Salvationist, Bazar Corps

Bazar Corps News leh Chhandamna Sipai Pawl News hrang hrang te ziahna a ni. Heng news-ah te hian comment pawh pek theih a ni e

Territorial ACSAL General Conference nei

Admin on 06/24/2008 at 4:14am (UTC)

Khawvel ram hrang hrang 115-a tawng chi hrang 175-a rawngbawl mek The Salvation Army, India Eastern Territory a laymen rorelna sangber, Territorial Advisory Council of Salvation Army Laymen (ACSAL) te chuan ni 13 June 2008, Zirtawpni khan Booth Mansion Conference Hall-ah General Conference an hmang

He TACSAL Conference ah hian thu pawimawh hrang hrang ngaihtuah ho a ni.
1. Centralization of Fund / Re-organization / Territorial Council Approval / Territorial Finance Councila laymen tel chungchang.

2. Literature/Publication chungchanga IET hmasawn dan tur.

3. IET Project kalphung leh project hrang hrang thlirhona

4. Territorial ACSAL Biennial Conference neih hun chungchang

5. Territorial Statistical handbook siamthat (Revise)

6.Commanding Officer te TA ennawn

7.Senior Pastoral Care Council dan bu ennawn chungchang te rel a ni.

He hunah hian Lt. Col. Lalngaihawmi, Chief Secretary chuan THQ leh ACSAL hruaitute thawh hona tha tak avangin lawmthu a sawi a. Kan ramin a tawng mek tam tuarte hnenah Rapid Response Relief atan buhfai a thlawn a semin, hemi atan hian Cheng Nuaih 7 lai hman anih thute, Fair Deal Project May 2008 atanga kalpui anih thute, He Project hmanga chhungkaw 5000 hnenah Mamawh zualpui phuhruk an nih thu te a sawi bawk.Fair deal project atan Rs. 12, 433, 914.00 hi Sweden & Latvia Territory leh The Netherlands Territory ten min tumsak a, hemi buaipui tur hian Salvation Army, YMA, MUP leh MHIP te nen kan thawh ho thute a sawi bakah Officers Training College Kolasib atanga Aizawl a sawn anih tur thute leh South Asia bik Salvation Army te Cabinet System a kalpui-na tur a Chart siamfel anih tawh thute a sawi bawk. He Conference hian Nepal ram tela rawngbawlna IET in a kalpui dan tur tihfel anih tak thute, sum leh pai a kan inkhai rual zawkna tura Centralization of Fund hman anih thute, hlabu tonic solfa edition kan neih theih tak avangin lawmthu a sawi bawk a ni.

He Territoral ACSAL General Conference ah hian rorel palai division paruk atangin an kal khawm a ni.

DYS Meeting neih a ni

Admin on 06/09/2008 at 6:02am (UTC)

Divisional Youth Secretaries Meeting pawimawh tak chu Major Zothanmawia TYS hruaina hnuaiah June ni 4-5 chhung khan Booth Mansion Conference Hall-ah neih a ni a. Territorial Commander, TPWM, Chief Secretary, Personnel Secretary leh Financial Secretary ten an hmanpui.

He Meeting ah hian thil pawimawh tak tak sawi ho a ni a, DYS te chu anmahni leh Corps Officer te Naupang Sunday School, Corps Cadet Meeting leh SAY Meeting ah te tel fo tura fuih an ni a. Senior Corps inkhawm aia an ngaihpawimawh tur a nihzia an zirho bawk. Tin, kan Territory-a Child Protection Policy pawh hriattir an ni a, naupang lam rawng-bawlna ah he Policy hi zui ngei tura inbuatsaih tura ngen an ni bawk. Heng thupuite hi zirho a ni bawk- (1) Generation Next Builder - Lt.Col. Lalngaihawmi; (2) Financing Youth Ministry -Capt. Lalhmingliana; (3) Supporting Outreach Work - Maj. Thanhlira PS leh (4) Youth in Women Ministry - Col.D. Yesudayamma, TPWM

Hun tawpah ‘Hlen rawh’ tih thupui hmangin Col.D. Jaya-paul TC chuan Inhlan-tharna hun a hmanpui a, DYS te chu midang, a bikin thalaite nun thlak danglam thei tura hun tha leh remchanna an neih hmang tangkai turin a fuih a ni.

DYS Meeting-a h hian rawtna hrang hrang a awm a, chung zinga pawimawh zualte chu:-

Corps Cadet:
1) Corps Cadet Guide Book chhut thar leh tur a ni.
2) Corps Cadet Congress 2009-ah Southern Division Lunglei a neih.
3) Corps Cadet Graduation Certificate Colour a print.

Candidate:
Candidate Brochure duanchhin thlirho a ni a, Candidate lak thu-ah fimkhur leh fir zawka lak nise.

YP Corps:
1) Other YP Meeting zirlai atan Directory I & II hi buatsaih nise, 2009 atanga zir tan ni thei se.
2) Territorial YP Congress 2010-ah Central Division ah neih nise.

Scout & Guide leh Ranger:
Division tinah din tura hmalak nise.

SA Uniform:
Uniform ha chunga Make-up hman lutuk leh tlereuh uar lutuk hi a inhmeh loh avangin, Uniform ha chunga rawngbawlna neih lai chuan ti lo hram tura inzirtir uar leh nise.

Bazar C.O. Bial YP Joint Sports neih a ni

Admin on 05/24/2008 at 6:41am (UTC)

Bazar C.O. Bial chhunga YP Joint Sports chu ni 20.5.2008 (Thawhlehni) khan High School Field-ah neih a ni a. He Joint Sports-ah hian Bazar CO Bial-a Corps 6 atangin Corps 4 an tel a. Bazar Corps YP te chu pakhatna an ni.

He Sports hi zing dar 10:00-ah Major Vanlalhuma C.O. chuan Pathian hnena hlanna leh hawnna hun a hmang a. Hemi hnu hian Sports discipline hrang hrangah inelna neih nghal a ni a.

Football-ah hian Corps tin atangin Team ‘A’ leh Team ‘B’ siam a ni a. Team ‘A’-ah Chanmari West Corps an champion a. Team ‘B’-ah Bazar Corps an champion bawk.

Volleyball, hmeichhe tana buatsaihah chuan Hunthar Corps te an champion.

A pumpuia result chu hetiang hi a ni:
1-na:- Bazar Corps
2-na:- Chanmari West Corps
3-na:- Chanmari Corps
4-na: - Hunthar Corps

Chhandamna Sipai Pawlin Ram hrang 115 ah rawng a bawl ta

Admin on 05/19/2008 at 8:03am (UTC)

Namibia leh Mali rama Sipai Pawl rawngbawlna chu Chief of the Staff, Commr. Robin Dunster chuan Official-in hawn a nih thu a puang ta. Heng ram pahnih te nen hian tunah ram hrang 115-ah Chhan-damna Sipai Pawl-in rawng a bawl ta.

Namibia: - ramah hian kum 1932 – 1939 khan Chhandamna Sipai Pawlin rawngbawlna a lo nei tawh a, kum 69 hnuah Chhandamna Sipai Pawl rawngbawlna chu tih thar leh a lo ni ta a, Kohhran leh tlawmngai pawl hrang hrang ten an lo lawm em em a ni.

Mali : Muslim rama Sipai Pawl din tura sawm a ni tlat mai hi thil danglam taka ni a, Brother Andre Togo-in inlarna a hmuh - Mi tam takin kawrvar ha a hnamtin atanga lokal te sual sima Pathian ram an pan dul dul a hmuh atangin, Pathianin amah ngei pawh Uniform var ha te zawm ngei tur a nih a hriattir a, Chhandamna Sipai Pawl zawmin January 2008 khan Official-in IHQ chuan a puang chhuak ta a ni.

Women Ministry Seminar

Admin on 05/12/2008 at 9:43am (UTC)

Ni 1 May ’08 khan Central Division Women Ministry te chuan Temple Corps ah Seminar an nei a, Col.Yesudayamma, TPWM in hunserh hmangin Dr.Catherine Ngurbiakveli(Manguri) leh Dr.Lalawmpuia Chhangte ten zirtirna an pe a. Chawhnu lamah Lt.Col.Lalngaihawmi, CS -in “In ti thianghlim rawh u, chhuan lo awm tur te tan” tih thupui hmangin hun a hmang bawk. Mi 230 an tel.
May ni 2-5 chhung khan Southern Division Women Development Seminar Lunglei Citadel-ah an hmang. Maj.Vanlalnungi, TWDO, Maj.Lalbiaktluanga DYS, Pu Liandawla, Conservation of Forest Lunglei leh Pi Lianmawii, Judicial Officer ten zirtirna an pe.
May ni 3 khan Midland Division Women Ministry-in Baktawng Corps-ah Seminar an nei bawk a, Maj.Thanzuali, LOM Secy. leh Maj.Ropari, SAMF ten zirtirna an pe.

Home League Centenary

Admin on 04/20/2007 at 11:16am (UTC)

Home League hi Dt.28th Jan.1907 khan General pahnihna Bramwell Booth-a nupui Florence Soper-i khan a lo din a. Tunah hian a kum 100 na (Centenary) kan lo thleng dawn ta reng mai a, hemi lawm tur hian India Eastern Territory-a Home League te chu an inbuatsaih mup mup ta mai.
He hun min hmanpui tur hian kan International Leader’s te pawh an lo kal dawn a, Kan IHQ hruaitu min rawn hmanpui tur te chu :-
1) Commr.Helen Clifton, World President of Women Ministry.
2) Commr.Lalkiamlova, International Secretary for South Asia.
3) Commr.Lalhlimpuii, Zonal Secretary te an ni.

He hun hlu takah hian Home League Members zawng zawngte tel vek i tum ang u. Dt. 28th Feb.’07 hian Centenary lawmna ruai ropui tak theh a ni ang. He Centenary lawmna hian Thlarau lam malsawmna nasa tak a thlen theih nan i tawngtai theuh ang u.

<- Back

1 ... 5 6 7 8 9 10 11 12

Continue ->