corps in kan nei hi kan chhuangin kan lawmpui hle a ni. An hmalam hun zel atan duhsakna sang ber kan hlan bawk e.



Rawngbawl in zinchhuak

Kan SAY Assistant Secretary Tv. Nelson Lalthanpuia Sailo chu The Leprosy Mission hnuaia Inkhawmpui lian ber The Leprosy Mission General Meeting hmang turin a telna Leprosy Mission Choir te chu nimin zing khan Saiha lam an pan a, Ni 19.11.2012 (Thawhtanni) ah Aizawl lam panin an rawn haw leh ang.

Tin, Maj. S.T Dula leh Maj. C.Malsawmi te pawh Ni 16.11.2012 (Zirtawpni) zing khan Lunglei lam panin an chhuak a, Maj. S.T Dula bik hi Lunglei, Lawngtlai leh Saiha ah te rawngbawlna hrang hrang neiin a kalkual anga, Ni 15.12.2012 (Inrinni) ah Aizawl lam rawn haw a tum a ni.

Rawngbawlna hrang hrang nei tura kan Corps atanga chhuak te hi Pathianin an kalna hmun apiangin a hman theih nan leh midangte tana malsawmna tam tak thlentu leh thlarau bo tam tak Pathian hnena hruaitu an nih theihna turin Corps chhunga Sipai zawng zawngten i tawngtaipui ang u.



CAMPING VAWI - 3 NA REPORT

Pathian kaihhruaina in Camping chhawng 3-na leh a hnuhnung ber chu neih zawh a ni leh ta a, Pathian awmpuina leh kaihhruaina nasa takin kan dawng a ni. He Camping ah hian Campers mi 47 (Mipa 22, Hmeichhia 25) an riak lut a, lang a chhimtu mi 18 awmin an vaiin mi 65 an ni a, tukin tukthuan eikham khan Campers te an hi chhuak a ni.

He Camping chhawng 3-na atan hian mi inphal tak tak ten thilpek chi hrang hrang an pe a, sum leh pai in leh choka mamawh thil chi hrang hrang pe tute kan han tarlang ange -

Sum leh pai pe tu te :
1) Pu T.H Vanlalreia, CS - Rs. 10,000/-
2) Pu Robert V.L Thlamuana, OSCS - Rs. 10,000/-
3) Pu C.Lalbiakmawia, Col. Srgt. - Rs. 5,000/-
4) Dr. K.Lalhruaitluanga, Secy., SAY - Rs. 5,000/-
5) Pu F.Lalrinliana, CLS - Rs. 5,000/-
6) Bazar Y.P Corps - Rs. 5,000/-
7) Maj. P.C Thansanga - Rs. 3,000/-
8) Pu K. Hmingthanga, RS - Rs. 3,000/-
9) Pu R.Vansanga, RS - Rs. 1,000/-
10) Pi Lalbiakhnuni - Rs. 1,000/-
11) Pi Lalhmachhuani - Rs. 1,000/-
12) Maj. Lalthansanga Brigade - Rs. 500/-

Heng sum leh pai a thilpek rawn lut bakah hian mi inphal te chuan choka mamawh hrang hrang an rawn pe bawk a, chung te chu -
1) Pi Vanlalsangi, New Market - Purun Sem 3 kgs
- Tel 1 ltr.
- Chini 2 kgs.
- Thingpui fe
2) Pu C.Lalbiakmawia, Col. Srgt. - Gas bur khat
3) Pu John L.T Sanga - Buhfai bag 1
4) Pi Chhuani Hauhnar - Amulia 1 kg.

Heng bakah hian Camping Pual a Bawm hunah Rs.5,891/- lai a tla bawk a, Camping chhawng 3-na atana sum rawn lutkhawm zawng zawng hi Rs. 49,500/- lai a tling a, sum leh pai leh thilpek chi hrang hrang pe tu zawng zawng te hi Pathianin a let tam takin malsawm rawh se.


As on 11 November, 2012


T.S Member Thar

Kan SAY Member pahnih Nl. Zulvelin V.L Rosangi leh Nl. H.Lalhriatpuii te chu India Eastern Territory Territorial Songsters member atan ruat thar an ni a, kan lawmpui hle a ni. Hetiang ang member kan nei hi kan chhuang hle a, mite tana malsawmna ni turin duhsakna sang ber kan hlan bawk a ni.


Thilpek pe

Pu C.Lalbiakmawia, Col. Srgt., Dawrpui Jail Veng te chhungkua chuan Camping chhawng hnihna neih mek atan Taaza Case khat, Buhfai bag 1 leh Alu bag 1 an pe a. Pu John L.T Sanga chuan Camping a hman turin Gas bur khat a tum bawk a, tin, Pi Zothani, Saron Veng te chhungkua chuan Camping atan Milkmaid bur khat an thawh bawk a ni. Heng mi inpe tak tak chhungkua te avang hian kan Camping hi a hlawhtling thei a, an chungah Corps chuan lawmthu a sawi a, Pathian malsawmna a let tam taka an dawn theih nan Corps chhunga Sipai te pawhin i dilpui ang u.


Camping Pual Bawm

Camping pual a bawm hun ah Corps chhunga Sipai ten thahnem ngai takin kan thlak a, Camping chhawng khatna a bawm hunah khan Rs. 3,670/- lai a tla a, tin, Camping chhawng hnihna atana bawm hunah Rs. 9,600/- lai a tla bawk a ni. Camping hlawhtling nan a sum leh pai ui lova thawhtute zawng zawng chungah Corps chuan lawmthu a sawi a, Pathianin a let tam takin mal a sawm ngei ang tih hi kan tawngtaina a ni.


CAMPING HLAWHTLING TAK NEIH A NI

Kan hriat theuh angin kar kalta Ni 01.11.2012 (Ningani) atanga Ni 03.11.2012 (Inrinni) chhung khan Gospel Camping hlawhtling tak Bethesda Team kaltlang in neih a ni a, campers mi 55 awmin Thlarau Thianghlim awmpuina duhawm tak changin Ni 03.11.2012 (Inrinni) zan Tawngtai Inkhawm banah campers te chu an chhuak a ni.

Ni 04.11.2012 (Pathianni) atangin Camping follow-up neih chhunzawm a ni a, Pathian Thlarau Thianghlim awmpuina nasa Inkhawm ten changin inkhawm hlimawm leh hlawkthlak tak neih a ni a. Ni 05.11.2012 (Thawhtanni) zan thleng follow-up hlawhtling tak mai neih a ni a, Pathian Thlarau Thianghlim inpuanna a ropui in Hriatpuina sawi te an tam thei hle a, Pathian chibai bukna (Worship) hlawkthlak tak mai te neih niin Sermon ropui tak tak, chona siam tak tak te ngaihthlak thin a ni.


As on 4 November, 2012


Gospel Camping Nei

Ni 01.11.2012 (Ningani) zan atang khan Corps pum huap Gospel Camping chu neih a ni a, a hlawhtlingin Campers mi 55 lai mai an riak lut a, heng zingah hian Kohhran dang unaute atangin mi 7 an tel a ni. Tin, Bethesda Team member 7 an rawn thawkchhuak bawk a ni. Ni 01.11.2012 zanah hian dar 7:30PM ah Inkhawmna neih niin Team ten Campers zawng zawng te hriakthih rawngbawlna neihsak in hun bul tan a ni a, Camping a sermon hmasa ber Team Speaker Evan. Lalthanzama Hrahsel hnen atangin ngaihthlak a ni.

Campers te zing dar 5:00AM ah thovin thingpui inna te neih anih hnu dar 6:00AM ah Team kaihhruaina in insawizawina leh Devotion hun te hman a ni a, nikhatah sermon vawi 4 te ngaihthlak a ni a, zan dar 9:00PM thleng hun hman thin a ni bawk a ni.

Camping neih chhung hian hun chi hrang hrang hman a ni a. Devotion, Group Discussion, Mass Councelling, Praise & Worship leh Tawngtaina hun te Team kaihhruaina hnuaiah hlim takin an hmang a ni.

Camping chhung hian eirawngbawl tura ngen Festival Committee te, Camping neih chhung zawngah Campers te leh Team te tana lo tawngtai thin Tawngtai Khawl te leh chanvo hrang hrang nei tura ruat ten tlawmngaih chhuah a mahni chanvo theuh tha tak leh felfai taka an tih hlawhtlin vek avang an chungah SAY leh Corps chuan lawmthu an sawi a ni.



Y.P Corps Hnatlang Neih A Ni


Ni 24.10.2012 (Nilaini) khan Bazar Y.P Corps te chuan Y.P Hall a thilsiam that ngai leh thawmthat ngai te siamthatna leh thawmthatna hnatlang an nei a, Company leh naupang te nilengin hnatlang an nei a ni.

He hnatlangah hian Y.P Hall platform chu siamthat a ni a, tin, sound system (mixer, amplifier etc) dahna te siamtha in a hma aia felfai zawk leh tha zawka enkawl a nih theih nan a hunna te sawn a ni.



Corps Telephone Directory

Bazar Corps chhung bik atana Bazar Corps Telephone Directory Maj. Lalthansanga Brigade ten an siam chu peih fel a ni ta a, A man hi Rs.100.00 a ni.


TERRITORIAL S.A.Y COUNCIL NEI

A hmun - Dawrpui Vengthar Corps
Ni 02.11.2012 (Zirtawpni) zan dar 6:30 PM khan Territorial SAY Council chu tan a ni a, Major V.L.Fela TYS in inkhawm hmasa ber kaihruaina a nei a, Nl. Ruby, ECM chuan Pathian hnena hlanna a nei a ni. He inkhawmah hian rorelna a awmlo a, Division 6 atangin rawngbawlna report an ngaihthlak a ni a, TSAY atang pawhin report pek a ni bawk. Vawiin Ni 03.11.2012 (Inrinni) nileng khan rorel inkhawm neih a ni a, SAY Dan Bu chungchang chu sawiho a ni. Zanin lamah Pathian biak inkhawm pangngaia hun hman a ni ang a, naktuk Pathianni (04.11.2012) ah pawh inkhawmna hun vawi thum a awm ang. Pathian biak inkhawm ah hian Territorial Evangelical Ministry (TEM) Speaker thenkhatten thu an sawi ang a, Sunday zanah TYS in thu a sawi ang. Heta hun hmangtu turte chu :
Ni 03.11.2012 (inrinni zan) J.Lalthangliana “Isua thiante team” Speaker.
Ni 04.11.2012 (Sunday zing) Challianthanga
Ni 04.11.2012 (Sunday chhun) Lalnghakliana RS
Ni 04.11.2012 (Sunday zan) Major Vanlalfela TYS
Mimal zaia rawngbawl tur an awm ang a, CO Bial Zaipawl, Corps Zaipawl, Division Zaipawl te, Territorial Zaipawl ten hun an hmang bawk ang. He council ah hian kan Corps atangin Leader leh Secretary te chu tel tura beisei an ni.


As on 27 October, 2012


Lawmpui

Nl. Lalhmingliani c/o Pu Hranglawta Sailo, Saron Veng chu Mizoram University in B.Sc Nursing result an tihchhuah takah khan Mizoram College of Nursing (MCON) atangin B.Sc (Nursing) chu Disctinction ah a pass a, a pumpuiah 2-na a ni pha nghe nghe a ni. Hetiang ang thalai kan Corps in kan nei hi kan chhuangin kan lawmpui hle a, a kal lehzelna turah duhsakna sang ber kan hlan bawk a ni.



Generator Nei Thar

Kan Corps chuan kan Biak Ina hman tur Honda 5.5 KVA Generator kan nei thar a, a lawmawm hle a ni.


As on 20 October, 2012


Self Denial

Ni 07.10.2012 (Pathianni) a Self-Denial thawhlawm lakkhawm chu Rs.2,79,762.00 a ni a, nikumah Rs. 2,39,220.00 lakkhawm niin nikum kan khumna chu Rs. 40,543.00 in kan khum a ni. Lalpa chu fakin awm rawh se.


Ropuinaah Kaisang

Kan SAY Member Tv. Daniel Lalhmangaihchhunga s/o Pu B.Zorampara, Saron Veng ni 15.10.2012 (Thawhtanni) khan Khawsikpui natna avangin Ropuinaah a kaisang a, a kalsan tak a chhung leh khat te tan Pathian awmpuina leh thlamuanna i dilpui ang u.


Rally Hlawhtling

Central North Division SAY Rally Ni 13-14, October 2012 chhunga neih chu hlawhtling takin zawh a ni a, Bazar Corps atanga items Creative Art leh Bazar Corps Band te pawhin hun tha tak neiin hun an hmang a, Pathianni zingah Bazar Corps Band ten Tuidam kawn zau laiah mual inkhawm neiin khawchhung mipui te leh khawmpui palai ten an hlut hle a ni.

As on 13 October, 2012


S.A.Y Rally Nei

Central North Division SAY Rally chu nizan (12.09.2012) khan Tuidam Field ah tan a ni a, hemi zan hian kan Corps atangin Nl. Judy Lalfakzuali, Drama i/c chuan Inkhawm a kaihruai a, Bazar Corps SAY te chuan zai hruaina an nei a ni.
Kan Corps atang hian Bazar Corps Band te leh Creative Art item te neih a ni dawn a. Tin, Bial atangin Bial SAY Songsters leh Bial Zaipawlpui te neih a ni dawn bawk a. Heng items te hi tha taka tih anih theih nan leh he khawmpui ah hian Pathian Thlarau Thianghlim a thlen theih nan Sipai tin ten nasa takin i tawngtaipui ang u.



L.O.M RAWNGBAWLNA


Ni 04.10.2012 (Ningani) kha Bazar Corps-a League of Mercy (LOM) te chuan Pi Vanlalruati te nupa, Aizawl Civil Hospital a awm chu an tlawh a, Rs. 1,000/- in an tanpui a ni. Pi Vanlalruati te nupa hi natna harsa tak mai vei an ni a, Home hrang hrangah te pawh an lo awm tawh thin a ni. LOM rawngbawlna atan leh Pi Vanlalruati te nupa tan hian Sipai tin ten i tawngtaipui ang u.


Gospel Camping

Kan Corps in hun rei tak ata kan lo beisei leh kan tawngtainaah te pawh kan lo dil thin Gospel Camping chu November ni 1-3, 2012 chhung hian neih tur a ni dawn a, speaker atan Crussade hlawhtling taka min lo neihpui tawh tu Evan. Lalthanzama Hrahsel, TEM Speaker a ni ang.
 

 

As on 6 October, 2012

 

RALLY CHUNGCHANG...

 

# SAY Rally na a  kalturte chuan thosi len ken ngei ngei tur a ni a, mutbu hi Ni 11.10.2012 (Ningani) zanah RM Hall ah dahkhawm vek tur a ni.

 

# Zirtawp zing dar 6 ah RM Hall kawt atanga chhuah tur a ni a, kal tlai te chu tlansan an ni  ang.

 

# SAY member kal tur te chuan kalkawnga chaw eina tur mahni intum theuh tur a ni ang.

 

# Pu R.Thankunga (Thantea) te chhungkua in min lo thleng dawn a ni.

 

# Teirei Forest a kan SAY member Evangelist Teacher Candidate Vanlalringa leh Candidate Lalmalsawmi te leh an thiante pathum chuan Dapchhuah ah min lo nghak dawn.

 

# SAY member ten chawhmeh-dal, alu etc. ken ni se, thlenin te tihautak lo a kan awm theih nan. Hemi bakah mahni hman mamawh tur - toiletries(toothpaste, sabon etc.) intodelh vek ni se.

 

# Tuidam a mi harsa tanpui ngaite tanpui na turin Ni 08.10.2012 (Thawhtanni) zan SAY inkhawmah hian Bawm hun a ni dawn a, SAY ten kan theih anga tam Pawisa thlak theuh kan tum dawn nia.

 

# Rally-a kalna tur Rs. 15,000/- Senior Corps in min tumsak avangin kan lawm hle bawk.

 

# Rally na ah hian zinkawngah leh a hmunah pawh Convener turin Pu C. Lalthlamuana leh Pu Peter Lalthasiama te ruat an ni a, thuawihlo leh tihmawh awm lo tur in kan awm theuh dawn nia. Anni kaihhruaina hnuaiah hian kallam leh haw hun thlengin kan awm dawn a, bus chuan chungchangah te, tin, thlenna hmunah pawh an kaihhruaina hnuaiah kan awm reng dawn a, tumah an thu hnial zawng leh thuawihlo zawnga awm loh tur a ni.

 

# Zirtawp zan Welcome Meeting a zai hruai turin Tv.Lallawmzuala, Tv. Lalthansanga, Tv. Philip VL Rinpuia, Tv. Freddy Lalramnghaka, Tv. Oliver Zothanpuia, Tv. Eric VL Ngaihsaka leh Candidate Vanlaldiki Sailo te ruat an ni.

 

# Tuidam a ken tur gas lo ngaihtuah turin Nl. Judy Lalfakzuali leh Nl. H. Lalhriatpuii te ruat an ni a, anni hian hma lo la in gas ken tur bur hnih a awm thei dawn a, an chungah SAY chuan lawmthu an sawi a ni.

 

# Bazar Corps Band ten Ni 13.10.2012 (Inrinni) Chawhma inkhawm ah item an nei ang a, Bial zaipawlpui (Halleluiah Chorus) chu Ni 14.10.2012 Thianghlimna inkhawm ah an neih a ni ang. Tin, kan Corps in Creative Arts Tawngtai inkhawm zan ah kan entir bawk ang.

 

 

Lawmthu sawi

 

Kan Corps atanga Teirei Forest a Evangelist Teacher a chhuak Candidate F.Vanlalringa leh Candidate Lalmalsawmi te nupa in kan Corps a Sipai te min ngenna anga Toys leh naupang lawm chi hrang hrang petu te zawng zawng chungah Bazar Corps SAY te leh Y.P Corps te chuan lawmthu an sawi a ni.

 

 

Lawmpui

 

Kan SAY Member Tv. Jesse Lalrinchhana s/o Maj. R.Lalbiakliana chuan NIELIT atangin BCA 1st Division ah a pass a, hetiang ang member kan nei hi kan chhuang in kan lawmpui hle a, a kal lehzelna turah duhsakna sang ber kan hlan bawk a ni.

 

Tin, kan SAY member Tv. P.C V.L Remtluanga chuan Taekwondo North East Zone Championship 2012 ah kg 85 chung lamah Silver Medal a la a, National Championship ah North East ai a awh nghal bawk ang. Hetiang ang member kan nei hi kan chhuang hle a, a kal lehzel na turah duhsakna kan hlan a ni.

 

 

Hriattur Pawimawh

 

Karleh Ni 12.10.2012 (Zirtawpni) atanga tan tur SAY Rally a kan Corps SAY atanga kal tum zawng zawng te chu Ni 08.10.2012 (Thawhtanni) zan SAY Inkhawmah kim taka inkhawm tur a ni a, hemi zanah hian khawmpui kal tum zawng zawng ten hming pek luh vek tur a ni. SAY Inkhawm zana kal hmanlo tur kan awm anih chuan SAY hruaitute hrilh tura ngen leh hriattir kan ni.

 

 

Zirna Hmun Lam Pan

 

Kan SAY Member Nl. Janice Lalchungnungi d/o Pu Lalsawmliana Rokhum, Dinthar-I chuan Ni 01.010.2012 (Thawhtanni) khan a zirna chhunzawm turin Delhi lam a pan a, tluang taka a zirna a chhunzawm theihnan leh hlawhtlinna tha tak a neih theih nan SAY chuan duhsakna kan hlan a ni.

 

 

Prayer Ministry

 

Prayer Ministry Inkhawm kar leh Ningani (Thursday) Ni 11.10.2012 zan dar 7:00 ah R.M Hall ah neih leh tur a ni a. Hruaitu atan Pi Tlangthangpuii, YPT a ni ang. Hetah hian a thei apiang kal tur a sawm kan ni a, a thei thei in chaw nghei tur a ni bawk a ni.

 

 

Gospel Camping

 

Kan Corps in hun rei tak ata kan lo beisei leh kan tawngtainaah te pawh kan lo dil thin Gospel Camping chu November ni 1-3, 2012 chhung hian neih tur a ni a, speaker atan Crussade hlawhtling taka min lo neihpui tawh tu Evan. Lalthanzama Hrahsel, TEM Speaker a ni ang. He camping lo awm tur atan hian Sipai tin ten thahnem ngai takin kan tawngtainaah i hria ang u.

 

 

SAY RISING DAY VAWI 58-NA

 

Territorial Headquarters in a lo pawmpui tawh angin October ni 8,2012 Thawhtanni hi SAY dincham 58-na a lo ni ta reng mai. Kum 1954 October ni 8 khan Saitual ah Inkhawmpui neih a ni a, Saitual khaw pawn atangin palai hming inziaklut mi 500 lai an ni a, khawtual inkhawm te nen chuan 1000 chuang an ni a, an hlim hle a, he inkhawmpui neih ni hi hun lo kal zelah Thalai rawngbawlna SAY lo intan hunah ngaih ni in Rising day ah puan a lo ni ta.

 

Tunah hian India Eastern Territory ah hian Division parukah SAY member a inpe mi Sing chuang teh meuhin rawngbawlna an kalpui mek a ni.

 

Salvation Army, IET ah hian hetiang hian hming hran hran vuahin Thalai rawngbawlna kalpui a ni tawh thin.

1. 1954-1971 chhung- Thalaite

2. 1971-1981- Torchbearer Group Movement

3. 1981-1995- The Young Crusaders

4. 1996-vaiin thleng - Salvation Army Youth

 

 

 

As on 29 September, 2012

 

 

Crusade Hlawhtling

 

 

Ni 22.09.2012 (Inrinni) zan Tawngtai Inkhawm atang khan SAY hmalakna in Retreat chhunzawmna atan Crusade neih a ni a, hun hlimawm tak leh hlawkthlak tak mai Ni 24.09.2012 (Thawhtanni) zan SAY Inkhawm thleng khan hman a ni. He crusade ah hian Speaker atan Pu Lalthanzama Hrahsel, TEM Speaker hman niin Pathian Thlarau Thianghlim awmpuina nasa takin SAY Member te leh he crusade chhimtu Corps chhunga Sipai te chuan an chang a ni.

 

 

Human Trafficking

 

Ni 30.09.2012 (Pathianni) hi ‘A day of prayer for victims of Human Trafficking’ pual a hman a ni a, Thupui hrang hrang hmangin tawngtaina neih tur a ni dawn a, Pathianni zan Chhandamna Inkhawm thlengin he ni pual hi hman a ni.

 

 

 

Toys la thehluh theih

 

Kan Corps atanga Teirei Forest a Evangelist Teacher a chhuak Candidate F.Vanlalringa leh Candidate Lalmalsawmi te nupa in kan Corps a Sipai te min ngen angin an awmna hmun a naupang te inawmtleina tur Toys (Naupang lawm) chu lakkhawm mek zel a ni a, naktuk Pathianni ah pawh hian a duh tan la kenkhawm theih a ni a, thehluh tur nei kan la awm anih chuan YP Hall ah dah tur a ni.

 

 

 

As on 22 September, 2012

 

Retreat Nei

 

Vawiin Ni 22.09.2012 (Inrinni) chawhma dar 10:00AM atang hian kan Corps SAY te hmalakna in RM Hall ah Retreat neih a ni a, speaker atan Evan. Lalthanzama Hrahsel, TEM Speaker chu hman a ni a, hun hlimawm tak leh hlawkthlak tak hman a ni. Tlai ah chawhlui kilhona neih a ni bawk. Retreat hi zanin Tawngtai Inkhawm atangin follow-up programme anga chhunzawm tur a ni dawn a, karleh Ni 24.09.2012 (Thawhtanni) zan SAY Inkhawm thleng a awh ang. He follow up programme a tel tur hian Corps chhunga Sipai zawng zawng te sawm kan ni a, tin, he Retreat atanga Thlarau Thianghlim hnathawh kan Corps ah alo thlen ngei theih na turin Sipai tin ten kan tawngtainaah i hre reng ang u.

 

 

Corps Cadet Rally

 

Ni 13-16 September 2012 chhung Darlawn a Corps Cadet Rally neih chu hlawhtling tak leh hlawkthlak takin hman zawh a ni a, kan Corps a Corps Cadet te pawh hlawkna tam tak nen Ni 17.09.2012 (Thawhtanni) chawhnu dar 2:30PM khan dam takin an rawn thleng leh a ni. Kan Corps Cadet te Item neih Pathianin a chawimawi a, request vawi hnih (2) lai dawngin khawmpui tiak zanah phei chuan an lamna ‘Chungkhaw ri’ hla ah inkhawm zawng zawng te an chai mup mup mai a ni.

 

 

Hnatlang nei

 

Ni 19.09.2012 (Nilaini) khan YP Corps hnatlang neih a ni a. He hnatlangah hian YP Corps a naupang, nu leh pa leh zirtirtu eng emaw zat an thawkchhuak a, YP Hall chhung thenfai ngai leh tihfai ngai te an tifai a ni.

 

 

 

As on 15 September, 2012

 

Corps Cadet Rally

 

Central North Division Corps Cadet Rally chu tunkar ni 13.09.2012 (Ningani) atang khan tan a ni a, kan Corps a Corps Cadet te pawhin he Rally ah hian Items vawi 2 an nei dawn a, tin, Pathianni Thianghlimna Inkhawmah zai an hruai dawn bawk a ni. Tin, he Rally ah hian kan Corps atangin Pi Mary Vanlalhumi (w/o Pu Robert V.L Thlamuana) chuan Badge of Merit a dawng bawk dawn a ni. He Rally hi hlawk taka hman a nih theih nan leh kan Corps Cadet te pawh dam taka Aizawl an rawn thlen leh theih nan Sipai tin te i tawngtaipui ang u.

 

 

Toys khawn dawn

 

Kan Corps atanga Evangelist Teacher ni a kalchhuak Candidate F.Vanlalringa leh Candidate Lalmalsawmi te nupa awmna hmun Teirei Forest-a Pre-School a naupang khal tur leh in awmtlei na turin kan Corps chhungah Toys hlui leh naupang lawmzawng thil te SAY chuan hun remchang hmasa berah an rawn khawn dawn a, Corps chhunga Sipai chhungkaw zingah pek tur nei kan awm anih chuan lo in ralring turin kan inngen a ni e. 

 

 

Hnatlang nei

 

Ni 11.09.2012 (Thawhlehni) zan khan Central North Division Rally, Tuidam a neih tur pandal structure thiarna hnatlang Sikulpuikawnah neih a ni a, Corps hrang hrang 7 (pasarih) atangin an kalkhawm a, kan Corps SAY atang pawhin mi 13 lai an thawkchhuak a, zan dar 1:30AM vel thlengin structure loadna hna hi thawh a ni.

 

 

 

As on 8 September, 2012

 

Corps Cadet

 

Kan Corps a Corps Cadet te chuan ni 04.09.2012 (Thawhlehni) khan Hotel Regency, Zarkawt ah ICFAI programme a item neitur a sawm an nih angin Pathian fakna hla hmangin lam an entir a, hun hlawhtling tak an hmang a ni.

Central North Division Corps Cadet Rally chu karleh ni 13.09.2012 (Ningani) atanga tan tur a ni a, kan Corps a Corps Cadet te pawhin he Rally ah hian Items vawi 2 an nei dawn a ni. Tin, he Rally ah hian kan Corps atangin Pi Mary Vanlalhumi (w/o Pu Robert V.L Thlamuana) chuan Badge of Merit a dawng bawk dawn a ni.

 

 

Lawmpui

 

Kan SAY Member Nl. Vanlalmuansangi d/o Pu Vanlalrimawia (Mawitea), Dawrpui South chuan M.Sc (Agri) First Class a a zawh hnu in ni 04.09.2012 (Thawhlehni) khan dam takin Aizawl a rawn thleng. Hetiang ang member kan nei hi Bazar Corps SAY te chuan kan chhuangin, a kal lehzelna turah duhsakna sang ber kan hlan bawk a ni.

 

 

Dam takin chhuak

 

Pu Vanlalzarzokima (Mazara), Dawrpui South chu Durtlang Hospital a hlawhtling taka zai a nih hnu in Ni 05.09.2012 (Nilaini) khan in lama in enkawl turin dam takin a rawn chhuak. Sipai ten hma a sawn zel theih nan i tawngtaipui ang u.

 

 

Cassette Release

 

Vawiin chawhnu dar 2:00PM khan Central North Division Songsters te chuan an Album hmasaber chu R.M Hall ah release na an nei a, hun tha tak an hmang a ni.

 

 

 

As on 1 September, 2012

 

SAY Bial Meet

 

Ni 02.09.2012 (Pathianni) nileng leh zan khan Chanmari West Corps ah Bazar C.O Bial SAY Meet chu neih a ni a, hetah hian kan Corps atangin Bazar Corps Band leh SAY Creative Art te items neih a ni a. He meeta Speaker chu Pu Lalthanzama Hrahsel, TEM Spekaer ni.

 

 

 

Beihrual

 

 Ni 03.09.2012 - 28.09.2012 chhung khan Beihrual Programme neih a ni a, group hnih (2) ah inthenin fehchhuah inkhawmna neih thin a ni.

 

 

 

League Of Mercy te luanchhuahna

 

Dt. 22.08.2012 (Nilaini) khan Bazar Corps League of Mercy te chuan Pi Ramnghinglovi, Saron Veng chu Rs.1,000/- in an tanpui a. Pi Ramnghinglovi hi Damdawiin ah te a awm a, an chhungkaw dinhmun te an ngaihtuah in LOM te chuan tanpui ngei tha an ti a, tanpuina thilpek hi an pe ta a ni. Pi Ramnghinglovi hi hmeithai niin a fanu nen harsa takin an khawsa ve a ni.


As on 25 August, 2012


Sawm-a-pali pe

Teirei Forest a Evangelist Teacher a kal mek kan SAY Member Candidate F.Vanlalringa te nupa chuan an lawmman hmasa ber an lak atangin sawm-a-pali Rs.2,400/- chu Corps Missionary Board hnenah an hlan a ni.


Lawmpui

# Nl. C.Zothansangi, Chhinga Veng chuan Jadavpur University, Kolkata atangin B.Ed in Locomotor Impairment and Neuro Muscular Disorder chu tha takin a zo a. Mizo he subject lo zing tawh zawng zawng zingah ala ti tha ber a ni. Tin, Nl. C.Zothansangi hian Gilead Special School ah hna thar a hmu bawk a ni.

# Nl. Lallawmzuali Sailo, Dawrpui South chuan NEHU, Shillong atangin BA tha takin a pass a ni.

# Candidate F.Vanlalringa leh Candidate Lalmalsawmi te pawhin an nupa in IGNOU atangin M.A tha takin an pass bawk.

Hetiang ang SAY Members chhuanawm tak tak te hi SAY te chuan kan lawmpui hle a, kan chhuang in an kal lehna zel turah duhsakna sang ber kan hlan a ni.


Lam zir dawn

SAY Drama in-charge hmalakna in SAY Rally lo awm tur leh SAY Bial Meet lo awm tur atana inbuatsaihna chu karleh thawhtanni Ni 27.08.2012 zan SAY Inkhawm ban atangin Biak Ina riak lutin neih tur a ni a, SAY Member lam zir thin zawng zawng te hemi atana lo inpuahchah tura hriattir kan ni.


Tawngtaipui Ngai

Pu Vanlal Zarzokima (Mazara) Dawrpui South chu Ni 27.08.2012 (Thawhtanni) ah hian Durtlang Hospital ah ‘Hip Replacement Surgery’ tiin an zai dawn a, Corps chhunga Sipai i tawngtaipui ang u.


Ngenna

Kan Corps chhungah hian Salvation Army Officer ni tura inpe Candidate mi 5 lai mai kan nei a, heng kan Candidate te hi an hming kan lam leh kan ziah reng rengin an hming hmaah ‘Candidate’ tia lam leh ziah ngei ngei thin tur a ni. Heng hi Senior Corps, SAY leh Section hrang hrang ah te zawm kan tum theuh dawn nia.


Bial S.A.Y Meet

Ni 02.09.2012 (Pathianni) lo awm turah hian Chanmari West Corps ah SAY Bial Meet neih tur a ni a. Pathianni nileng leh zan thleng a ni dawn a, speaker atan Pu Lalthanzama, TEM Speaker a ni ang. He hunah hian kan Corps atangin Bazar Corps Band te chuan item an nei dawn a ni.


S.A.Y Retreat

Ni 22.09.2012 (Inrinni) ah SAY chuan Spiritual Retreat neih a tum a, zan Tawngtai Inkhawm atangin Crusade angin Ni 24.09.2012 (Thawhtanni) SAY Inkhawm zan thleng hman a ni dawn a ni.


Festival Committee Atanga Ngenna

Krismas leh Kumthar lawm nan hian kan Corps hian Rs. 1,50,000/- (Nuaikhat leh sing nga) vel mamawh thin a ni a, tun August thla thleng khan thawhlawm ip ah Krismas leh Kumthar thawhlawm Rs. 30,000/- (Singthum) vel chauh ala lut a, Krismas vuakvel hi chhungtinin pawisa kan hman tam lai a nih avangin thawhlawm ip a thawhlawm lo thlak hi a finthlak in kan pawisa mamawh tam laiin mi a ti zangkhai a, chuvang chuan chhungtin ten thahnemngai tak leh a hma aia uar zawka thawhlawm ip a Krismas leh Kumthar thawhlawm rawn thawh zel turin Festival Committee chuan Corps chhungtin te an ngen nawn leh a ni e.


Cassette Release Dawn

Ni 06.09.2012 (Inrinni) ah hian Central North Division Songsters te chuan an Album hmasaber tur an release dawn a, a hmun atan R.M Hall niin he huna Sound System Duty tur atan hian SAY Council chuan Tv. Nelson Lalthanpuia Sailo leh Tv. Oliver Zothanpuia te chu an ruat a ni.


Prayer Ministry

Prayer Ministry Inkhawm kar leh Ningani (Thursday) Ni 30.08.2012 zan dar 7:00 ah Pu Lalzamliana, Dinthar-I te inah neih leh tur a ni a. Hruaitu atan Nl. R.Lalremtluangi (Mami) a ni ang. Hetah hian a thei apiang kal tur a sawm kan ni a, a thei thei in chaw nghei tur a ni bawk a ni.


As on 18 August, 2012

Inkhawm Kim Zan Hmang

Ni 13.08.2012 (Thawhtanni) zan kha SAY te chuan Member Inkhawm kim zan an hmang a, SAY member mi 183 ah member 79 an inkhawm a ni. He inkhawmah hi Gilgal C.O Bial SAY Council OB te chuan rawn hmanpui in hun hlimawm leh hlawkthlak tak an hmang a ni. SAY Member te hun lo kal lehzel turah pawh Inkhawm ah tan la zel ila, a hma aia tam inkhawm zel turin tan i la sauh sauh ang u.


Bawm hung

    Ni 13.08.2012 (Thawhtanni) SAY Inkhawm zan khan Damlo leh Mi harsate pual a bawm hun a ni leh a, hetah hian Rs.1,010 lai a lutkhawm a ni. He bawm a ui lova thlak tute zawng zawng chungah SAY chuan lawmthu a sawi a, heng sum thawhkhawm te hi tangkai tak in SAY te chuan an hmang thin a. Damlo, Chhiattawk leh Harsatna lian tham tawk te tanpuinan SAY chuan alo hmang tawh thin a ni.


Telephone Directory

    Major Lalthansanga Brigade ten Corps chhung Telephone Directory siam an tum chu hma lak mek zel a ni a. Tunah hian a tam zawk chu lakkhawm tawh niin Phone Number la pe lut lo kan la awm anih chuan Brigade Leader Tv. Freddy Lalramnghaka, Ph. No. 9612820136 ah hriattir tura ngen kan ni e. Directory hi a rang thei ang bera siam tum anih avangin ala pe lo chuan a rang lama pek kan tum dawn nia.


Financial Campaign

    Naktuk Pathianni lo awm turah hian Territorial Headquarters chuan Local Officer te Corps/Society hrang hrangah Financial Campaign nei turin a tirchhuak leh dawn a, kan Corps ah chuan Pu TV Fambawl, Bethel Corps ami in hun a rawn hmang ang.


As on 11 August, 2012


Missionary Convention

    Zanin atang hian kan Corps, R.M Hall ah Central North Division Missionary Convention neih tan a ni dawn a, he Convention hmang tur hian kan Division chhunga Kross Sipai leh Evangelist Teacher zawng zawng te thahnem tak an rawn kalkhawm a ni.


Tanpuina Pe

    Ni 07.08.2012 (Thawhlehni) zan khan Bazar Corps S.A.Y Council Member te chuan Thuampui Corps a Sipai chhungkaw 4 (Pali) te chu tlawhin tanpuina te pekna leh an tana tawngtaisakna te an nei a, hun hlimawm tak leh hlawkthlak tak hman a ni.


Hnatlang nei

    Ni 04.08.2012 (Inrinni) khan Corps pum huap hnatlang Tawngtaina Tlang (Prayer Mountain) ah neih a ni a. A hmun te thenfai leh samfai hnatlang neih a ni. He hnatlang ah hian mi 39 lai an thawkchhuak a ni. Hnatlanga kal zawng zawng te chungah Corps chuan lawmthu a sawi bawk a ni.


Inkhawm kim zan

    Karleh Ni 13.08.2012 (Thawhtanni) zan SAY Inkhawm lo awm turah hian SAY Member Inkhawm kim zan neih tur a ni a. Hemi zanah hian Corps chhunga SAY Member zawng zawng te a kim thei ang ber a inkhawm tura ngen leh hriattir kan ni. Gilgal C.O Bial SAY Council te chu hemi zanah hian min rawn inkhawm pui dawn a, member zawng zawng te kim tak a inkhawm turin leh dar 6:45PM a Biak Ina kim thap thei tura kal vek kan tum dawn nia. Tin, hemi zanah hian miharsa te pual bawm hun a ni bawk ang.


As on 4 August, 2012


LOM Sunday

    Naktuk Ni 05.08.2012 (Pathianni) Thianghlimna Inkhawm hi League of Mercy (LOM) Sunday a ni a, LOM rawngbawlna hrang hrang te ngaihthlak a ni anga, Maj. S.T Dula hnen atangin Pathian thuchah ngaihthlak a ni ang.


Camping Follow Up

    YP Corps ten Gospel Camping an neih chu nizan thleng khan Follow Up programme an la hmang a, Camping Speaker Maj.Vanlalthanga pawh in Ni 02.08.2012 (Ningani) zan khan hun a hmanpui leh a ni. YP zingah tlaivar a tawngtai pawh an la awm chhunzawm reng a, YP Corps te Thlarau Thianghlimin a chenchilh nasa hle a ni. Naktuk Ni 05.08.2012 (Pathianni) pawh hian Follow Up programme hi chhunzawm leh tum a ni. He Thlarau Thianghlim harhna lo thleng hian Corps pum a alh chhuah theih nan Sipai tin ten kan tawngtainaah i hre reng ang u.


Corps Hnatlang



Comments on this page:
Comment posted by Paul Muller( mullerp50yahoo.com ), 11/29/2013 at 11:01pm (UTC):
My Name is paul.I will love to share my testimony to all the people in the forum cos i never thought i will have my friend back and she means so much to me..The woman i want to get marry to left me 4 weeks to our wedding for another man..,When i called her she never picked my calls,She deleted me on her facebook and she changed her facebook status from engage to Single…when i went to her place of work she told her boss she never want to see me..I lost my job as a result of this cos i cant get myself anymore,my life was upside down and everything did not go smooth with my life…I tried all i could do to have her back to all did not work out until i met a Man when i Travel to Africa to execute some business have been developing some years back..I told him my problem and all have passed through in getting her back and how i lost my job…he told me he gonna help me…i don’t believe that in the first place.but he swore he will help me out and he told me the reason why my friend left me and also told me some hidden secrets.i was amazed when i heard that from him..he said he will cast a spell for me and i will see the results in the next couple of days..then i travel back to Germany the following day and i called him when i got home and he said he’s busy casting those spells and he has bought all the materials needed for the spells,he said am gonna see positive results in the next 2 days that is Thursday.My friend called me at exactly 12:35pm on Thursday and apologies for all she had done ..she said,she never knew what she’s doing and her sudden behavior was not intentional and she promised not to do that again.it was like am dreaming when i heard that from her and when we ended the call,i called the man and told him my my friend called and he said i haven’t seen anything yet… he said i will also get my job back in 3 days time..and when its Sunday,they called me at my place of work that i should resume work on Monday and they gonna compensate me for the time limit i have spent at home without working..My life is back into shape,i have my friend back and we are happily married now with a baby boy and i have my job back too.This man is really powerful..if we have up to 20 people like him in the world,the world would have been a better place..he has also helped many of my friends to solve many problems and they are all happy now..Am posting this to the forum for anybody that is interested in meeting the man for help.you can mail him to priest_gbenga.magic_temple@priest.com, I cant give out his number cos he told me he don’t want to be disturbed by many people across the world..he said his email is okay and he also have a web site if you want to visit him there’ he will replied to any emails asap..hope he helped u out too..good luck. his web site is priestgbengamagichome.webs.com
PAUL MULLER

Comment posted by randy( randylalremruatarocketmail.com ), 09/16/2010 at 6:34am (UTC):
a mawi ltk

Comment posted by Rinsangi( c.lalrinsangigmail.com ), 11/14/2008 at 1:35pm (UTC):
Youth Congress chungchang te kha rawn ziak ve ula...

Comment posted by janice( janice_achungiyahoo.com ), 08/11/2008 at 7:43am (UTC):
ngati at nge tunlai chu inva update ta lo vea...chhiar a chakom thin nen

Comment posted by rempuii( rp_mamiyahoo.com ), 06/13/2008 at 10:43am (UTC):
;) corp news hriat chu a nuam khawp mai a! Mahse up to date lo deuh em mawni chu aw! hehe june thla hmalam a update kha a ang khawp mai update thin hun chu ka hrelo nangin....



Add comment to this page:
Your Name:
Your Email address:
Your message:


This website have 194452 visitors (571787 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
=> Do you also want a homepage for free? Then click here! <=
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================