All rights may
be reserved by
S.A.Y. Bazar Corps,
Aizawl, Mizoram.
Copyright © 2016.
==================
"One Army, One Mission, One Message"
==================
MISSION STATEMENT
----------------------------
Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a.
A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni.
==================
MISSION STATEMENT
The Salvation Army, an international movement, is an evangelical part of the universal Christian Church.
Its message is based on the Bible.
Its ministry is motivated by the love of God.
Its mission is to preach the gospel of Jesus Christ and to meet human needs in his name without discrimination.
==================
|
News
Bazar Corps News leh Chhandamna Sipai Pawl News hrang hrang te ziahna a ni.
Heng news-ah te hian comment pawh pek theih a ni e
BANGLADESH AH SALVATION ARMY
admin on 05/06/2013 at 10:49am (UTC) | | | Chanchinthar lamah te kan lo hmuh tawh angin Bangladesh-ah inchim avangin mi tam tak an thi a, mi tam tak thlabarin an awm mek a. He chhiattawhna hmunah hian Bangladesh-a Salvation Army te chuan tunah hian tanpuina hna pawimawh tak mai an kalpui mek a ni.
Kan hriat angin Bangladesh-ah in chhawng 8 a sang chu Savar khua-ah a chim a, he khua hi Bangladesh khawpui Dhaka atangin km 30 vel chauh a ni. Hriat theih chinah mi 500 vel ruang chu hmuh tawh a ni a, hei ai hian thi hi an tam rin a ni a, ruang dang leh nung dam an awm ringin theihtawp chhuahin in chimna hmun hi la dap mek zel a ni. He inchim atang hian mi 2,400 vel chu chhanchhuah tawh a ni bawk.
In chimna hmun atang hian Salvation Army Officer Training College chu km 1 vel choh a hla a ni a, he chhiat tawh chungchang an hriat veleh hian Officer Training College a Cadets te leh thawktu Officers te chuan rang takin chhiattawhna hmun hi an pan nghal a, Bangladesh sorkar in a ngen angin Salvation Army chu Captain Bibhudan Samaddar (District Officer, Dhaka) hona hnuaiah hliam tuar te enkawlna hna leh ruang te buaipuina hna an kalpui nghal a ni. Damdawi leh hmanrua te duh anga tha leh tam an neih mai loh avangin theih ang angin Cadets te leh Officers te chuan helai hmuna chhiattawk te hi an buaipui a ni.
Hliam tuar buaipui mai bakah ruang zawnna kawngah pawh nasa takin Cadets leh Officers te hian sorkar leh hnathawktu te an pui a, 'Blessing Powder' an tih chu phulin mitthi ruang te chu rannung in an bawm lohna turin theihtawpin an lo buaipui ve a ni.
International Headquarters, London in he Bangladesh chhiatna a hriat veleh hian a tul a hman turin Bangladesh Salvation Army hnenah US $3,000.00 chu an thawn nghal a, heng sum te hi helai hmuna hnathawk chhiatna tawk chhungkua hrang hrangte chhawmdawlna tur te, an damdawi man tur leh an thuamhnaw man tur atan te hman a ni.
Lieut-Colonel Alistair Venter, Officer Commanding of the Bangladesh Command chuan Salvation Army te chuan mi harsa leh harsatna tawk, Sorkar in a thlen phakloh te tanpuina hna chu theih ang tawkin an kalpui zel dawn tih a sawi a, chhanchhuahna hna leh mitthi ruang buaipuina kawngah pawh thahnemngai takin an thawk zel dawn tih a sawi bawk. “Heng harsatna tuartu te hi Salvation Army chuan theihtawpa tanpui leh buaipui kan tum zel dawn a, inhliam leh lusun chhungkua te chunga harsatna thleng thei zawng zawng te hi a theih ang ang a sutkian sak kan tum bawk,” tiin he chhiatna chungchang hi a sawi a ni. | | | |
|
BAZAR C.O. BIAL YP RALLY 2013 REPORTS
admin on 04/30/2013 at 9:00am (UTC) | | |
Bazar CO Bial YP Rally, 2013 chu March ni 17, 2013 (Pathianni) khan Bazar Corps-ah tluang taka neih a ni a. He Rally hi Bazar C.O. bial awm mekah a hnuhnung ber tur a ni a, Rally zawh lam hi chuan bial tihdanglam a ni dawn a. Chuvangin Bazar Corps chu Rally thlengtu kan ni a.
He rally-ah hian inelna neih a ni lova, Pathian fakna inkhawm leh Crusade anga hman a ni a. Tum danga tih ngai loh Speaker neih a ni bawk a. Speaker atan hian Pu Lalthanzama Hrahsel, T.E.M. Speaker, Tachhip Corps chu hman a ni a. Ani hian hun chep tak karah a rawn tihlawhtling a. A chungah kan lawm hle a ni. Speaker hi Tv. Lalhlimpuia, Kolasib Vengthar Corps-in a rawn tawiawm bawk a ni.
Speaker thusawi a thain naupang te’n an ngaithla tha em em a, an thinlungah thu a sawi zui ngei ang. Chubakah, Pu David Zonunsanga, Bial Secretary presentation, Pathian thilsiam ropui tak chanchin chu a bengvarthlak hle bawk.
Bazar C.O. Bial chhungah hian Corps 6 leh Society 1 kan awm a, chungte chu:
(1) Sairang Corps
(2) Rangvamual Society
(3) Phunchawng Corps
(4) Hunthar Corps
(5) Chanmari West Corps
(6) Chanmari Corps
(7) Bazar Corps
Tichuan, heng Corps leh Society 7 atangte hian palai kan kalkhawm a. Palai in report hi mi 380 kan ni a. Heng zingah 320 hi naupang niin, Company 60 kan kal bawk. Tin, Rally chhung hian Officer (active leh retired) mi 7-in min rawn tel pui a. Corps mi thahnem takin min rawn tawiawm bawk a. Rawn chhimtu leh palai zawng zawng chungah lawmthu kan sawi a ni.
Pathianni tlaiah hian ruai siam niin fatu S.A.Y te an hahin an thawkrim em em a ni. Tlai taka ruai thehin, zan thlenga inkhawm a ni a.
Rally chhung hian inkhawm vawi 4 kan nei a ni. Tin, Rally chhung hian item nei tura ruat te’n an rawn tihlawhtling a. Bazar Corps Y.P. te pawhin item Solo leh Worship dance kan nei a. Kan Corps aiawh Angela Ramdinsangi zai leh Worship dance ten hlut an hlawh hle a ni. Rally chhung hian thawhlawm lakkhawm vawi 2 a awm a. Rs. 6535 lai hmuh a ni a. Hei hi a thlengtu tanpui nan Bazar Bial Y.P. Council chuan a hlan nghal a ni.
He rally-ah hian intihsiakna awm lo mahse, lawmman tha tak, steel almirah sem a ni a. Corps/Society 7 ten a inang theuh kan dawng a ni. Lawmman hi Major Lalhruaikima, Commanding Officer-in Chhandamna Inkhawmah a sem a ni.
He rally hlawhtlin nana tha thawhtute, an hlu tak rawn sengtute zawng zawng chungah lawmthu kan sawi a. Kumin rally hi a thlengtu kan nih angin Corps chhunga peng hrang hrang: S.A.Y., Home League, leh Senior corps zawng zawngte kan tanrualna vangin rally hlimawm tak, hriatreng tlak leh hlawk tak kan thleng thei a. A lawmawm hle a ni. Kawng tinrenga hmalatu S.A.Y. te an hah em em a, an thawhrimna avangin Rally hi tluang taka neih theih a ni.
A tawp berah chuan tawngtaina te chhang thintu Pathian hnenah lawmthu kan sawi a. Rally tikhaihlak theitu zawng zawng lakah min veng a, tluang takin rally hi neih a ni. | | | |
|
COMMR. LALKIAMLOVA TE NUPA LO CHHUAK
admin on 04/30/2013 at 9:00am (UTC) | | |
Salvation Army- rawngbawlna a khawvel hriat hlawh phak, International Headquarters, London hmunpuia hmanga kum rei tak rawngbawlna neia, hlawhtlinna tamtak lo hmu tawh tu, Commissioner Lalkimalova International Secretary (IS) leh a nupui Commissioner Lalhlimpuii Zonal Secretary for Women Ministry (ZSWM) te chu Salvation army dan anga an chawlh alo hun tak avangin, 23rd March 2013 (Inrinni) khan Mizoram anlo thleng chho ta a, 31st March 2013 (Sunday) chawhnu (Dar 1:30 PM) hian anmahni thlahna leh Retirement Service hun Aizawl Temple-ah hman ani ang. Retiremnet Service hi Ceremony urhsun taka hman ani anga, he hun rawn hmang tur hian Commissioner James M.Knaggs, Territorial Commander, United States of America Western Territory atanga lokal tura beisei a ni. India Northern Territory, Delhi atangin TC Commissioner K.V Lahase a lokal ang a, tin, IND, Health, Social & Emergency Secretary Major Raj Paul, National Secretariat Kokata atangin alokal bawk dawn a ni.
Kum 42 chhung Pathian ram atana harsatna leh hrehawmna leh lungngaihna tamtak pawisa lova lo paltlang tawh, mi tlawm leh hnuaihnung berte unau leh thian tha ni bawk, Lalpa chhiahhlawhte nupa chawl mai turte hi India Eastern Territory-a Sipaite chuan an thlahlelin an ui em em a, an rawngbawl sak mipuite tana an thawhrimna leh inpekna avangin chawimawh phu anti bawka, chawl tura anlo hawn ni pawh hian, Territorial Band-hote nen, chawimawh pangpar leh rimawi ropui tak nen, anlo hmuak a ni. Commissionaer te nupa thlahna inkhawm (Retirement Service) Temple ah hian, tel turin mitin an sawm a, Commissioner thlaktu turte Colonel Lalzamlova te nupa pawhin IHQ London an thleng tawh bawk a ni.
| | | |
|
S.A.Y. FINANCIAL REPORT FOR THE MONTH OF FEBRUARY 2013
admin on 04/30/2013 at 8:36am (UTC) | | |
INCOME:
Faith Promise - Rs. 16,830.00 Missionary Fund - Rs. 9,890.00
Special Fund - Rs. 1,370.00
Building - Rs. 4,500.00
Music - Rs. 20,000.00
Literature - Rs. 1,910.00
Membership Fee - Rs. 190.00
Collection - Rs. 5,041.00
Donation - Rs. 1,100.00 Games & Sports - Rs. 6,000.00
Social & Community - Rs. 1,660.00
TOTAL - Rs. 68,491.00
EXPENDITURE:
Missionary - Rs. 3,000.00 Corps Maintenance - Rs. 1,100.00
Music - Rs. 35,650.00
Sports - Rs. 4,000.00
Bial Fund - Rs. 700.00
Contingencies - Rs. 5,605.00
Literature - Rs. 4,610.00
TOTAL - Rs. 54,665.00
B.F. from January, 2013 - Rs. 31,882.00
New Income - Rs. 68,491.00
Total - Rs. 1,00,373.00
New Expenditure - Rs. 54,665.00
BALANCE IN HAND - Rs. 45,708.00
Ni 11.03.2013 (Thawhtanni) zan S.A.Y. Inkhawmah khan Ip lakkhawmna neih a ni a, ip luh dan tlangpui han tarlang leh ila -
Faith Promise:
Ip lut zat - 88 (55%)
Pawisa lut zat - Rs. 16,795.00
Missionary Fund:
Ip lut zat - 75 (46.9%)
Pawisa lut zat - Rs. 9,635.00
Special Fund - Rs. 950.00
SAY Ip te hi a luh that loh avangin Bial neitute te lamin mahni bial theuhah tan la thar ila a tha awm e.
Heng bakah hian Sound System puala Appeal Letter lakkhawmah khan Rs. 36,710/- lai mai a lut bawk a, Sound System tha tak kan neih theih na tura thahnemngai taka thawhtute zawng zawng chungah Corps chuan lawmthu a sawi a, a let tam takin Pathianin mal a sawm ngei ang tih hi kan beisei a ni. | | | |
|
Corps Thar, Biakin Thar
admin on 04/30/2013 at 8:11am (UTC) | | | Pathian malsawmna avangin Aizawl Temple Corps atangin Tuikual South Corps chu an lo indang ta. Khawvel hriat hlawh khawpa Ni ropui tak, India Republic day (26th January,2013) chawhnu lam dar 1:00 khan, Cheng nuai sawmnga paruk (56 Lakhs) vel zet senga Biakin sak chu Major Lalhmingliana DC Central South Division chuan a hawng a, hetih rual hian Tuikual South Corps thar pawh puan nghal a ni.
Corps alo nih tak avang hian hruaitute a mamawh nghal bawk a, dingthar chan chang bawk mahsela, mithar tak tak an awm chuan loh avangin hruaitu tur mi tha tak tak an awm nghal a. Corps rawngbawlna pengtin atan hruaitu turte ruat fel vek a ni a, heng rawngbawltu thar turte hi Major Lalhlimpuii Divisional Director Women’s Ministries (DDWM) chuan Pathian hnenah a hlan a.
Biakin hmun hi Territorial Headquarters chuan nuai 15 (15 lakhs )in a lei sak a, a bak Biakin sak hna zawng zawng hi Temple Corps sipaite thahnemngaihna leh inpekna a sak a ni. India Eastern Territory-ah hian Corps indang leh Biakin thar sak hi a awm thin a, tun tuma Tuikual South Corps thar Biakin anga peihfel thlapa Biakin luah hi a awm ngailo niin a lang. Thutthleng ah Cushion phah vek a ni a, Sound System tha tawk tak dahsa vek a ni a, tin, Corps atanga indang an ni bawk a, Section tin sum pawh a zatve zelin an sem bawk a ni. Hawnna inkhawmah hian DC chuan thuchah sawiin, thinlung leh tihtakzeta Pathian chibai buk pawimawhna thu in hun a khar a, Corps dang leh Kohhran dang atangin mi thahnem takin an tawiawm a, mipui kalkhawmte hian a lawman ruai tuihnai tak an kilho a ni.
| | | |
|
S.A.Y FINANCIAL REPORT 2012
admin on 02/15/2013 at 10:13am (UTC) | | | S.A.Y FINANCIAL REPORT 2012
INCOME:
1) Faith Promise - Rs. 1,17,440.00
2) SAY Meeting Collection - Rs. 44,291.00
3) Missionary Fund - Rs. 70,300.00
4) Building Fund - Rs. 8,690.00
5) Special Fund - Rs. 5,250.00
6) Dawr Luahman - Rs. 55,000.00
7) Brigade Budget - Rs. 25,732.00
8) Donation - Rs. 12,740.00
9) Literature - Rs. 15,530.00
10) Membership Fee - Rs. 1,810.00
11) Bawm dawh - Rs. 20,215.00
12) Fund Raising - Rs. 1,47,030.00
13) Fellowship Collection - Rs. 1,635.00
14) Music - Rs. 3,72,600.00
15) Games & Sports - Rs. 2,000.00
16) Drama - Rs. 3,900.00
TOTAL - Rs. 9,04,163.00
EXPENDITURE:
1) Building - Rs. 65,760.00
2) Missionary - Rs. 48,000.00
3) Literature - Rs. 16,690.00
4) Music - Rs. 2,79,000.00
5) Contingencies - Rs. 1,22,664.00
6) Social & Community - Rs. 32,200.00
7) Corps Maintenance - Rs. 12,100.00
8) Bial Budget - Rs. 6,150.00
9) Evangelism - Rs. 50,965.00
10) Games & Sports - Rs. 12,890.00
11) Drama - Rs. 16,366.00
TOTAL - Rs. 6,62,785.00 | | | |
|
|
|
