The Salvation Army Kum 2016 India Eastern Territory Thupui : “ I duhzawng tih mi zirtir ang che; ka Pathian i ni si a” - Sam 143:10 =============================================="One Army, One Mission, One Message" =============================== Advertisement support website a ni a, advertisement hi chu a awm lo thei lo a, hriatthiamna kan ngen e. Tin, Advertisement (phek chung ami leh phek dinglam ami) te hian Bazar Corps nen inkaihhnawihna an nei lo a, webhost tu, own-free-website.com te dah a ni e. Mawh kan phur lo.
 
WEB-PAGE LIST
Home
Guestbook
News
Corps news
Salvationist Poll
Forum
Contact us
About us
ve lawks
Ka lo tawn ve
Ka hla duh leh a chhan
Editorial
Article lawrkhawm
website newsletter
Gallery
SAY Sub-Committees
YP Corps
Home League
League of Mercy
Bible Society
SA News tawi
SA SocialServices news
Poem and poetry
Downloads
Website Statistics
SA website dangte
Kan Dopuite
Thurin
SA Story
Corps area map
Bazar Corps Location
 

All rights may be reserved by S.A.Y. Bazar Corps, Aizawl, Mizoram. Copyright © 2016. ================== "One Army, One Mission, One Message" ================== MISSION STATEMENT ---------------------------- Chhandamna Sipai Pawl chu, khawvel pum huap pawl, Kristian kohhran te zinga pakhat Chinchin Tha hril lam thawktu a ni a. A thuchah chu Bible-ah a innghat a, A rawngbawlna chu Pathian hmangaihnain a tinung a, A thil tum leh a hnathawh ber chu chu Isua Krista chanchin Tha puandarh leh inthliarhranna awm lova mite mamawh phuhruk hi a ni. ================== MISSION STATEMENT The Salvation Army, an international movement, is an evangelical part of the universal Christian Church. Its message is based on the Bible. Its ministry is motivated by the love of God. Its mission is to preach the gospel of Jesus Christ and to meet human needs in his name without discrimination. ==================

News

Bazar Corps News leh Chhandamna Sipai Pawl News hrang hrang te ziahna a ni. Heng news-ah te hian comment pawh pek theih a ni e
SAY rawngbawlna tlangpui-(Upto June 2009)
Secretary, SAY on 07/08/2009 at 4:10am (UTC)
 SAY Member zat = 169 (Hmeichhia 72, Mipa 97)
Kumin Budget = Rs. 1,79,850.00
Office Bearer-6, In charge-6, Council Member-12
Council neih tawh zat vawi 8
Brigade 3 -Maj. Lalthansanga, Maj. PC Thansanga, Maj. Sangzuala Brigade ah te inthen a ni. Budget Rs. 3000.00 a ni .

January

Council hmasaber ni 10.1.09 ah neih a ni a, kumin kan budget leh Action plan te duan nghal a ni .
Ni 19.1.09 Career Guidance Night hman a ni
26 January ah Bethel/Retreat Tawngtaina tlang ah neih a ni a, member 47 lai kan kal a, Pu Lalnghakliana Speaker a ni.Ni 27 January, 2009 zan ah CHAN ten exploratory visit an rawn nei. SAY leh Home League ten Human trafficking chungchang kan zirho.

February

Ni 16– Thawhtan zan ah Mual inkhawm Zodin Square ah neih a ni a, zai ho na leh sharing a hun hman a ni.
Rangvamual leh Phunchawng a zu zawrh bansan ta te tanpui nan R.M. Hall kawt ah bawm hun a nia, hetah hian tanpuina thuamhnaw thahnem tak leh pawisa fai Rs.4000.00 lai a tla.
Music/Solfa Camp February ni 22-28 chhungin zan inkhawmban ah neih thin a ni.

March

Ni 3 zan ah Phunchawng leh Rangvamualah Pi Runi Phunchawng, Pu Laldawnga Rangvamual leh Pu Lalzarliana Rangvamual te hnen ah Rs. 1000.00 leh thuamhnaw bag1 theuh pek an ni. Tawngtai na hun hman a ni bawk..
Ni 13 nilengin Bethlehem Corps SAY te nen College Veng Field ah Charity Sports neih a ni. Piangsual/Chanhai/Rethei zawk te tanpui na atana buatsaih a ni.
Ni 16 zanah Sports closing Bethlehem Corps ah neih ani a, kan hlim tlang hle. Sports a hmuhchhuah Rs.6800.00 chu Rs. 3400.00 ve ve a insemin tanpui ngai kan tih te hnen ah pek a ni. Ni 24 zan ah Charity Sport kan neih atanga kan sum hmuh te chu Pi Runi Phunchawng buhfai bag 1 te, Pi Chuaii Dinthar Corps - ani hi pawisa fai Rs.700 leh blanket 2 pek a ni.Rodingthanga Y.P. Corps Kawr, Kekawr leh pheikhawk pek a ni.

April

Ni 13 zanah Biakin sakna atan SAY member zawng zawng ten ip kan lakhawm a, Rs.10,330 hmuh a ni. Ni 25 ah Central Division SAY Council buatsaihin Blood Donation R.M. Hall ah neih a ni a, kan Corps atangin mi 12 in thisen an pe a ni. Ni 27 zan ah Rangvamual ah Mual inkhawm neih a ni a, DYS in min ho a, zai a rawngbawlna neiin mi lo kal te tawngtai sakna leh Inhlanna hun siam a ni bawk.

May

Ni 1 ah State Training Centre, Tanhril ah Summer Praise neiin Pathian faka zaihona nileng leh zan thleng kan nei a Nl. T. Lalhmachhuani short sermon zan lam ah a rawn nei a, Pathian hnen ah inhlan tharna neih a ni bawk Member 50 lai hemi ni hian kan kal a ni.
Ni 11 zanah Literature Nite hlim taka hman a ni. Brigade tin ten Chanchinbu an rawn siam theuh bakah Litt. i/c in Bulletin a rawn siam chu kan hlimpui hle.Quiz, Collage te Brigade leader solo, tawng upa hmanga sentence siam ah te inelna neih a ni.
Ni 30 nilengin Tanhril ah Ramngaw leh Thilsiamte thlirna hun, Thing phun tur leh Nungcha te, Environment venghim tur intiamna hun hman a ni.Hlahril (Poetry) inphuahsiak na neih a ni. Hemi ni hian Brigade inelna- Thing leh thlai damdawi inhriatsiak te, Thing leh hnimhnah inhriatsiak te hmangin inelna hlim taka neih a ni. Bible Study neih a ni a, infiamna chi hrang hrang neih a ni.

June

Ni 15-19 chhungin RM Hall ah Workshop/Seminar on Drama/Skit/Worship dance chu hlawhtling taka neih a ni a, Resource person Tv. Zothankima, Director, School of Performing Arts, DTS Siliguri YWAM in hun thatak min rawn hmansak a, Corps 6 leh Presbyterian atangin 1 an lo kal.
Heng bakah hian SAY te hian Thawhtan zan apiang in SAY Inkhawm kan nei thin a, inkhawm hi chawhrualin mi za zela 33 vel anga chhut a ni. Inkhawm hian dar 9:00PM hi chu kan thleng deuh ziah a ni. Kan inkhawm ah hian thusawi bak ah, tawngtairualna (Subject hrang hrang hmangin) kan hmang thin, Testimony, Bible chhiar rualna te hman thin a ni a, hmundang atangin thusawitu hran hran te pawh sawm thin an ni a, member ten kan hlawkpui thin khawp mai.Sunday fellowship hi thlakhat ah tum khat in hrang hrangah hman thin a ni.
Kumin ah hian O.B. ten member zawng zawng tlawh chhuah na neih a ni a, tun ah hian a vawihnihna neih tum leh mek a ni bawk.
Tun ah hian kan action plan tam tak chu tluang takin Pathian zarah kan ti tawh a, mahse hmabak tam tak kan la nei a, chung zing ah chuan outreach kan neihna tur Fatakkapur, Music & Art Show, 2009 neih tum mek a ni.
Tin kan chanchinbu SALVATIONIST pawh bahlahna awm lovin Pathian tanpuina in kan la kalpui zel thei a ni.

Kan sum hmuhna

1.Faith promise
2.Inkhawm thawhlawm
3.Special Fund
4.Missionary Fund
5.Blanket suk, Jumble sale, lehkhachhia hralh etc
6.Member te donation eg: sawma pakhat leh adt(a dangte)

Hmanralna thenkhat

1. Missionary thlatin Rs. 3000/-
2. Self support thlatin Rs. 600/-
3. Corps Maintenance thlatin Rs. 500/-
4. Bial SAY Fund thlatin Rs. 450/-
5. Pangpar khawina thlatin Rs.200/-
 

S.A.Y NATURE WATCH
Admin on 06/10/2009 at 6:52am (UTC)
 Thalai ten ruahmanna kan lo siam tawh bawhzui nan Nature Watch chu May Ni 30 khan Tanhril, Sports & Youth Services Centre ah neih a ni. Items chi hrang hrang, Mapping, Bible Study, Awareness on Deforestation & Forestation, Ram hmul damdawi inhriatsiak, Thing hming leh a thatna inhriatsiak leh On the Spot Poetry Writing Competition neiin hun hlimawm tak hman a ni.

Mapping: Ramrikawn atanga Centre hi ke a kal tur anih avangin, hemi ni hian member panga kal hmasain Tanhril khawdai atangin Brigade flag phun chhoh a ni a. Flag phun na ah hian Brigade tin tan hian tih tur phum ruk vek a ni a. A hahthlak bakah a hlimawm hle bawk a ni.

Bible Study: Bible Study hi Nl. Ellen Lalengzuali, SAY Secretary in min kaihruai a, Genesis 1:28, 2:15 leh Rom 8:18 atangin zirho na kan nei a. Paper-te a rawn buatsaih bawk. Thingkung hlim hnuaia Bible study kan neih te kha a lo nuam danglam hle mai, kan chhehvel thing leh mau leh thereng te pawhin an lo ngaithla ve tlat te hian a hriat a ni.

Awareness on Deforestation & Forestation: He hun hi Pu. Robert V.L Thlamuana SAY Leader in a kaihruai a. Mihring te hian Ram kan tih chereu nasat avanga keimahni leh keimahni harsatna kan in siam dan te, Pathian in heng a thil siamte enkawl tura ruat kan nihna hre lo a, a ti chereutu kan nih hian Pathian duh loh zawng tak kan nih theih thu te ngaihthlak a ni a. Thing leh mau kan tih chereu avanga Boruak chhia lo pian chhuah dan te, kan lo neih dan tha lo (Shifting cultivation) leh ramsa chunga kan ngilneih loh zia te a sawi lang bawk a. Kan pi leh pute tih dan thalo chu paih a, keini thalaite hian bul kan tan that chuan kan ram hi ram nuam takah kan siam leh thei a ni tiin thalai te min cho a. Thutiam lakna hun a hawng nghal bawk. Kan tiamte:-
1. Ram ngaw humhalh turin.
2. Thingphun turin.
3. Ram ti chereu lo turin.

Heng thutiamte hi thalai ten kan la urhsun hle a, thalai 25-ten rilru leh tihtak zetin, ‘ Aw kei hian kan Ram, chhan tlaka la awm hi ka la humhalh thei a ni’ tiin hming an sign hnan a ni.

Ram hmul damdawi inhriatsiak: Brigade in elna anih avangin, kan tang tlang hle a. Rin aiin Ram hmul lakkhawm tur lah kan hre tlang. Hnah 5 lak turah 10 aia tam rawn la te an awm a. A bengvarthlakin a hlimawm hle mai. Min endiksaktu Dr.K. Lalhruaitluanga, Asst Secretary pawh a bengvar letling ngawt ang!

Thing hming leh a thatna inhriatsiak: Brigade in elna bawk a ni a, Thingkung 5 hming leh thatna ah inel a ni. Ramhnuaiah kan chhuak sang sang a, a thente phei chu kan kiu ruih ruih a, a nuam khawp mai. Minute 5 pek kan ni a, hetah hian Pu. C. Lalthlamuana, Fin. Secretary-in min endik sak a, kan lo hre tlang hle mai. Tin, sava ten an tlan thin thingrah nei te pawh kan hriat belh mai bakah kan humhalh a tul zia te kan in hrilh hria a ni.

Poetry writing competition: ‘Min hual veltu Ramngaw leh Ramsa humhalhna’ na lam hawizawng a inziahsiak a ni. Literature i/c Tv. Victor M.S Dawngliana’n min kaihruai a, Thalai ten thu ziak pawh kan lo thiamin kan lo ril tlang hle mai.

Chawte kan han ei kham a, reilo te kan han chawl hahdam a, Tv. Nelson Lalthanpuia, Evangelism Incharge in tawngtaina in kan hun min khar sak a, tichuan ke bawk a Ramrikawn thleng kalin, tluang takin in lam kan pan ta a ni.

=========================================

He mi nia ‘On the Spot Poetry Writing Competition’ lawmman pakhatna atanga pathumna dawngtute leh an peom te kan han tarlang e. chhiartu ten in hriat reng tur chu heng poem te hi minute 20 chhunga phuah vek an ni :-

Thlir vel ila kan Zoram nuam hi
Thing lenbuang zarmawi ah
Sirva ten hlimte’n zai an lo sa e
Hawi vel ila kan tlangram hring duai
A mawi ngei e kan Zotlang ram nuam hi

Mahse duham chinlem neilo hringmi leng zawngten
Kan tlang ram nuam leh duhawm chu
Kan ti chereu zo ta a pawi ngei e
Kan ram tlang ram nuam ah chuan
Sirva hlimzai sa thin ten nun ralti in an hmang zo ta maw

Aw a va pawi em thing leh ramsa zawng te
An chereu zo ta maw
Keini thang leh thar te hian in
Kan ram ti mawitu thing leh ramsa te
Humhalh in tlahfiak leh chemsen tawn ah
Vengin humhalh zel ila
Tichuan Zoram nuam kan siam ngei ang.

He poem hi Lalrindiki, Maj Lalthansanga Brigade a mi phuah a ni. Lawmman pakhatna dawngtu a ni).

Thinglenbuang leh maurua te hi
Khuanu tuahrem, kan nun nawm nan
Ren tin daih, nunna hnar a lo ni
Daifim, siktui, nunna tuifim
Min pe, dangchar tihnawng-an
A zarmawiah sirvaten zai lo sa e
Kit mai lovin, phun zel ila
Chutin kan ram a hring nuam ang
Chunga khuanu duhdan rengin
I hmang ang u, thing leg maute
Thing leh mau phun tur chu Keimahni
Nun nuama lengtur chu Keimahni
Tu leh fa tana thawk tur chu Keimahni
Ramngaw, nungcha- thilsiam tinreng
Duatin, thingsiri par tlanin, In hal lote’n leng za ang u.

He poem hi Dr. K. Lalhruaitluanga phuah a ni a, lawmman pathumna dawngtu a ni).

Chung Pathian hmangaihna chuan
A siam khawvel luah tur atan

A duang e, hringmi, nungcha; Duhtaka a siam te zawng chu

Lungrual tea leng za in; Tumah in tina awm lovin
In hmangaih tawnna nen; Hlim zai i vawr za ang

Ram tuklo zai vawr leh; Sirva zaisa thawm te chuan
Siamtu fakna zai an rem; Ropui zual e Siamtu Pathian

Chutin keini hringfa leng; Hmangaihna a inlungrualin
Thing leh mau nungcha te; Duat ten i veng ang u

Hualhimna chang kan hriat loh chuan; Kum te a lo vei anga
Kan ram thlaler ah changin; Lungte i melh reng mai ang
Aw fimkhur rawh.

He poem lungrun zet mai hi Pu Lalthlamuana SAY Fin.Secy phuah a ni a,lawmman pathumna dawngtu a ni).
 

Thianghlimna Campaign
Admin on 07/18/2008 at 6:52am (UTC)
 Division SAY Council bultum Thianghlimna Campaign chu ni 14 July, 2008 khan Bazar Corps SAY inkhawmah neih a ni a. He hunah hian Division SAY Council atangin Pu K. Laldawngliana, Dinthar Corps SAY Leader chu a lo kal a. Dinthar Corps SAY member 3-in an rawn tawiawm bawk.

He inkhawm hi Pu Robert V.L. Thlamuana, Bazar Corps SAY Leader-in a kaihruai a. Nl. Ellen Lalengzuali Secretary hnen atangin inkhawm hman a nih dan tur leh Bazar Corps SAY rawngbawlna report a pe a. Hemi hnu hian Tv. S. Lalrengpuia’n Pathian fakna hla mawi tak “Van in” tih chu ngaihthlak a ni a. A hla sak hian ngaithlatute thinlungah thu a sawi nasa hle.

Inkhawm hruaitu kaihruaiin Tawngtai rualna hman a nih zawhah Thusawitu Pu K. Laldawngliana, Dinthar Corps SAY Leader chuan hun a rawn hmang nghal a. Inhmelhriattirna hun a hman zawhah Nl. Catherine (Dinthar Corps) hnen atangin Pathian fakna hla ngaihthlak a ni a. Hemi hnu hian Pu K. Laldawngliana hnen atangin Thianghlimna thuchah ngaihthlak a ni.

Kawng hrang hranga Thianghlimna kan neih a tulzia sawiin kan eizawnna leh hnathawhna hmuna thianghlim a tulzia te, kan nitin nuna thianghlimna pawimawh zia te, nulat tlangvalna kawnga thianghlimna thu te, zuk leh hmuam leh ruihhlo laka thianghlimna te a sawi a. Thalai inkhawm ten an hlawkpui hle.

Inkhawm banah Council member te nen inkawmhona hun neih a ni bawk.
 

Tualte Corps ah rawngbawlna Report
Secretary, Bazar Cors SAY on 07/07/2008 at 6:09am (UTC)
 Bazar Corps SAY te leh Bazar Corps Band te chuan ni 28 June, 2008 khan Tualte Corps tlawhin fehchhuah rawngbawlna an nei a. Ni 30 June, 2008 khan dam takin an lo kir leh ta. He rawngbawlnaah hian Bus 1 leh motor te (Bolero Invader) hman a ni a. Mi 34 kan kal.

Ruahman lawk angin ni 28 June, 2008 zing dar 9:00-ah R.M. Hall kawt atangin kan chhuaka, Pathian venna hnuaiah tluang takin kan kal a, Tuirini kamah chhun thingpui, kan kensa chu kan in a, 5:30 PM-ah Chawngtlai kan thleng a. He khuaah hian Tualte Corps atangin mi 15 velin min lo hmuak a. Kawng tluanin Pathian fakna hla sain kan hlim hle. Ruah a sur avangin kan bus a kal thei tawh lova. Tlai 6:00 PM-ah Chawngtlai atangin kan chhuak a, kan CSM Pu C. Thangkima te motor invader - in kan bungrua a phur a, keiniho chu Tualte panin khawthim leh ruahsur hnuaiah kan kal a. Mahse, Pathianin min awmpui avangin tumahin hrehawm thu an sawi lo.

Kan bungraw ken – Sound system, Band Instrument, Bedding te chu Invader in tum 3 thiarin zan dar 11:00-ah a thiar zo. Hemi zan hian Tawngtai inkhawm pawh kan nang lo a, tichuan, thlen in turte kan han insem fel a. Zanlai dar 12:00 a lo ri der tawh a.

Hah leh chau taka kal nimah ila, zing 7 velah chuan kan tho kim deuh vek a, an khaw boruak a thiang hle.

Thianghlimna inkhawm-ah Pu P.C. Lalchhandama B.S in inkhawm a kaihruaia, Pu Chawnthantluanga, Evangelism i/c in Pathian thuchah nung tak a sawi a, Nl. Ellen Lalengzualin Aizawl Bazar Corps atanga kalte inhmel hriattirna leh report a pe a, Pu Robert V.L. Thla-muana leaderin thutawi sawiin Hollow Guiter - SAY te pek te, Tonic Solfa hlabu 6 Nos. - Maj. P.C. Thansanga Brigade in an pekte a hlan a. Nl. Vanlaldiki Sailo in mawi takin Pathian fakna hla a sa a, Band leh Zaipawl mawi tak ngaihthlak a ni bawk, Tv. S. Lalrengpuia’n Pathian fakna hla mawi takin a sa bawk. Thianghlimna inkhawm ban hian tawngtaihona kan nei a.

Chawhnu fellowship kan nei zui nghal a Pu C. Lalthlamuana, Fin. Secy-in hruaiin testimony nung tak Nl. R. Lalremtluangi hnen atangin ngaihthlak a ni a, Tv.Lalthansanga’n Pathian fakna hla mawi tak in a sa a, Thlarau Thianghlimin kan hnenah thu a sawi a, tawngtaihona te kan nei a, kan hlim hle.

Chawhnu inkhawm zawh hian MUAL INKHAWM kan nei leh nghal a, Pu C. Lalbiakmawia Sr. Adviser chuan a hruai a, Pu Chawngthantluanga Evangelism i/c hnen atangin Pathian thuchah ngaihthlak a ni. Nl. Vanlaldiki Sailo hnen atangin zai ngaihthlak a ni a, Band ten Pathian fakna rimawi an rem a, Skit - KROS KAL KAWNG (Via dolorosa) an chan chuan mite rilru a hneh hle. He lemchana tel te hian tualcharah an tih avangin an pilh phengphung mai a ni. Skit team te an indaih loh avangin chan hmain Nelson-a chuan Ricky, Pa Ruala, Mahriati, Secy, Ngura leh midangte chu tihdan tur min han hrilh nawk nawk a, kan han chang ta a, kan part chan theuh tha takin kan ti thei a, a lawmawm hle. Worship dance pakhat an entir thei bawk.

Zan Chhandamna inkhawm chu Pu Robert V.L. Thlamuana, Leader-in inkhawm nung takin a kaihruai a, Testimony ropui tak tak ngaihthlak a ni a, Pu Chawngthantluanga hnen atangin Pathian thuchah ngaihthlak a ni a, Praise and Worship hun hman chhunzawm nghal a ni. Hemi zana inkhawmte lu chunga kut nghatin member thenkhat ten tawngtaina an nei a, tawngtaina neih chhung hian platform ah thusawitu hoin Pathian fakna hla an lo sa a, hemi zanah hian thlarau damna mai bakah taksa damna changte pawh an awm a ni. Zahngaihna dawnkan ah mi 30 dawnlai ten inhlan tharna an nei a ni. Hemi zan ah hian Zaipawl, Band ngaithlak bakah Tv Lalthansanga’n Pathian fakna hla nung tak, mawi takin a sa bawk a, Kham lo takin Chhandamna inkhawm chu 10:00 PM ah kan tin ta a.

Inkhawm kan ban atang chiah hian ruah a sur nghal a, nilengin Lalpa’n khaw tha min pe a ni. zing 5:00ah Tualte atanga chhuak turin Biak in kawtah kan chhuak khawm leh a, Tualteah hian 407 pakhat chu ka bia a, mahse a remchan loh avangin 7:00AM ah ke bawkin Chawngtlai panin kan chhuak a. Kawngtluanin Pathian thu te kan sawi a, kan hah a; mahse, Pathianin min awmpui tlat avangin hlim takin kan kal a, tumahin a hrehawm thu kan sawi lo, inchhir thu sawi tumah kan awm lo. Invader-in kan bungrua leh kan Senior te a phur a, Invader hian kan bungrua hi vawihnih a thiar a, Chawhma dar 10:00-ah Chawngtlai kan thleng a, kan kal chhung hian ruah a sur lo a, Chawngtlai kan thleng kim ta tihah ruah a sur leh tan a, Pathianin min hruaina hi kan lawm a ni. Chawngtlai ah hian Sipai Pawl In 1 a lo awm a, chumite chuan thingpuite min lo lum a, zingah engmah kan ei loh avangin Wai Wai kan chhum a, rei vak lo kan chawlh hnuin, 12:00 velah Aizawl lam panin Motor-in kan lo chhuak a. Tluang taka kalin zan dar 8:00 velah R.M. Hall kawt hi kan thleng leh a ni.

Pathian rawngbawl tura kea kan han kal thei te kan lawm. Tualte khua chuan mak min ti a, min khawngaih a, anmahni an inthlahrunga, mahse, kan BandMaster-in rawngbawlnaah ke a kan rawn kal hi kan lawm, tuman min khawngaih tawh suh u a ti. A kalte tumah awm mai mai kan awm lo, Pu Thantea & P.L.a te Sound duty ah an awm nghal chat a, Skit chan a ngaih pawhin kan inhrilh nawk nawk a, kan ti thei mai a, a lawmawm hle a ni.

Tualte Corps-ah hian 1998 khan Crusade an nei a, chubak chu hetiang Crusade/camping vel hi an nei ngai lo, kan vanneihzia hi heta tang pawh hian kan hre thei ang.
Harhna Mizoram a a lo thlen apiangin Bazar Corps hian kan dawng ziah tih theih a ni. Kumtinin crusade/camping kan nei ziah thei a, Tualte Corps chuan tiharhtu an dawng ngai lo. Hun remchang hmasa ah Crusade/Camping nei turin kan lo la kal ang tiin kan rawn thlah ve ringawt, chuvangin kan tawngtainaah pawh hria ila a tha hle ang.

Tualte Corps te inpekna, min lo mikhualna kan lawm hle, an tha lutuk a, kan thlen ni khan tlai 3:00 atangin kan inbualna tur tui an lo lum lawk a, sipai in tin ten min thlen an tum theuh a, Kan ei tui loh an hlau a, kan kal ni hian SAY ten Vawk an lo talh a, Sipai Pawl mi lo chu lei an lo phal lova, sa kan ei loh an hlau hle a ni. Kan thlen zan hian kan thleng indawt zut mai bawk si a, Mizo chhang an lo chhum teuh a, thingpui thlum tawk nen min lo hlui teuh mai chu a lawmawm duh hle mai. Keini chu kan thlen in kan thlen veleh Mizo Artui hip tur min lo pe nghal a, min duat lutuk hlawm a, mutbu te kan keng a, a then chuan an mutbu pawh an phelh lo reng reng. Grapes, Sapthei etc an ngah a, ei tur a tam khawp mai.

Lawmthu:-
1) He rawngbawlna ti thei tura chakna min petu leh min venghimtu Pathian hnenah lawmthu kan sawi a. A thiltih ropuite avangin kan fak a ni.

2) Pu C.Thangkima, CSM te chhungkua hnenah kan lawm a. An motor phal takin min hmantir a, an motor hi Tualte leh Chawngtlai inkara bungraw thiar nan kan hmang tangkai hle.

3) Pu Lalpianglawma chungah kan lawm a, bungrua thiar a ngai a, kawng a nal bawk si, phun miah lovin, riltam pawh sawi lovin, thiar a ngaih chhung chu a thiar mai a ni.

4) Kan Band Master & Band Secretary chungah kan lawm em em a ni. Kan zin kawngte a nuam lo, mahse, engmah an sawisel lo, an chungah kan lawm hle a ni.

5) A kal zawng zawng te hnenah lawmthu kan sawi.

6) Nu leh pa, Sipai min lo tawngtai saktute hnenah lawmthu kan sawi a ni. ¶
 

SAY Sunday hlawhtling taka hman a ni
Asst. Secy, Bazar Cors SAY on 07/07/2008 at 6:03am (UTC)
 Ni 22.6.08 khan Salvation Army Youth Sunday 2008 chu Pathian kaihhruainain hlawhtling takin hman zawh a ni ta. He Sunday pual hian tawngtaina nasa tak nen inbuatsaih a ni.

Ni 21.6.08 zan atang khan Pu Lalnghakliana(Nghaktea), Misualte thian team chu Speaker a hmangin Crusade neih a ni a, he Crusade hi Thawhtan zanah a tiak a ni. He Sunday pual hian ni 20.6.08(Zirtawp) zan khan zan chanve tawngtai neih a ni a, hemi zan hian Pathian thlarau chenchilhna nen hun hlimawm tak hman a ni.

Tawngtai inkhawm (Ni 21.6.08) zanah hian Pu Chawngthantluanga, Evangelism incharge in inkhawm kaihruaiin Nl. Lalrindiki hnen atangin Pathian fakna hla ngaihthlak a ni a, SAY Zaipawl ten Pathian fakna hla an rem a; Pu Nghaktea hnen atangin Pathian thuchah ropui tak kan ngaithla a ni.

SAY Sunday zingkarah hian Zauthanga Memorial Camping Centre, Chawnpui a ruihhlo ngaite leh humsual daite hnenah tanpuina thilpek chi hrang hrang- buhfai quintal 2, alu bag khat, Sanitary pad tam tak, toothbrush leh toothpaste tam tak, artui box khat, biscuit leh ajinomoto te hlan an ni a, he hunah hian SAY Council member te an kal a ni.

Thianghlimna inkhawmah Pu Robert Vanlalthlamuana, Leader in inkhawm kaihruaiin Nl. Vanlaldiki Sailo in Pathian fakna hla Ka dai zel dawn tih hla mawi takin a sa a, SAY Zaipawl in Nang i thianghlim si tih chu an rem a, Bazar Corps Band ten Fak rawh u, Isua fak rawh u tih hla an rem bawk. Kumin chhunga SAY rawngbawlna report leh Financial report ngaihthlak a ni. Pu Lalnghakliana hnen atangin Pathian thuchah ngaihthlak a ni a.

SAY Sunday a thilpek lakkhawm te hi kan dil angin Senior Corps ten Pathian hnena thilpek chu SAY te kutah min hlan a ni. Thianghlimna inkhawm banah hian thingpui inho a ni.

Chawhnu ah Thutak Nunpuite Team Centre, Zuangtui ah thawmhnaw bag sawm , buhfai quintal 3, dal bag khat hlan an ni.

Chhandamna inkhawmah Pu K. Zohmingthanga, Asst. Leader in inkhawm kaihruaiin Tv. S. Lalrengpuian Pathian fakna hla Krista Pathian fapa i ni tih hla a sa a, Bazar Corps Band te leh SAY te hnen atangin Pathian fakna hla ngaihthlak a ni bawk. Kumina SAY member zirnaa hlawhtling te hnenah lawmpuina thilpek hlan an ni a, speaker hnen atangin Pathian thuchah ropui tak ngaihthlak a ni.

SAY Sunday denchhena Crusade hi Thawhtan zanah chhunzawm leh a ni a, hemi zan hian SAY te bakah nu leh pa ten min tawiawm bawk ani. SAY inkhawm hi Nl. H. Lalhriatpuii, Treasurer in kaihruaiin Tv. Lalsangbera hnen atangin Pathian fakna hla Ka la chang ngei dawn a ni.. Krista ka aia a thih vangin tih mawi takin a sa a. Speaker hnen atangin Pathian thuchah kan ngaithla a, kham lo takin inkhawm chu dar 9 ah kan bang a,inkhawm banah thingpui inho leh a ni. Min awmpuitu Pathian chu ropui ber rawh se.
 

SAY Secretary report, 2008
Admin on 06/24/2008 at 8:29am (UTC)
  Kum 2008 January atanga June thla thlenga kan activities then then te i lo thlirho ang u. Kumin ah hian SAY Member hi mi 159 kan ni a.Hmeichhia 69 leh Mipa 90 kan awm a ni. Executive Council Member 17 Sr. Adviser 2

SAY Council Member te hian bial kan neih theuh bawk a, kan rawngbawlna te hi Secretary in achhinchhiah mai bak ah Incharge te hian log book an vawng veng a ni. Kumin budget hi Rs.1,55,800.00 a ni. Kumin ah hian Missionary pathum chawm a ni a, Axis bank ah SAY te hian Account neih a ni bawk a ni. Thawhtanzan SAY inkhawm apiang ah hian tawngtai hona neih ziah ani a, chu chu Evangelism i/c in a kaihruai thin. Tin, thla khatah Sunday fellowship vawikhat neih thin a ni bawk a ni.

Thlakhat chhunga rawngbawlna hrang hrang kan neihna tur atan hian Programme Sub Committee ten hun hman dantur, hun hmangtu tur te, incharge hrang hrang te action plan rawn duan atangin programme duan ani thin a, Programme Sub Committee ah hian, OBs, Evangelism i/c leh Literature i/c kan tel a ni. Tin, S.A.Y member damlo damdawiin a awmte chu Rs.500/- a kan thin anni ang a, tin, member phai lama refer an awm chuan Rs. 1000/- pek anni dawn bawk a ni. Retired & Active Officer Civil Hospital a an awm anih chuan a tul anga Emergency Council neiin Rs. 200/- thleng a kan anni ang. Tun kum chanve chhung hian S.A.Y. member pahnih ten Pathian dan thianghlimin pasal an nei.

Kum 2008 hian Brigade pathumah inthen a ni a, kan Retired Officer te pathum hming chawiin inthen a ni. Tin, Visiting Brigade din a ni a, Visiting Brigade a member turte hi thlan anni lova, mahni duhthu ngeiin mi 8 te member ah an inpe a ni. Tin, S.A.Y. Computer thar leh ani a, Sports goods chi hrang hrang leh Football Jersey mawi tak lei thar ani bawk.

RAWNGBAWLNA HRANG HRANG :-

1. Ni 26 January, 2008 khan Pu Evan Lalnghakliana speaker a hmangin Retreat |awngtaina tlang ah neih ani a.

2. Ni 4 February zan ah Namaste Raat hlimawm tak hman a ni a, member te inpawh tharna hun atan hemi hi hman ani.

3. Vathuampui Area a tam tuarte tan ni 11.02.08 zan khan R.M. Hall kawtah Concert buatsaih a ni. He concert a sum hmuhchhuah hmang hian buhfai pek anni.

4. Good Friday denchhenin Doordarshan leh AIR ah te Special Programme neih a ni.

5. Ni 24.03.08 zan khan MSACS te puihna in nupui pasal neih hma a sex hmang lo turin mi 69 an intiam a, intiamna silver zungbun an bun vek a ni.

6. Ni 14.04.08 zan khan Hangi Lunglen tlangah Intercession neih a ni.

7. Ni 18.04.08 ah Alternative Worship Dr. Sangpuii leh a thian te’n hun an rawn hmang.

8. Ni 10.05.08 khan Dinthar Corps S.A.Y. te nen Joint Sports Vaivakawn Y.M.A. Field-ah neih a ni. Ni 12.05 janah Dinthar Corps S.A.Y. te nen Joint Fellowship hlimawm tak neih a ni.

9. Bazar Corps S.A.Y. te’n website kan buatsaih. (http://bazarcorps.page.tl)

10. Ni 26.05.08 zan khan Nl. T. Lalhmachhuani leh a thian te’n hun an rawn hmang a, kan hlawkpui tlang hle.

11.Biakin chhung nungchangte, Biakin chhehvel vawn thianghlim chungchangte inzirtirna kalpui a ni a.

12.Bazar Corps tan bik T-shirt siam a ni a, Rs. 200/- in S.A.Y. hruaitu te hnenah lei theih a ni.
 

<- Back  1 ...  5  6  7  8  9 10  11  12 Continue -> 

This website have 577441 visitors (1515089 hits)
 


Zoram Sipai Pawl rawngbawl dan hi tha tawk i ti em?
Tha ka ti lutuk, a bak a awm thei lo
Aw, a tha tawk e
A tha ka ti lo
Ngaihdan ka nei lo

(View results)


 
SALVATIONIST (Bazar Corps S.A.Y. Newsletter) ================ EDITORIAL BOARD ================ Editor : ================ Jt. Editor: H. Lalhriatpuii ================ News Editor : H. Lalrinchhana, Reuben C. Zochamliana, Marina Lalrintluangi, Ngurnunpari ================ Cir.Manager: Lalrinchhana Lalrinpuia ================ Webmaster: Lalnghahchhana ================ Website: http://bazarcorps.page.tl & http://bazarcorps.blogspot.com ================ E-mail: bazarcorps@yahoo.com editorialboard07@yahoo.com, bazarcorps@gmail.com ================ Address: SAY, Bazar Corps, Dawrpui Jail Veng, Aizawl. Pincode: 796001. ================ Published by : Salvation Army Youth, Aizawl Bazar Corps, Jail Veng: Dawrpui. ================ This website was created for free with Own-Free-Website.com. Would you also like to have your own website?
Sign up for free