Salvationist, Bazar Corps

Bazar Corps News leh Chhandamna Sipai Pawl News hrang hrang te ziahna a ni. Heng news-ah te hian comment pawh pek theih a ni e

SAY Council Vawi 13-na Neih a Ni

Admin on 10/08/2009 at 6:08am (UTC)

Ni 30 September 2009 Nilai Zan dar 8:00 ah SAY Council vawi 13-na chu RM Hall ah neih a ni a, Leader-in thuhma tlem a sawi zawha Pathian hnenah Council chu hlanin thurel tan nghal a ni.

Music & Art Show 2009 Thlirletna
Music & Art Show 2009 kanneih zawh tak chu thlirlet a ni a, a tlangpuin a tha kan ti a, sum pawh kan hmu chhuak tha thawkhat kan ti a, items nei tu zawng zawng, hna chi hrang hrang thawktu, ticket zuartu, sponsor tu, duty zawng zawng, chanvo nei zawng zawng motor thawhtu te, Corps mipui te leh tha thawhtu zawng zawng, a lo hlawhtlin theihna tura tangkaina nei zawng zawng te chungah kan lawm takzet a ni.

Duh ang in Sound system a tha lo deuh a, ticket zawrhna ah thawhho that deuh theih ni se tiin duhthu a sam tawklohna sawilan a ni bawk.

Lawmthu sawina lehkha SAY hmingin Items nei zawng zawng te hnenah leh Sponsor tute hnenah lehkha pek ni se kan ti.

SAY Rally 2009 Chungchang
Ni 9- 11 Oct, 2009 a Ratu a Central N Divn. SAY Rally neih a kal dan tur chu ngun takin ngaihtuah a ni a, Bus hmanga kal ngei ni se kan ti a,hemi atan hian Senior Corps hnenah Bus min hire sak tura ngen nise kan ti.

Rally naa kan item neih tur- Worship dance leh Zaipawl chu Incharge ten lo bawhzui ni se kan ti.

Bus hman tur lo ngaihtuah turin Leader Pu Robert VL Thlamuana, Nl. H. Lalhriatpuii Treasurer, Nl. Judy Lalfakuali, Drama i/c te Council chuan a ruat a ni.

Kalkawnga ei leh in man chu mahni intum ni se kan ti a, harsatna nei te chu SAY in a tumsak ang.

SAY Rising Day Chungchang
Headquarters atanga lehkha kan hmuh angin ni 8 October, 2009 hi SAY Rising day a ni a, hemi puala hun hmang tura min tih angin Ni 8 Oct, 2009 zan hian Tawngtaina neih nise, hemi bakah hian min ngen angin Rally puala tawngtaina neih ni se kan ti. Tawngtaina tur thupui thlan bikte chu Asst. Secy. in a lo buatsaih ang.

DHQ atanga lehkha hmuh- Teirei Forest tanpui chungchang
Kan Divisional Commander-in Teirei Forest ten Keyboard leina tura tanpuina na an dil chu DC remtihna in tanpuina pek ni se kan ti. Hei hi Council hmasa lamah sawi leh pawm tawh a ni a, Headquarters ah phalna an dil chu tihhlawhtlin a ni.

Keyboard thar hlan chungchang
Keyboard thar tha tak mai chu Music i/c in lo chah thleng ta a, hemi Pathian hnena hlanna hi ni 4.10.09 Thianghlimna inkhawmah neih ni se kan ti.

BAZAR CO BIAL COUNCIL THUCHHUAK

Admin on 08/24/2009 at 4:24am (UTC)

1.Division Council Member tur ruat : DHQ chuan kan Bial atangin Division Council member tur pakhat leh Missionary Board member tur pahnih ruat turin min rawn ti a, Division Council member atan Pu TH Vanlalreia CS ni sela, Missionary Board member atan chuan Pu Chawnghlira FS, Chanmary Corps leh Pu MS Dawngliana RS, Chanmary W te ni rawh se kan ti.

2. Missionary te chhawmdawlna : Kan Missionary te an hlawh a beithamin tihpun mai a harsat avangin August 2009-March 2010 thleng chhawmdawlna buatsaih sak ni sela, chumi atan chuan CO Bial tinte hnenah target siam nise tiin DHQ chuan rawtna a rawn siam a, kan Bial pawh Rs. 4000.00 min rawn tuk chu remtihsak niin kan Corps bik chuan Rs. 1000.00 kan tum ang.

3. Bial Khawmpui : Bial Council chuan Ni 15-16, 11, 2008 Bial khawmpui neihna tur hun leh hmun alo ruatsa thlirhona neih a ni a, ruahmanna pawh hetiang hian siam nghal a ni :-
i) Thusawitu tur leh items chu Corps hrang hrang atanga rualkhai deuh a siam nise.
ii) Bial fund pawh a tul anga siam nise, kum dang aia sang deuha siam nise.
iii) A hun atan 19-29 Sep 2009, a hmun atan Sairang Corps

4. Warm-Up Programme :
Ni 16.08.09 Chhandamna Inkhawm Chanmari W Corps.
Hruaitu : Pu R. Vansanga RS, Bazar Corps
Thusawitu : Pu PC Liansiama CSM, Chanmari Corps

Ni 23.08.09 Chhandamna Inkhawm Chanmari Corps. Hruaitu : Pu Lalthanzama WS, Chanmari W Corps
Thusawitu : Pu Rosangzuala Ralte CSM, Hunthar Corps.

Ni 06.09.09 Chhandamna Inkhawm, Bazar Corps.
Hruaitu : Pu SK Sanga CT, Hunthar Corps
Thusawitu : Pu Lalthuama CSM, Chanmari W Corps.

SAY Council Vawi-10-na, Half Yearly Review

Admin on 08/17/2009 at 4:37am (UTC)

Ni 9.7.09 tlai khan SAY Office ah kum chanve chhunga rawngbawlna thlirletna neih a ni. Hemi tlai hian Council member ten chawhlui-an kilho a, hemi atan hian thawhlawm an thawh bawk a ni. Zan dar 7:00 PM atangin Council hi tan a ni.

Half Yearly Review :- Kan sum dinhmun Pu C. Lalthlamuana, Fin. Secy in a report-a, kan sum dinhmun chu hetiang hi a ni:-
Sum lakluh leh hmanchhuah
Sum lakluh zat 1,19,587.00
Hmanralzat 1,17,295.00
Balance 2,292.00
Kum 2008 ami luhpui 57,576.00
Kuta la awm 59,868.00

Nikumlama Half Yearly Audit kan neih a Ledger hman nise kan tih chu, kumin July thla Cash Book kan hmandan pangngaiin hman leh tur a ni ang.

Literature :- Tv. Victor M.S Dawngliana Literature i/c hnen atangin hmalak tawhna te ngaihthlak a ni a, Pathian kaihruainain action plan te tih zawh tawh a ni a, SAY chanchinbu Salvationist pawh tluang taka tihchhuah zel a ni a, website pawh update zel a ni. Special bulletin Sometimes chu vawi khat chhuah a ni tawh bawk. Blogspot www.bazarcorps.blogsplot.com siam thar a ni. SMS huang leh ka lo tawn ve te pawh tluang takin issue tinah la tihchhuah a ni. Editorial pawh kum dang zawng aiin chhiartu an tam a, article ziaktu pawh an pung a ni. Chanchinbu man chu Bial neituten mahni bial theuh ah an khawn ang. NI. G Laldinthari Editorial Board Member in a phatna a rawn thlen chu pawm a ni. Editorial Board Member dang te chu a pangngai angin la kal se kan ti. Tin, Young Salvationist hi In-charge in a latute hnenah a sem thin ang.

Property Report - Asst. Secretary in kan property report a pe a, Almirah thar siam nise Tv. C. Rualan a senso tlem thei anga rawn buaipui ang. Tv. Nelson Lalthanpuia Sailo Evangelism i/c chuan CD Case a rawn pe dawn bawk.

Evangelism - Tv. Nelson Lalthanpuia Sailo Evangelism i/c in kumin chhunga rawngbawla chhuahvahna hrang hrang te a rawn sawi a, a tlangpuiin kan rawngbawlna a tha kan ti a ni. In charge te leh member te inpekna vangin rawngbawlna pawh tluang takin kalpui a ni.

Social & Community -NI. G. Laldinthari Social & Community i/c hnen atangin 2009-a action plan kan neih te chhiar chhuakin sawi nghal a ni a, kan hmalak tawhna te a tha hle a, hmalak lehna tur atan a ranglamin thingphun na neih nise kan tia.Correct information on sexuality hi a ranglam hmalak nise kan ti bawk. Hemi a hma lo la tur leh buaipui turin O.B. incharge leh In charge te ruat an ni.

Games & Sport:- Tv. S. Lalrengpuia Games & Sport in charge report a pe a, Charity Sports hlawhtling tak neih a ni a. Bial Sports kan neihna tur atana thilpetu Pu John L.T. Sanga— Mawza bun 20, Pu PC Lalchhandama B.S - Football 1 bak ah Pu Peter Lalthasiama, Uniform hawh tur ngaihtuahtu leh Pu Robert V.L. Thlamuana, Leader - Sports Department atanga Uniform set dil chhuaktu te, zinga practice thin te thingpui inna tur petu -Leader te, Victor Lit. i/c leh TvLalsangbera chungah Council chuan lawmthu a sawi.

Music: Tv. M.S Dawngzuala Music hnen atangin Music lam leh zai lama hmalakna report ngaihthlak a ni a. Kumin ah hian vawi 20 chuang hla zir a ni tawh a, hla zir mi 30 chuan kan ni ziah thei bawk. Biak in sound ri tha vak lo a ranglama siam nise, Council chuan a ti a. Keyboard tha tak kuminah hian lei a, hemi leina tur sum dilna in tinah appeal letter siam a, ni 9 August, 2009-ah lakkhawm tum a ni bawk.

Drama :-Nl. Judy Lalfakzuali Drama i/c hnen atangin action plan te, hmalakna te ngaihthlak a ni a, hmalak lehna tur Music & Art Show, 2009 chungchang sawiho nghal a ni bawk.

Music & Art Show, 2009 - Hemi chungchang a hmalak tawhna leh hmalak zel dan tur te Dram i/c hnen atangin ngaihthlak a ni a, nguntaka sawiho a ni a, a hun atan Council hmasa a lo rel tawh ni 18 September, 2009 chu ruat fel a ni a. Chanvo hrang hrang pawh siam nghal a ni a, Convener leh Secretary te siamin anni hian tul an tih chuan an member tur te an ruat belh thei ang a, hemi chungchanga in hmuhkhawm leh hun atan ni 22 July, 2009 zan ruat a ni.

SAY Council Vawi-10-na, Half Yearly Review

Salvationist Editor on 07/27/2009 at 5:47am (UTC)

SAY Sunday hlawhtling taka hman a ni

Admin on 07/08/2009 at 4:35am (UTC)

Salvation Army Youth Sunday chu hlawhtling takin hman a ni. He Sunday pual hian Ni 20 June ‘09 atangin Crusade neih a ni. Programme zawng zawng hi Pathian kaihhruaina zarah a hlawhtling hle.

SAY Sunday pual hian ruahmanna hrang hrang kalpui a ni a, ni 20.6.09 Inrinni chhun khan Motherless Babies Home, Tuikual A ah thalai thahnem tak an hnatlang a, Home naupang te bualfaiin insuk leh thil tul tih ngai apiang thawh a ni.Naupang lawm thil chi hrang hrang pek a ni.Baby Home ah hian Towel 12 pek a ni bawk.

Ni 20.6.09 Tawngtai inkhawm atangin Crusade tan a ni a, Pu Lalnghakliana chuan Pathian thuchah a puangchhuak thin a. He Crusade ah hian speaker hian Pathian hnaih hi a tha a ni tih thupui ah neiin thuchah ropui tak a puangchhuak thin. Crusade hian Thawhtan zan SAY inkhawm thleng a awh a ni.Hemi zan hian Workshop on Worship dance, skit and drama a tel ten Mask show- King of Hearts tih chu entir a ni. Sipai te rilru a khawih hle bawk. Tin, hemi zan hian Aizawl Venglai Presbyterian KTP hruaitute pawh an lo tel.

Ni 21.6.09 SAY Sunday hian SAY Zaipawl ten Thinlung Isua ka hlan a (Hla bu 284 na) chu an rem a. Zirnaa hlawhtling HSLC, HSSLC, Degree pass te hnenah thilpek hlan an ni. Inkhawm banah ei leh in ho a ni.

Chawhnu inkhawm ah Pathian fakna inkhawm neih a ni leh bawk. Chawhnu inkhawm banah hian Gan Sabra, Zonuam tlawh a ni a, he hmunah hian natna khirh tuar, naupang chanhai an chhungten an enkawl theih loh te enkawl mek a ni.He home ah hian buhfai bag khat, alu bag khat, dal Kg 10 te, ei leh in lam chi hrang hrang te pein Council member te an kal a, SAY Leader, Evan. i/c leh Fin. Secretary ten lirthei an rawn thawhchhuah pui a ni.Gan Sabra ah hian tawngtai rualna neih a ni a, a kalte rilru a khawih hle.

Chhandamna inkhawm ah hian Workshop a tel ten item an nei a, an hnenah Certificate hlan an ni. Pu Lalremruatan Pathian fakna hla a sa bawk.

Thawhtan zanah Crusade neih chhunzawm a ni a, hemi zan hian zaia Pathian fakna leh chawimawina hun hman a ni a. Pu Lalremruata’n Pathian fakna hla a sa a, hlawk takin inkhawm a ni. Crusade neih chhung hian Tv. S. Lalrengpuia leh Nl. Vanlaldiki Sailo te chuan zaiin Pathian fakna hla an sa.

He Crusade ah hian inkhawm a nuamin thusawi a benglut thei hle.

BAZAR CO BIAL SPORTS

Admin on 07/08/2009 at 4:24am (UTC)

Ni 10 leh 11, July 2009 hian Vaivakawn YMA Field-ah Bazar CO Bial Sports neih a ni dawn ta. Heng a hnuaia Items hrang hrangah te hian inelna/intihsiakna buatsaih a ni ang :-
1. Mipa Football (2 Teams)
2. Hmeichhe Volleyball (2 Teams)
3. Penalty Shootout (Hmeichhia)
4. Inbuk (Light & Heavy Weight) Mi 5 ve ve.
5. Sakuh-ui-lut (Mixed)
6. Race Mipa leh Hmeichhia (100m & 400m Relay)
7. Inhruipawh (Mipa & Hmeichhia 10 ve ve)
He Sports ah hian Corps tinin Theme Song neih vek tur a ni a, Fair Play Award, Best Player (Boys & Girls), Best Keeper, Corps Thawm Tha Ber Award te siam a ni bawk ang.

<- Back

1 ... 5 6 7 8 9 10 11 12

Continue ->