The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.
 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
Article lawrkhawm
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

News

Bazar Corps News leh Chhandamna Sipai Pawl News hrang hrang te ziahna a ni. Heng news-ah te hian comment pawh pek theih a ni e
BAZAR C.O. BIAL YP RALLY 2011 REPORTS
Lalnghahchhana, YP Company Guard on 04/18/2011 at 5:00am (UTC)
  Bazar CO Bial YP Rally, 2011 chu March ni 19 leh 20, 2011 (Inrinni leh Pathianni) khan Chanmari West Corps-ah neih a ni a. Pathian hruaina leh awmpuinain Rally hun tha leh hlimawm tak hman a ni.
March ni 19 (Inrinni) chawhma leh chawhnuah intihsiak a ni a. Chawhmaah Thu lama intihsiak a ni a. Primary Department te chu Directory bung 5 - Chhandamna, thu inchhang hmanga intihsiak a ni a. Junior Department te chu Thurin 11 sawirual hmanga inel a ni a, Intermediate leh Senior Department te combine-in I Kor 6:12-20 - In taksaah Pathian chawimawi rawh u - tih sawirual hmangin inel a ni bawk.
Inrinni chawhnuah Zaipawl hla leh lengkhawm hla hmanga intihsiak a ni a. Primary Department te inelna chu ‘A lo kalin, a lo kalin’ tih hla kha soprano-a sak a ni. Junior, Intermediate leh Senior te combine-in ‘Ngai ru Kohna aw chuan, tunge kal chhuak ang’ tih hla a part kima sak hmangin inelna neih a ni a, chubakah, lengkhawm zai ‘Enchim loh parmawi tur mi a lo piang’ tih hla kha inel nan hman a ni bawk.
Bazar Corps YP zaipawl te hi nakina S.A.Y. zaipawl tichaktu ni thei tura beiseiawm tak an ni. Intihsiaknaah pawh hian an zai tha viau.
Intihsiakna zawng zawng hi Inrinni hian zawh vek a ni. Bazar C.O. bial chhung Corps 6: Chanmari, Chanmari West, Hunthar, Phunchawng, Sairang leh Bazar Corps te kan kal vek a. Society 1: Rangvamual Society te erawh an rawn tel thei lo.
Pathianni chawhma leh chawhnu hi Pathian biak inkhawma hman a ni a. C.O. bial chhunga Corps leh Society te kokim taka telin Special items hman theuh a ni a, Pathian fakna hun hlimawm tak hman a ni. Chawhmaah hian Maj. Lalmuansanga TYS in thuchah a sawi a. Chawhnuah hian Maj. Vanlalhuma CO-in thu a sawi bawk.
Kan Corps aiawhin Jennifer Lalhmingsangi, Primary-in recitation a sawi. Rally-a tel ten an lawm hle. Hei bakah hian Primary atanga thlanchhuah ten Worship dance an entir bawk. Jennifer-i hi chawhnu inkhawmah pawh request leh a ni.
Chawhma inkhawmah hian Chanmari Corps-a Company Guard 3 te chu commissioned an ni.
Bazar C.O. Bial-ah hian YP naupang 488 leh Company Guard 68 kan awm a, Rally-ah hian mi 400 bawr kan inkhawm thin a ni.
Bazar Corps atangin Rally-ah hian naupang 59 leh Company Guard 13, kan vaiin 72 kan kal a. a pumpuiah 2-na kan ni. Result kimchang chu hetiang hi a ni:
Primary(Thu leh hla belhkhawm)
- 1-na Chanmari Corps
Junior (Thurin):
- 1-na Chanmari ‘W’
Intermediate&Senior:
Thu - 1-na Chanmari ‘W’
Zaipawl - 1-na Chanmari ‘W’
Lengkhawm zai- 1-na Chanmari

Intihsiakna tinah hian 1-na chauh puan a ni a. A pumpui a belhkhawm result chu:
1-na - Chanmari West
2-na - Bazar Corps
3-na - Chanmari Corps
4-na - Hunthar Corps
5-na - Phunchawng Corps
6-na - Sairang Corps
7-na - Rangvamual Society

Tun Rally-ah hian endik dan thar Ranking System hman a ni a. Judge tin ten part enbik nei lovin a vaiin an en vek a, Intihsiakna item tinah pakhatna atanga pasarihna an pe nghal theuh a, judge te hi inkawp kim lo ruat an ni a, rank an pek dan atangin majority decision siama result siam a ni. Judge te kutah hian thuneihna tawp dah a ni.
Rally thlengtu Chanmari West te an inbuatsaih tha hle a. Refreshment a tha a, ruahmanna a felfai a. Zai hruaitu leh musician ten an tlin hle. Biak In pawna kal darh mai mai an awm loh nan ruahmanna tha tak siam a ni a. Hun awl awm loin thingpui in zawhah Biak Inah lutin Pathian faka zaiho nghal a ni thin.
Rally chhung hian thawhlawm vawi 2 lakkhawm a ni a. RS. 5803/- hmuh a ni a. Hei hi luanchhuah nan leh a thlengtu Corps tanpui nan 50-50-a sem a ni. Luanchhuahna pawisa hi Aizawl Civil Hospital-a dam lo kan nan leh Rangvamuala tanpui ngai mi pakhat hnenah pek a ni.
Rally tluang taka neih theih nana min vengtu leh hriselna tha min petu Pathian hnenah lawmthu kan sawi a. Y.P. naupang te leh Company Guard te inpekna avangin result tha tak kan nei thei a, a lawmawm hle a ni.
 

KONYAK TRIBES- MON DISTRICT, NAGALAND SALVATION ARMY ZAWM DUH TUTE TLAWH REPORT
Maj. Dr. ST Dula on 04/18/2011 at 4:25am (UTC)
  Isua Krista hmingin chibai ka buk hmasa a che u

Capt. HF Malsawmdawngliana, CO Kohima Bial min sawm angin ni 17-21 Jan. 2011 chhung Mon District, Nagaland, Myanmar Border a awm thingtlang khua thenkhat tlawhturin mi pali-Major ST Dula, DC, Capt. HF Malsawm-dawngliana, CO, Pu Nghaka, Dimapur Salvationist,
Tv Jacoba (Driver) te kan han kal a.Guwahati atangin Dimapur ah kan riak chho phawt a. Dimapur atangin Chen area,Chongshilsong, Mon District zan 8pm vel ah kan thleng. Thu benglut pawimawh deuh deuh te ka han tar lang teh ang-

1. An ni hi Head hunters thin an ni a, Christianna kum 50 vel an hmang tawh. Naga bik ah pawh hnufual lai deuh an ni a, Myanmar ramri dep a awm an ni. Naga hnam lianber pahnihna niin an in sawi. British-in Nagaland a run lai poh khan silai an siamthiam tawh a, hnamfing hmasa an ni, nimahsela British khan an mipa te Heroin ape ta vak mai a, hnam hnuaihnung tak ah ruihtheih thilin a siam ta ani.

2. Baptist Kohhran thin anni a, Revival uar tak, chawnghei tawngtai ngaisang tak anni. Tihdamna lam an uar hle in an ngaisang hle a, hei tak hi an in hmuh thiam lohna niin an sawi. 2000 atang khan Rev. Dr. Yahoong, Hmeichhia kum 67 hovin pawl bik pawh awm lovin an awm ta a. Kohhran tamtak pawn zawmpui turin an rim thin, mahse tumah an zawm lo a members hi 10,000 vel an ni. Thingtlang khaw hrang hrang an ni a, Orphanage 2 neiin, zirna sikul dang pawh an nei nual.

3. Thingtlang nu berh ve tak, mahse thlarau mi tak chawnghei a tawngtaiin Vision angin "VAN LAL SIPAI' din rawh u/zawm rawh u’ tiin aw a dawng a. Nikum 2010 atang khan an mahni thiam ang angin an lo in din ve ani.

4. Kristian Directory, Kohima atangin The Salvation Army tih hi an lo hre ta. Capt Dawnga te nen in dawr zelin tun hun hi kan thleng chho ta ani. Kal thuai tura min duh avangin DYS thar pawh office ah thutpui hman lovin an mahni lamah kan kal ta nghal ani.

5. Kan kal lai hian khua a chhe hle mai a, kawng a tha si lo, zing kara kan chhuak kha zan 8 velah camp area kan thleng a. Tlang chhip camp siamna ah min lo hmuak a, Sipai uniform ha nula/ tlangval 100 zet tur hian silai an mahni siam chawp nen min lo hmuak a, a ropui khawp mai. Camp Fire in a zui nghal a, hla chi hrang hrang kan ngai thla a, khua a vawt si ruah sur bawk nen, kan riahna hi silai nen min veng tlaivar thak ani. Khaw vawt avang chuan a kal hovin zing a kan han sawikhawm chu tumah muhil kan lo awm lo a, blanket pakhat theuh min sin tir a, kan lum vak lo ani awm e. Current ala thleng phak lova. An nula tlangval leh naupangte hi saptawngin an biak theih tlangpui vek thung. Rank hrang hrang sipai atanga General thlengin a bel nen an lo nei vek bawk a. A hlimawm duh khawp mai.

6. Zingkarah an Chaplain kawrfual var ha 20 rualin min rawn chibai a, an mawi khawp mai. An hotu 2, CO leh Secretary nen kan inbe ta a, darkar 2 dawn an zawh duh zawng zawng- SA history te leh kan in enkawl dan te, kohhran dangin an tihduhdah dante, an biakin 7 an halsak dante leh thil dang tam tak, SA hming an put a an lo lawm zia te benglut takin min hrilh vek a. Kan inbiak lai hian a bul velah tuman kal pawh an phal lo a, silai keng emaw zat in min veng tlat ani.

7. LAWMNA INKHAWM ni 19 Jan 2011: Zing chawte kan eihnu ah Mizo tih angin khaw dang atang leh khawchhung atangin an khaw pasaltha rual te chuan kawng an rawn zawh mup mup mai a, silai, chemsei, fei, lukhum mak tak nen an rawn lam ta a, khaw chhe tak karah mi 400 vel kan ni ang. Khawchiat avangin an lokal tam thei lova, an han lam ta chu le..silai hi a puak awn awn mai a, Capt. Dawnga nen full uniform ha in kan thu ran mai a. Kan nau dang ten thla an lo la char char a. Present tha tak min pe vek bawk.

Kan dam chhunga kan theih nghilh tawh loh tur welcome chibai bukna kan dawng ta! Company hrang hrang, exodus, Levia etc in lam leh hla an sa theuh a, An khaw Lalin Dar vuain min lawm a, an han la run thlak em em khawp a, putarpui maiin mittui tling teuha ‘THE
SALVATION ARMY kan lo lawm a che u, in kut ah kan tlu lut ta e,’ ti a thu an sawi chuan min hneh khawp mai.

8 . Inkhawmna ah thu sawina hun min pe a, International Salvation Army salute diktakin mipuite ringtak a Hallelui vawithum ti chungin chibai ka han buk phawt a. A awmzia te ka hrilhfiah nghal a, an lawm khawp mai. Salvation Army awm zia te, London, India, Mizoram-a harsatna kan tawh dan zawng zawngte leh kan in vawn dante ka sawi a. Mother Teressa pawl ang kan nih thute ka sawi bawk a. Mother Teressa hi an lo ngaisang em em a. Ram hrang hrang 123-a rawngbawl kan nih dante, Kan Flag te pawh thla-a zar anih tawh dante ka hrilh nghal a. Flag hi an lawm khawp mai bawk.

Urhsun takin lehkhabu pawimawh hrang hrang leh, Doctrine, year book, war cry hrang hrang te mipui tamtak hma ah urhsun takin kan inhlan ta ani. Lo zir chiang tur leh hman hmawh lo turin kan in chah ta a ni. Kan la inbe leh zel dawn nia tiin tawngtaina in hun kan ti tawp ta a ni.

An hotunu Rev Dr Yahoong (Hmeichhia) hi hmuh tum in kan kal a, mahse khaw chhia nen a awmna kan thleng thei ta lo, tlawh leh hunah amah hmuh ngei tumin Mon Dist Hqrs lam ah riak turin kan phei ta a. Mon a kan riahna ah hian SA benglut tak mai kan hmu a , a in ah kan riak nghe nghe, SA chanchin ka neih ang kan pein Dimapur atangin kan thawn leh ta ani. Mon khawpui hi mihring 10,000 -20,000 vel an cheng ani. Khawpui lian ve tak ani a. CO thut hmun atan a tha khop ang,

Ka rilru ah ni 31.Dec 2011 zanlai inkhawm Guwahaty City Corps ah kan nupa chauhvin kan nei a, heta kan tawngtaina Lalpa kum 2011 ah hian kan division ah members 10,000 min pe ang che" tiin kan in hlan a. Hei hi a chhanna ani mai angem? tih chu kan zin chhung zawng ka in zawhna ani. Lalpa aw kan nghak zel ani.

An hotunu leh mi pawimawhte lo han hmu leh turin Capt Dawnga leh Kohima CO Bial hruaitute kan in chah fel ta ani. Engkim Lalpan rem atih a kan tifel thei anih chuan kan IS/TC leh Chief Secretary te lawmlut turin kan han sawm ang chu kan ti a.

DIMAPUR-AH PUANZAR KAN KHAI KANG LEH TA: Dimapur kan rawngbawlna tihtawp tawh chu tan chhoh leh mek ani ta. Ni 9 Jan 2011 khan CO hovin Bial Council Pu John-a te in ah Puanzar khai chhuak leh in tan alo ni leh ta halleluiah. Kan lawm khawp mai.

SA Mizo chhung-kaw 3 awmin bul kan tan leh ta ani. Kan phur khawp ma, Dimapur hi Kohima ai a pawimawh leh sum dawnna centre lian ani a, CO pakhat thuhmun atan pawh a tha khawp ang.
Dam tak leh taksa lamah chuan chau tak leh hahtakin thlarau ah chuan lawm em em in ni 21.Jan 2011 khan DHQ kan thleng leh ta ani. Lalpa chu fakin awm rawh se.

Konyak hnam SA a beng lut em em te tan bang lovin min lo tawngtai sak vek turin kan sawm a che u.

Himalayan Division chhungah hian kan Missions tihlawh tlingzel turin Officers, Missionary, kan mamawh belh zel, Lalpa kohna hria te lo kal zel turin kan sawm a che u.

Mei leh thisen Puanzar hnuaiah

Maj. Dr.ST Dula
MA,MTh,D.Miss,DE,DCC,DD.
 

CHHOTA GONGRAI & SIMALUNG BIAK IN SAK REPORT
Maj. Vanlalhuma CO on 03/09/2011 at 5:57am (UTC)
  Bazar C.O bial hruaitute hma lakna in Pu Chawnghlira Col. Sgt. Chanmari Corps leh Pu H. Lalbiaka QM, Chanmari ‘W’ Corps te nen ni 14.2.11 khan Biak in sa turin Tripura kan pan a, Behliangchhip atangin Capt. Rohlupuia, CO leh mistiri 2 in min zui bawk. Ni 15.2.11 zan dar 8:00 velah Chhotagongrai chu thlengin ni 16.2.11 ah Biak in sak chu tan a ni a, zing hma tak atangin tlai lam a thawh theih chhung chu thawh a ni.

Biak in hi 15’x30’ a zau niin ni 2 chhungin sak zawh ani. Ni 18.2.11 ah Simalung ah Biak in (Bazar Corps Missionary te sak a ni) dang sak leh a ni a, hetah hian thingzai duh ang lei tur a awm loh avangin thingtuai leh thing hem phel te lak chawp a ni a, a hautak hle mai. Mahse Lalpan min pui a, ni 2 chhung bawkin 12’x24’chu sak zawh a ni leh ta. Lalpa chu fakin awm rawh se. Ni 4 chhungin Biak in 2 (pahnih) sak zawh a ni a, Biak in hi a chung leh a bang rangva vek niin an khuaa in tha ber ve ve a tling. Simalungah phei chuan Pathian Biak in an neih vawikhatna a ni a, a lawmawm leh sual hle.

A MI CHENGTE: Khawvel hmasawnna hian ala thleng ve rih lo. In leh lo, silh leh fen, ei leh barah an la hniamin an khawsak a harsa hle mai a, thlengah chaw an la ei lova, changel hnahah vek kan ei. Ek in an neilo a, bawlhhlawh paihna bik pawh a awm lem lo. Tui an hmang tlem em em a, tin 1 dawng chhunkhawlna nei an vang viau ang. Inbual dawn paw’n luiah kal a ngai. Mualthuam (Molsom) hnam an ni a, mizo hnahthlak ni awm tak an ni. Kan tawng pawh in ang a tam mai, mahse Bru (Tuikuk) lam an la pawl tam mah a, Tuikuk tawng pawh an thiam tlangpui. Thuamhnaw leh mutbu an neilo a, zingah hma takin an tho a, mei an chhem hluah a an ai thin. Hei hi zing lam khawvawtah an mut theih thin loh vang niin an sawi.

MIN NGAIH DAN: Mizote min ngaisang hle a, min zah tlat a, hna thawhho pawh a harsat phah a tirh dawt loh chuan min en mai thin. Thil engkim nei leh titheiah min ngai ni berin ka hria, rambuai hma lam daiha SAP kan ngaisang ang chiah khan min ngaisang a, an duh duh min dil mai a ni. Biak In ah-Khuang, Guiter, Bible, Flag, Thutthleng (Plastic chair telin) te an nei lo a,thuamhnaw, mutbu, bungbel an mamawh tak zet a ni.
Biak in tharah hian pawlah mi 4(pali) lawm lutin nau 2(pahnih) hlan a ni a, naute hi tuamna puan an neilo nge ni ruakin min rawn pe tawp a, kan hlan tawp mai a ni. Inkhawm boruak a tha em em a, an zai uarin an phur a, an hla kan thiam lo erawh chuan min tibuai deuh. MITDEL, hlim em em a ban phar a, Pathian fak hmuh chuan min hneh tlang hle a ni.
Kan haw dawn chuan naupai pumna damlo kan zuk kan a, lei chhuata mu in, a pasal in a mal alo lukham tir a, a bulah chuan a pa, midel hlim tak a lam kha lei lawngah gamchha tet tawh sinin alo mu bawk a. Tawngtaina ka hmanga a ziaawm thu min hrilh a. Pu Biaka, QM nen kan mutbu kente chuan chhuat lawnga mu mitdel chu kan zuk khuh a. Haw tura kan chhuak chu an monu chuan kawngka biang ngheng hian min rawn thlir reng a, “I dam tawh em ni?” ka zuk ti a, ani chuan ‘aw’ tiin mittui tla ngiai ngiai chung hian min bye bye a, kalsan a har ngei mai. Isua hunlai a damloten Isua an mamawh zia te min hriatchhuah tir vang vang a, min thakhlelhna a nasa a, kan haw chu min rawn thlah dum dum a,
motor thlen theih chin Saimarua thleng tur chuan ke in darkar khat vel kal a ngai a, chumi thleng chu min thlah a, mittui nen kan in mangtha ta a ni.
Heng mite hian i neih chuangliam i mamawh tawh loh te kha an mamawh em em a, chanchintha rawngbawl nan i hlan ve thei ang em le?

Vawiinah hian Lalpa tana lawm taka pe phal tunge awm le?
 

Leadership Training Khawruhlian Corps-ah
Leader, SAY on 03/01/2011 at 3:53am (UTC)
 February ni 19 ,2011 khan Central North Division SAY OB te Khawruhlian Corps ah Leadership Training neih a ni. Division chhunga North zone & khawpui chhung Bial 15 atangin mi 137 lkan ni a, Bazar Corps atangin OB pathum kan kal. Leadership Training-ah hian lokal fo tawh mah ila hlawk taka hman hi a harsa thin khawp mai a, tun tum ah erawh chuan hmasawnna hmuh tur leh chhar tur a awm nual mai.

INBUATSAIHNA : Kan zavaia kan hriat leh tha kan tih theuh, mahse kan tih loh fo thin chu INBUATSAIHNA a ni. Mahse, training Resource person-te atanga langchiang em em mai chu ‘Inbuatsaihna tha hi programme hlawhtlinna a ni’ tih hi. An zavaiin mahni hnathawhnaa buai tak vek an ni chungin ah tih turah an chiang a, an hun hman leh thusawi atangin a hmuh theih, thil tullo leh ngaihtuahna a awm chawp sawi a awmlo. Chhuanlam engemaw siama inbuatsaihna hun neih loh thu sawi tumah an awm lo hi a entawn tlak ka ti khawp mai.

ARRANGEMENT: Mitin ten kan mamawh chu hmasawnna a ni. Hmasawn tur chuan thawh hona tha kan mamawh angin a huho in zirtirna kan dawng a, mimal tinte pawimawhna kan inhriat tawn sak theuh thei a ni.

HRUAITU CHU TUNGE:
Pawl/kohhran-ah thuneihna pumhmawm ching ten inlungrualna an tichhe thin a, midangte ngaichang thin, midangte hriatthiamna leh Pa chan changa hruaitu hruaina hnuaiah chuan inlungrualna awm thin, chutiang hruaitu chu kohhran hian a mamawh ani. Mi thuhnuaia kun thiam leh thuawih theite hi mi tam tak chunga hruaitu la ni turte an ni.

Rinna kawnga puitling, zirtirna danglam leng vel karah pawh nghet taka ding thin mi, taksa leh rilru tichhe thei laka insum thin te hi hruaitu tlingte chu an ni. Hruaitu tha chuan amah a inngaih pawimawh ang bawkin a kova innghat rawngbawlna hna chu a ngai pawimawh tur a ni.

COUNCIL HLAWHTLINNA: Hruaitu chuan council naah member tu emaw thu lak bik neiin thu tlukna a siam tur a nilo va, tin, Council Member-te pawhin thurel leh thutlukna chungchangah midang hnena sawichhâwn awm chin a thliar fel thiam tur a ni. Council-naa mahni ngaih pawimawh zawng sawi vak hi mi puitlinglo zia ani.

THAWHHONA THA: Kohhrana thawhhona tha min neih tir theilotu chu Mahni thu duhna, Chapona, Mahni hmasialna leh Intihbikna hi a ni. Chutih lain Inhriatthiam tawnna, chaklohna in hriatpuia indawm tawn leh neitu rilru pu chunga kan kova tla apiang rawngbawlna ani tih hria a, phunnawi lova thawh mai hian thawhhona tha a siam thin.

KHAIKHAWMNA: Thinrimna hi atthlak takin a intan a, inchhirna in a tawp thin. Thudik chau sawi ila tichuan thuhnu dawna buaina kan pumpelh thei dawn a ni. A tawp berah chuan beih dan ngai renga bei chung si a, rahtha zawk beisei tlat hi mawlna chikhat a ni. Hmana kan tihdan ti lova, khawvel changkan ang zela in siamrem hi hruaitu chuan a thiam tur a ni.
 

CORPS IN RETREAT NEI
admin on 02/15/2011 at 5:32am (UTC)
  Corps in alo rel tawh angin ni 26.1.2011 (nilaini) khan Tawngtaina tlangah Corps a rawngbawltu leh sipai a thei apiangte chuan thlarau lama intuaitharna neiin hun hlimawm tak an hmang. He hunah hian sipai 65 te chu Bus 2, Motor-te 8 leh two wheeler 3 hmangin an kal a, speaker atan Maj. Vanlalthanga hman a ni.

Chawhma lamin ‘Beram bo’ hmangin sermon ngaihthlak ani a; Corps a rawngbawltu kan nih lai hian kan rawngbawlsak sipaite hian midang aw ni lovin kan aw hriat an chak a, kan tawngtai sak an mamawh ani. Corps-a rawngbawltu te hi mipuite Lal kan ni lova, an rawngbawlsaktu tur kan ni. Hruaitu tha chuan mitha a chherchhuak thin a, lansarh tumna hi tisa lam tuihalna ani. Mahni hmasialna avangin corps a sipaite hi kan in ei tawn thei thin lo va, Rawngbawlna min siamsaktu Corps hi kan hmangaih tur a ni. Kan beram te hi kan veng ngun tur a ni a, Financial campaign te pawh hi Biak In ah ni loin sipaite ina kalin kan nei tur ani tih thute hmangin thusawi nung leh min cho tak ngaihthlak a ni.

Chawhnu lamah chuan Rawngbawlna chungchang thu ngaihthlak leh a ni a,
2Kor 3:6 thu hmangin inpumpekna atangin thlarau lam hruaitu nih theih anih dan te, Corps a mi tha tak tak, mahse langsar silo te talent haichhuah sak a tul thu te, sipaite in ngaihsak tawn a tul zia thu te ngaihthlak leh ani.

Sermon ngaihthlak zawh hnu hian mimal tinin thlarau-a chakna thar kan neih theihna tur leh thlarau pawlna thar changa hlawk zawka hun kan hman theihna turin Bethel na hun siam a ni. Speaker in Bethel-a Pathian kan dawrna tur atan kaihhruaina min siam sak a, sipaite thlarau lam hruaitu nihna kawnga rawngbawltu te kan in enfiahna turin hetiang hian tawngtaina hun hman a ni -

i) Ngun taka ka in enin thlarau lam hruaitu ka niin ka inhria em?

ii) Tuna ka enkawl / thawhpui te hian thlarau lam hruaitu niin min ngai em?

iii) Thlarau lam hruaitu ni tura ka chaklohna

iv) Thlarau lam hruaitu ni tura ka mamawh/tuihalna

v) Hun kal tawh leh tuna thlarau lam hruaitu ka nih theih lohna, tihte hmangin Pathian pawlna (Bethel) neih a ni.

Bethel zawh hian Biak In ah lut khawm leh in hun reilo te hman leh a ni a, chumi hnu ah pawn chhuakin kan ding kuala, mahni dinglam theuh a mite chu an luchungah kut nghatin malsawm sakna neih ani a, vawikhatmah malsawmna kan la hlan ngai lohte an luchunga kut nghata malsawm sak chu a ropui tak zet a ni. Tichuan tlai dar 4:00 pelh hretah Tawngtai tlang chu kan chhuahsam ta a ni.

He hun hlawhtling taka kan hman theihna tur atana mahni lirthei rawn kengtu zawng zawngte, Sound leh music thatak kan neih theihna atana theihtawp chhuahtu thalaite leh sipai, he hun ngai pawimawh a mahni hna tul leh pawimawh kalsana rawn kal zawng zawngte chungah lawmthu kan sawi tak meuh meuh a ni.

Lalpa’n malsawm che u rawh se.
 

SAY ACTION PLAN LEH BUDGET 2011 SIAM A NI
Admin on 02/15/2011 at 5:09am (UTC)
 January ni 11, chawhnu dar 2:30 khan SAY Office ah kumina SAY Council vawi khatna leh Budget, Action plan te siamin Council neih a ni.

He council hmasa berah hian Leader/Chairman C. Lalthlamuana’n Council Member thar lawmna sawiin, Pathian hnen ah Council te a hlan hnu-in agenda te sawiho nghal ani.
Budget, 2011
Fin.Secretary, K.Lalhruai-tluanga’n kum 2011 atana kan budget a siam chu sawifiah na a nei a, chumi hnu ah nguntaka ngaihtuah anih hnuin Budget atana a rawn siam Rs.2,03,600.00 (Cheng nuai hnih sangthum zaruk ) chu lungrual taka pawm ani.
Incharge hrang hrang ten Action Plan leh Budget an rawn siam chu nguntaka sawiho a ni

Evangelism
Judy Lalfakzualin kum 2011 atana action plan leh budget a rawn siam chu hetiang hian pawmpui a ni :-

Spiritual Retreat
hei hi nguntaka sawiho anih hnu ah Senior Corps ten 26 January, 2011 ah Retreat an siam dawn tho avangin hemi ni ah hian SAY member tea tam thei ang ber kal tur a in hrilh/sawm ni mai se kan ti.

Making Videos ( Worship Dance/Skit/Band etc) budget atan Rs. 5000.00

Praise & worship festival, 2011 Hei hi September thla ah neih theih ni se budget atan – Rs. 1000.00
Fasting Prayer ( Once every month) 1st Monday zan
Mual inkhawm (Monday Night/Sunday)
Budget Rs.2000.00
Movie Night SAY inkhawm ah
Fresher Welcome Night

Project – Outreach ( Nepal/Darjeeling/Kalimpong) khawi hmun ber emaw nise a hun atan chuan December thla ah nise.
Project estimate – Rs. 80,000.00
Evangelism budget – Rs.7,000.00
Project Estimate
Rs80,000.00
Assistant Evangelism In charge atana Incharge in a rawn thehluh Emmanuel Lalhmunsanga chu lungrual taka pawm a ni

Social & Community Vanlaldiki Sailo Social & Community In charge in action plan leh budget a rawn siam te chu nguntaka sawiho a nih hnu ah hetiang hian pawm a ni.
Ni 22-24 April, 2011 Good Friday & Easter Sunday or hun remchang hmasa ah Enna In, Blind Hostel leh Officer Training College, Kolasib ah Free clinic neih nise, Kolasib Corps hrang hrang ah rawngbawlna neih ni bawk se
Ni 26 April Zoram Sipai Pawl ni ah Social Works neih
19 June SAY Sunday pualin Civil Hospital leh Thana ah thl semna neih.
2nd July Founder’s Day ah babies Home or Muanna In ah hnatlang neih a, an hna tulte thawhsak
Salvation Army tan a Social Service pawimawh zia in zirtirna Social Service Night hman nise
Tanpui ngai tanpui na eg: khawlai a riak thin te tan mutmu/blanket khawn khawm a pek nise
Bawm dawh midangte tanpui nan. Eg:-Civil Hospital a damlo harsa zual te tan
Budget – 3600.00

Games & Sport
Lalsangbera Games & Sports In Charge in Action Plan leh Budget a rawn siam te chu nguntaka sawiho anih hnu ah hetiang hian pawm ani.
Khawpui chhunga eng Corps ber nen emaw joint sport neih
Brigade Sports neih – Indoor and outdoor – Outdoor ah hian Babutlang Basket Ball Court emaw Dawrpui School kawt hman nise. Indoor atan chuan R.M. Hall complex hman nise
Bial Sports a awm dawn anih chuan Corps dang sawm a warm-up/ preparation match neih nise. Items atan Football (Men) Volley Ball (Women) Race ( Men & Women) neih thei ngei nise
No.I & 2 hi Academic Calendar zul zuia neih nise
Budget - 3,600.00
Drama – Nl. H. Lalhriatpuii Drama In charge in action plan leh budget a rawn siamte chu nguntak a sawiho anih hnu ah hetiang hian pawm a ni.
1)Doordarshan ah Skit & Worship dance Good Friday denchhen a neih nise. In charge in a rang lamin hma lo la se
2)Performing Arts Festival - hun remchang ah neih ni se
3)Costume & Disc Blank lei tur.
4)Talent Search neih ni se.
5)Brigade Worship Dance Competition
Assistant In Charge atan Tv. Lalruatkima ( tekima) a rawn propose chu lungrualtak a pawm ani
Budget – 3600.00
Music -Tv. Lallawmzuala, Music in charge in Action Plan leh Budget a rawn siam te chu nguntak a sawiho anih hnu ah hetiang pawm ani.
1)Worship Team din – Hei hi In charge in member tur rawn ruat se council leh hmasaber ah sawiho nise.
2)Thlatin a hlachang sawitu leh Musician ruat
3)Beat Contest ( Sports nen a tangkawp a siam nise)
4)Zaipawl neih anih dawn chuan Member turte council in ruat nise.
5)Keyboard zirtur sponsor
Project :-
1)Bass Combo - Rs. 20,000.00
2)Bass Guitar thar ( 1Nos.) - Rs. 20,000.00
3)Microphone Stand ( 2Nos.) 2 x 4600 - Rs. 9,200.00
4)Power Strip ( 1Nos.) - Rs. 1,000.00
5)Extention Cord ( 2Nos.) 2 x1700 - Rs. 3,400.00
6)Condenser Microphone (2Nos.) 2 x 15000.00- Rs.30,000.00
7)Condenser Microphone Stand(2Nos.) 2 x 4600.00 - Rs.9,200.00
8)Microphoen rest
9)Sub Woofer
Repair turte :-
1)Bass Guitar - Rs.1000.00
2)Acoustic Guitar - Rs.2500.00
3)Mixer hlui ( adaptor) - Rs.1000.00
4)FM Microphone - Rs. 500.00
Budget – Rs. 3600.00
Assistant In charge atana Tv. Oliver Zothanpuia In charge in a rawn rawt chu lungral taka pawm ani.
Literature : Nl. R. Lalremtluangi Literature In Charge in Action Plan leh Budget a rawn siam chu nguntaka sawiho anih hnu ah hetiang hian pawm ani.
SAY Chanchinbu Salvationist chu chhuah chhunzawm leh ngei nise kan ti. Editorial Board member siam ani. Salvationist man khawn chungchang ah Receipt siama thlatin Council Member bial neituten khawn leh nise
Sponsorship leh Advertisement zawn nise. Advertisement bik ah hian Kohhran kaihhnawih ang chauh chhuah nise
Corps chhung a Local officer leh SAY member zing ah atam thei ang thuzial tur a sawm.
Literature Night hman nise – Salvation History leh Doctrine atanga Quiz siam ni bawk se.
Assistant In Charge atan Nl. C. Ramropuii In charge ina rawn rawt chu lungrual taka pawmpui ani.
Budget – Rs.3600.00
AOB :- 2011 ah pawh hian Brigade 3 ah inthen leh nise kan ti a, Brigade hming tur hi ngun tak leh reitak sawiho a nih hnu in Brigade hming kan lo hman chhoh mek kan Retired officer 3 te hming hman leh nise kan ti a-
Maj. Lalthansanga
Maj. Sangzuala
Maj. P.C Thansanga Brigade ni se kan ti. Brigade Budget atan hian Rs.5,000.00 ( Rs.Sangnga) nise. Brigade Leader turin heng mite hi council chuan lungrual takin a pawm ani –
Emmanuel Lalhmunsanga
Isaac Lalhlimpuia
Victor M.S Dawngliana
Bial then chungchang :- Secretary in Council member te bial then a rawn siam chu nguntaka ngaihtuah anih hnu in hetiang hian pawm ani:-
a) Jail veng, Medical Quarters, Upper Bazar
Ellen Lalengzuali, Treasurer
Joseph Lalremmawia, c/m
b) Dinthar-I
C. Lalthlamuana, Leader
C Ruala, c/m
Lalruatkima, Asst Drama i/c
c) Dawrpui West
Vanlaldiki Sailo, Social & Community i/c
Victor M.S Dawngliana, Brigade Ldr.
d) Dawrpui South
Nelson Lalthanpuia Sailo, Secy
Judy Lalfakzuali, Evangelism i/c
Emmanuel Lalhmunsanga, Asst. Evan. i/c
e) Saron Veng
M.S Dawngzuala, Asst. Secy
Lallawmzuala, Music i/c
R. Lalremtluangi, Literature i/c
f) New Market & Chhinga Veng
Robert V.L. Thlamuana, Asst. Leader
H. Lalhriatpuii, Drama i/c
g) Electric Veng
Lalsangbera, Games & Sports i/c
C. Ramropuii, Asst. Literature i/c
h) Zarkawt
K. Lalhruaitluanga, Fin. Secy
Isaac Lalhlimpuia
Oliver Zothanpuia, Asst. Music i/c
3) Faith Promise khawn leh ip chungchang : Nikum lama kan lo tih taw hang in Bial neituten khawn keh nise, thlatin in thawhtan zan vawihnih na ah kenkhawm thin nise. Tin Faith promise ip ah hian Building Fund leh Spl. Fund tih tel nise. Missionary Ip chu a hran a siam nise kan ti.
4) Lehkha hmuh :- Kan member Nl. Lalthianghlimi’n YWAM DTS a tih dawn avangin SAY te hnen ah Sponsor a rawn dil chu nguntaka ngaihtuah ania. Sponsor hi tihsak ngei nise. Amaherawchu tun ah hian kan sum dinhmun a that vak hrih loh avangin Missionary kan lo chawm pangngai 3 chu pakhat ah ti hniam in , Nl. Lalthianghlimi leh Tv. Lalthlamuana Sailo chu thlatin Rs.1000.00 a sponsor nise. Hei hi Missionary Board ah hriattir nise kan ti.


Salvation Army Youth, Aizawl Bazar Corps
budget for 2011

INCOME
1) Offering Rs.1200/- X 12 months Rs.9,200.00
2) Special fund Rs. 200/- X 12 months Rs.2400.00
3) Missionary fundRs. 2000/-X 12 months Rs.24,000.00
4) Faith PromiseRs.6500/- X 12 months Rs.78,000.00
5) Dawr luahmanRs. 4500/- X12 months Rs.54,000.00
6) Membership Rs.10/- X 160 persons Rs.1600.00
7) Literature Rs.7000.00
8) Brigade budget Rs. 5000/- X 3 Rs. 15,000.00
9) Social service fund Rs. 200/- X 12 Rs. 2400.00
10)Fund raising, Christmas appeal

Total Rs.2,03,600.00


EXPENDITURE
1)Corps maintenance Rs.1100/- X 12 months Rs. 13,200.00
2) Missionary Rs. 3000/- X 12 months Rs. 36,000.00
3) Bial SAY Rs. 550/-X 12 months Rs. 6,600.00
4) Loan rulhna Rs. 8000/- X 12 months Rs. 96,000.00
5) SAY Congress Rs. 15,000.00
6) Evangelism Rs. 7000.00
7) Social and Community Rs. 3600.00
8) Games and Sports Rs. 3600.00
9) Drama Rs. 3600.00
10) Music Rs. 3600.00
11) Literature Rs. 13,000.00
12) Social service fund Rs. 200 X 12 Rs. 2400.00 Total Rs.2,03,600.00
2010 Budget Rs. 1,81,648.00
2011 Budget Rs. 2,03,600.00 A inthlauhna Rs. 21,952.00
A punna Rs. za zelah Rs. 12.08p
 

<- Back  1  2  3  4  5  6  7  8  9 ... 12Continue -> 

This website have 577151 visitors (1514621 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================ This website was created for free with Own-Free-Website.com. Would you also like to have your own website?
Sign up for free